प्रतिनिधिसभाय् विनियोजन विधेयकय् छलफल शुरु जूगु दु। थौं विनियोजन विधेयकय् मन्त्रालय शीर्षकय् छलफल याना क्वचाकिइ कार्यसूची दु।

२३ भदौय् सुरु जुगु प्रतिनिधिसभाया बैठकय् एमाले न लगातार नाराबाजी याना वयाच्वंगु खः। बजेटया छलफलय् तक नाराबाजी जारी जुयाच्वंगु दु।

तर, सभामुखं एमालेया नाराबाजी दथुइ न छलफल न्ह्याकूगु दु। थौं विनियोजन विधेयकया मन्त्रालयगत नाप सचिवालय अन्तर्गतया थीथी शीर्षकय् समूहीकृत छलफल याइगु, मन्त्रालयगत रुपं न्ह्यसःया लिसः अर्थमन्त्रीं बिया पारित यायेगु तयारी दु।

संघीय संसद प्रतिनिधिसभाया बैठक थौं च्वनेत्यंगु दु। नेकपा एमालेया अवरोध यानाच्वंगु कारण नियमित रुप सञ्चालन यायेमफुगुलि थौं बैठक सःतूगु खः।

भदौ २९ गतेलिपा बैठक च्वनेत्यंगु खः। सभामुख अग्निप्रसाद सापकोटां बैठक छु ईया लागि सःतूगु खःसा एमालेनाप सहमति यायेगु कुतः यायेगु स्वंगुसा उपलब्धी जुइ मफया च्वंगु खः।संसदया अवरोध चिइकेत सभामुख सापकोटां सर्वदलीय बैठक सःतूगु खःसा तर एमालें धासा बहिष्कार याउगु खः।

एमालें पार्टी न कारबाही यापिं १४ म्ह सांसदपिन्त पदमुक्त यायेगु सूचं टिकेमाःगु माग यानाच्वंगु खः। उगु सूचं मटिकूसा पदपाखे राजीनामा बिइत सभामुखयात एमाले न इनाप याउगु खः।

थौंनिसे बैंक तथा वित्तीय संस्थाय् न्हुगु नोट हिले दइगु जुगु दु।

मोहानीया इलय् न्हगु नोटया विशेष महत्त्व दुगुलि नोट वितरणया व्यवस्था मिले यानागु धका नेपाल राष्ट्र बैंकं धाउगु दु।

केन्द्रीय बैंकं नोट व्यवस्थापन विभागया कथं स्वनिगलय् दुने स्वीकृतिइ कयातःगु वाणिज्य बैंकय् तोके यनातःगु शाखा कार्यालयपाखे न्हुगु नोट हिलेफइगु धका धाउगु दु