राष्ट्रिय

Display Style:

Column Style

येँ महानगरपालिका वडा नं. १२ या कार्यालय भवन पलिस्था जुल

लहनान्यूज | गुंलाथ्व एकादशी ११४१, भाद्र २ गते बुधबाः

येँ महानगरपालिका वडा नं. १२ या कार्यालय भवन पलिस्था जूगु दु । येँ महानगरपालिका वडा नं. १२ या वडा कार्यालय भवनया पलिस्था थौं येँ महानगरया मेयर विद्यासुन्दर शाक्यं यानादिगु खः ।

टेकूइ निर्माण जुइगु वडा कार्यालय भवनया लागत ४गू क्वति २५गू लख ३२द्वः व ४४८ ध्येबा जुइगु धाःगु दु । भवन २०७९ असार १५ गते निर्माण क्वचायेकेगु धाःगु दु । भवनया पलिस्था यासें मेयर शाक्यं येँ महानगरपालिकाया ३२गू हे वडा सुविधा सम्पन्न आधुनिक भवन दयेकेत थः तयार जूगु धयादिल ।

भवनया न्ह्यने ख्वाः झिगू मौलिकता हे कायम याना दनेया भाग धाःसा आधुनिकता कथं दयेकेगु वय्कलं धयादिल । खुत जाःया भवनया कार्यालयया लागि माःगु कार्यकक्ष, ५०म्ह क्षमताया कार्यक्र हल, भूमिगत तल्लाय् पार्किङया व्यवस्था व ६म्ह क्षमताया लिप्mटया तकं व्यवस्था जुइगु जूगु दु ।

थ्वहे दथुई फोहोर व्यवस्थापन केन्द्र सिसडोलय् थ्यनिगु सतक स्यनाच्वंगुलिं येँया फोहोर वान्छ्वय मपूmगु मेयर शाक्यं धयादिगु दु । आः स्वनिगःया थीथी शहरय् फोहोर मुंगु दु धाःसा महानगरं फोहोर मयंकुबलये दुगन्ध अप्वयाच्वंगु दु ।

येँ महानगरपालिकाया मेयर विद्याुसुन्दर शाक्यं वर्षाया हुनिं सिसडोल सतकखण्डय् चलः वनिगु व लँ स्यनाच्वंगुलिं अपुक्क गाडी यंके मपूmलिं फोहोर व्यवस्थापन यायेमफुगु धयादिल ।

मेयर शाक्यं वर्षा दिइवं सहज कथं फोहोर व्यवस्थापन जुइगु धयादिल । वय्कलं बञ्चरेडाँडाया ज्या याकनं हे क्वचायेका महानगरपालिकायात लःल्हायेत नं सरकारलिसे माग याःगु दु ।

अथेहे सिसडोलनिसें बञ्चरेडाँडाँ तक्क वनिगु लँ नं विभागं याकने हे दयेकाबिल धाःसा फोहोर व्यवस्थापनया समस्या ज्यनिगु वय्कया धापू खः ।

एमालेया १४म्ह सांसदपि पदमुक्त मयायेत संसद सचिवालय

लहानान्युज | गुंलाथ्व एकादशी ११४१, भाद्र २ बुधवाः

एमालेया १४म्ह सांसदपि पदमुक्त मयायेत संसद सचिवालय नेकपा एमालेया १४ म्ह सांसदपिन्स अध्यक्ष केपी शर्मा ओलीं यागु कारबाही कथं थःपिन्त पदमुक्त मयायेत माग यासे संसद सचिवालय निवेदन बिगु दु।

१४ म्ह सांसदपिन्स मंकाः कथं पौ कया विरोध खतिवडा व जीवनराम श्रेष्ठ संसद सचिवालय वंगु खः। सरकारं दल विभाजन सम्बन्धी अध्यादेश हया पार्टी तछ्यागु स्वयेवं एमाले अध्यक्ष केपी शर्मा ओलीं मंगलबाः वरिष्ठ नेता माधवकुमार नेपाल नाप १४ म्ह सांसदपिन्त पदमुक्त यायेत संसद सचिवालय पौं छ्वंगु खः।

उमिसं दलया ह्वीप उल्लंघन यागुलि कारबाही यानागु धका पौं च्वंगु खः। तर १४ म्ह सांसदपिन्स थःपिन्त यागु कारबाहीलय् हे न्ह्यसः तःगु खः। २७ वैशाखय् तत्कालीन प्रधानमन्त्री ओलीं विश्वासया मत कागु इलय् संसदीय दलं ह्वीप मतःगु व ३ साउनय् प्रधानमन्त्री शेरबहादुर देउवायात मत बिगु आधारय् कारबाही यायेगु सर्वोच्च अदालतया फैसला विपरीत खः धका धागु खः।

नेप्से दकलय् अप्वो विन्दुइ थ्यन

रसिया श्रेष्ठ | गुंलाथ्व एकादशी ११४१, भाद्र २ बुधवाः

शेयर कारोबार मापक नेप्से परिसूचक आःतक हे दकलय् अप्वो विन्दुइ थ्यंगु दु।

बुधबाः नेप्से परिसूचक ३ हजार २ सय माथि थ्यका न्हुगु रेकर्ड कायम जुगु दु। थ्व स्वया न्ह्यः ३ हजार १७९ अंकय् थ्यका न्हुगु रेकर्ड कायम जुगु खः।

नेप्से परिसूचक नाप कारोबारय् न बुधबाः उत्साह खनेदुगु खः। कारोबार रकमं धासा २१ अर्ब च्वया थ्यका न्हुगु रेकर्ड तोडे यागु खः।

लुम्बिनी प्रदेश सभा वैठकय् नाराबाजी

लहानान्युज | गुंलाथ्व एकादशी ११४१, भाद्र २ बुधवाः

प्रमुख विपक्षी दल एमाल न लुम्बिनी प्रदेश सभा वैठकय् नाराबाजी यासे अवरुद्ध यागु दु।

प्रदेश सभा बैठक शुरु जुइवं हे एमाले सांसद हरि रिजालं सांसद अजय शाही व विमला वलीयात पदमुक्त मयातले वैठक न्ह्याके दइ मखु धका धासे एमाले सांसदपि दना रोष्टम न्ह्यने वना नाराबाजी यागु खः।

सभामुख पूर्णबहादुर घर्ती न प्रक्रिया कथं निर्णय यायेगु धका धागु दु। बैठकय् मुख्यमन्त्री कुलप्रसाद केसीं विशेष सम्बोधन यायेगु कार्यसूचिइ दु। अथेहे उद्योग, वन तथा वातावरण मन्त्री तक जुयादीम्ह मुख्यमन्त्री केसीपाखे प्रदेशया नामं सुधार व छु प्रदेश ऐनयात संशोधन यायेत दयकूगु विधेयक व वन सम्बन्धय् व्यवस्था जुगु विधेयक सभाय् पेश यायेगु कार्यसूचि दु।

अथेहे आर्थिक मामिला तथा योजना मन्त्री कृष्णध्वज खड्कां थ्व स्वाया न्ह्ययागु सरकारं अध्यादेशपाखे विनियोजन विधेयक (वजेट ) लित कायेगु टेबल यायेगु व सभामुखं निर्णयार्थ पेश यायेगु कार्यसूचिइ दु।