नेपाल आयल निगमं पेट्रोलियम पदार्थया भाः हाकन थकागु दु।

म्हिगः चान्ह्यः १२ बजेनिसे लागू जुइ कथं निगमं डिजेल, पेट्रोल व मचिकं नाप एलपी ग्यासया भाः थहावंगु दु धका निगमया प्रवक्ता विनितमणि उपाध्यायं जानकारी बिगु दु।

डिजेल, पेट्रोल व मचिकनय् नितका थकागु खः। आः पेट्रोल प्रतिलिटर १३० रुपैयाँ, डिजेल व मचिकं ११३ रुपैयाँ व हवाई इन्धन ८६ रुपैयाँ कायम जुगु धका निगमया प्रवक्ता उपाध्यायं जानकारी बिगु दु।

एलपी ग्यास प्रति सिलिण्डर २५ रुपैयाँ थकया १ हजार ४५० कायम जुगु दु धका निगमं धागु दु।

थौं किपूलिइ सांकेतिक रुपं सायाः पिकागु दु। बाघभैरव द्यःया थाय् गणेश पुजा व ख्वापाः लल्हाना बिइ धुका देय् चाहिगु खः।

उगु जात्राय् किपूया मेयर रमेश महर्जनया न ब्बति दुगु खः।

 किपाः बिरेन्द्र शाक्य

स्वास्थ्य तथा जनसंख्या मन्त्रालयया कथं दकलय् अप्वो येँ ४४१म्हेसित कोरोना सक्रमण जुगु दु।

अथेहे कास्कीइ २०८, यलय् १६७, ख्वपय् १०० व सुनसरीइ ९६ म्हेसित कोरोना संक्रमण पुष्टि जुगु खः।

मोरङय् ९२, चितवनय् ६०, नुवाकोटय् ५५, झापाय् ३४, नवलपरासी पुवय् ३१, गोरखाय् ३०, स्याङजाय् २५, रुपन्देहीइ २४, धादिङय १९, दाङ व लमजुङय् १३÷१३ म्ह व म्याग्दीइ १० म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

वंगु २४ घण्टाया दुने देयन्यक १,८०१ म्हेसित कोरोना संक्रमण पुष्टि जुगु दु।

स्वास्थ्य मन्त्रालयया कथं ८७०४ म्हेसिगु पीसीआर परीक्षण यागुलि १५४८ म्हेसित व २६२२ म्हेसिगु एन्टीजेन परीक्षणय् २५३ म्ह याना १,८०१ म्हेसित कोरोना संक्रमण पुष्टि जुगु दु।

अथेहे वंगु  २४ घण्टाया दुने कोरोना संक्रमणं २४ म्ह सीगु दु सा मृत्यु भएको छ भने १ हजार ९२४म्ह कोरोना सक्रमणमुक्त जुगु दु।

सोमबाः थपे जुगु नाप नेपालय् कोरोना संक्रमितपि ७ लाख ४८ हजार ९८१ म्ह थ्यंगु दु।अथेहे सीपि १० हजार ५३३ म्ह थ्यंगु दु सा ७ लाख ९७ म्ह संक्रमणमुक्त जुगु दु।

जापान सरकारया अनुदानं उपलब्ध यागु एस्ट्राजेनिका खोप नेपाल थ्यंगु दु।

जापान सरकारं कोभ्याक्स सुविधापाखे अनुदान उपलब्ध यागु ५ लाख ५९ हजार डोज खोप थौं सोमबाः येँ थ्यंगु दु। स्वास्थ्य तथा जनसंख्या मन्त्रालयया प्रवक्ता डा. कृष्णप्रसाद पौडेलया कथं सोमबाः वयेवं जापानपाखे अनुदानय् उपलब्ध यायेवं १६ लाख १४ हजार ७४० मात्रा खोप थ्यंगु दु।

थ्व स्वया न्ह्यः साउन २३ व २४ गते ९ लाख मात्रा व थ्व हे भदौ ५ गते २ लाख ८ हजार ७ सय मात्रा खोप नेपाल वये धुकुगु दु। जापानपाखे उपलब्ध यागु खोप प्रदेश १ व २ या ज्येष्ठ नागरिकपिन्त बिइगु धका जानकारी बिगु खः।

वंगु फागुनय् कोभिशिल्ड काये धुकुपि ६५ दँया च्वय् दुपि ज्येष्ठ नागरिकपिन्त मन्त्रालयं एस्ट्राजेनिका खोप बिइत्यंगु खः। भारतपाखे खरिद याना कोभिशिल्ड खोप मवयेवं सरकारं जापानपाखे अनुदान कया एस्ट्राजेनिका खोप हःगु खः।