नेपाली कांग्रेसया १४ क्वःगु महाधिवेशन अन्तर्गत आः पार्टी केन्द्रीय कार्यालय सानेपाय् मिसापिनिगु खुलापाखे केन्द्रीय सदस्यपिनिगु मतगणना जुयाच्वंगु दु।

आःतक १३६४ मतगणना जुइ धुकुगु दु। ८२५ मत हया देउवा समुहया डा. डिला संग्रौला न्हापागु थासय् दु। ८०२ मत हया पुष्पा भुषाल निगुगु थासय् ८०२ दु।

अथेहे आरजु राणा देउवाया ७२८ मत, ६५८ मत हया अम्बिका बस्नेत, ईश्वरी न्यौपाने ६४० मत, सरिता प्रसाईं ६२४ मत, रमा कोइराला ५२९ मत, सुशीला ढकाल ५१९ मत व अनिता देवकोटां ५१९ मत काये धुकुगु दु।

लुँया भाः थौं तोलां निसः थहावंगु दु।

लुँ तोलां थौं निसः थहावना ९३ हजार ८ सय रुपैयाँ न कारोबार जुगु दु धका नेपाल सुनचाँदी व्यवसायी महासङ्घं धाउगु दु।

अथेह वहः धासा थौं स्थिर जुगु दु। वहः तोलां थौं १२ सय ४५ रुपैयाँ कारोबार जुयाच्वंगु दु धका महासङ्घं धाउगु दु।

अमेरिकी ग्वहालि परियोजना, एमसीसीबारे सत्तारुढ गठबन्धनय् मतभेद जूगु दु ।

प्रधानमन्त्री व नेपाली कांग्रेसया सभापति शेरबहादुर देउवा एमसीसीयात संसदं अनुमोदन याकेगु पक्षय् खनेदु । उखय् नेकपा माओवादी केन्द्र व एकीकृत समाजवादी थुकिया विपक्षय् दु ।

थ्व विषयलय् ुसहलह यायेत प्रधानमन्त्री देउवां म्हिगः सत्तारुढ गठबन्धन व सर्वदलीय मुँज्या सःतूगु खः । सत्तारुढ दलतय्गु मुँज्याया सुरुइ हे प्रधानमन्त्री देउवां एमसीसीया नितिं मुँज्या सःतूगु धकाः धयादीगु खः ।

थ्वहेदथुइ वय्कलं एमसीसीयात थत्थें संसदं पारित याकेगुलिइ ग्वहालि यायेत धयादीगु खः । थ्वहेदथुइ एकीकृत समाजवादी व जनता समाजवादी पार्टीं थुकिइ थप सहलह यानाः न्ह्यज्यायेमाःगु विचाः तःगु दु ।

मुँज्याय् माओवादी केन्द्रया नायः पुष्पकमल दाहाल प्रचण्डं मध्यमार्गी विचाः तयादीगु खः । मुँज्याय् प्रचण्डं गठबन्धनयात कायम यानाः थ्व विषयलय् गू ढंगं एमसीसीयात सम्बोधन यायेफइ धइगु विषयलय् उपाय मालेमाःगु तर्क यानादीगु खः ।

सत्तारुढ दलदथुइ मतभेद जुइवं एमसीसी सम्झौताया विषयलय् सहलह यायेमाःगु बुँदात टिपोट यायेत ३म्ह दुजःया ज्यासना पुचः दयेकूगु दु । ज्यासना पुचलय् एकीकृत समाजवादीपाखें झलनाथ खनाल, कांग्रेसं सञ्चारमन्त्री ज्ञानेन्द्रबहादुर कार्की व माओवादी केन्द्रपाखें नारायणकाजी श्रेष्ठयात तःगु दु ।

१८ क्वःगु राष्ट्रिय ज्यापु दिवसया लसताय् येँ महानगरपालिकाया मेयर बिद्यासुन्दर शाक्ययात सम्मानित याउगु दु।

राष्ट्रिय ज्यापु दिवसया लसताय् येँया बसन्तपुरय् जुगु छगु ज्याझ्वः दथुइ मेयर शाक्ययात प्रधानमन्त्री शेरबहादुर देउवां दोसल्ला न्ययेका हनापौं लल्हागु खः।

नेवाः संस्कृतिया संरक्षणय् येँ महानगरं याउगु योगदानया कदरयासे मेयर शाक्ययात सम्मान याउगु खः।

उगु ज्याझ्वलय् समाज विकासय् ग्वाहालि यापिन्त थीथी व्यक्तित्वपिन्त ज्यापु रत्न, ज्यापु सरस्वती पदक, ज्यापु प्रतिभा सम्मान, ज्यापु विशेष सम्मान लगायत पदवीपाखे सम्मान न याउगु खः।

वंगु २४ घण्टाया दुने देयन्यक थप १८१ म्हेसित कोरोना भाइरस संक्रमण पुष्टि जुगु दु।

४ हजार ८ सय ३१ म्हेसिगु पीसीआर परीक्षण याउगुलि १३३ म्ह व ५ हजार ४१ म्हेसिगु एन्टिजेन परीक्षण याउगुलि ४८ म्ह याना १८१ म्हेसित कोरोना भाइरसया संक्रमण खनेदुगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् कोरोना संक्रमणं छम्ह सीउगु दु सा २८९ म्ह सक्रमणमुक्त जुग दु।