Display Style:
Column Style
येँ चीनं खोप वयेवं खोप अभियानय् निरन्तरता जुइगु
लहानान्युज | दिल्लाथ्व अष्टमी ११४१,साउन २ सनिवाः
चीनं खोप वयेवं खोप अभियानय् निरन्तरता काइगु जुगु दु।
आः खोप सिधय् धुकूलि येँ खोप अभियान स्थगित यागु दु। मेमेगु जिल्लाया प्रशासन व पालिकाय् समन्वय केन्द्र व बियाच्वंगु खोप धासा न्ह्यानाच्वंगु दु।
वइगु ७ गते लिपा चीनपाखे खोप वंइगु जुगुलि अभाव जुइ मखु धका खोप शाखा प्रमुखं जानकारी बिगु दु। खोप वयेवं हे प्राथमिकता कथं खोप बिइगु धका धागु दु।
महान्यायाधिवक्ता खम्मबहादुर खातीया शपथग्रहण सर्वोच्च अदालतय्
लहानान्युज | दिल्लाथ्व अष्टमी ११४१,साउन २ सनिवाः
राष्ट्रपति कार्यालयं अस्वीकार यायेवं नवनियुक्त महान्यायाधिवक्ता खम्मबहादुर खातीयात सर्वोच्च अदालतय् शपथग्रहण याकूगु दु।
राष्ट्रपति कार्यालय प्रधानन्यायाधीशं शपथ ग्रहण याकेगु धइगु संवैधानिक पदाधिकारीया हकय् सर्वोच्च अदालतय् हे शपथ याकेगु धइगु निर्णय यायेवं शपथ ग्रहण याकेगु थाय्या परम्परागत ह्यूपाः वंगु दु। आःतक नियुक्त महान्यायाधिवक्तापिन्स राष्ट्रपति कार्यालय, शीतल निवासय् राष्ट्रपतिया उपस्थितिइ प्रधानन्यायाधीशपाखे शपथ ग्रहण याकेगु परम्परा दु।
निवर्तमान महान्यायाधिवक्ता रमेश बडालयात न वंगु चैतय् राष्ट्रपति कार्यालयय् शपथ याकूगु खः। नेपाःया संविधान यागु धारा १५७ य् प्रधानमन्त्रीया सिफारिसय् राष्ट्रपतिं महान्यायाधिवक्ता नियुक्त यायेगु व्यवस्था दु। तर शपथ धासा प्रधानन्यायाधीश नाप कायेगु कानूनी व्यवस्थाया कारण थ्व स्वया न्ह्यःया अभ्यासय् राष्ट्रपतिया उपस्थितिइ राष्ट्रपति कार्यालय शीतल निवासय् हे शपथ कायेगु प्रचलन दुगु खः।
राष्ट्रपति कार्यालयय् शपथ मयासा संवैधानिक व्यवस्थाया कारण महान्यायाधिवक्ता नियुक्तिपत्र कायेगु लागि राष्ट्रपति कार्यालय हे वनेमाः।
बजेट अध्यादेश प्रतिनिधिसभाय् टेबुल जुइ
लहानान्युज | दिल्लाथ्व षष्ठी ११४१,साउन १ शुक्रवाः
केपी ओलीया नेतृत्वय् वंगु जेठ १६ गते सरकारं हःगु बजेट अध्यादेश प्रतिनिधिसभाय् टेबुल जुइ धका धागु दु।
अर्थमन्त्री जनार्दन शर्मां पत्रकार सम्मेलन यासे अथे जानकारी बिगु खः। बजेट अध्यादेश आः संसदये बिजनेस जुगु धका धासे अर्थमन्त्रीं उगु अध्यादेश आः संसदय् बिजनेस जुइ धका धागु दु।
संसद बैठक साउन ३ गते सःतूगु दु। संसदं गुकथं चाहे जू अथे हे बजेट न्ह्यने वइ धका धागु दु। प्रतिस्थापन यायेगु वा न्हुगु बजेटया प्रक्रिया वनेगु धइगु विषय तक संसदं निर्णय जुइगु जानकारी बिगु दु।
अर्थ मन्त्रालय थौं शुक्रबाः ग्वसाः ग्वंगु म्हसिका ज्याझ्वलय् अथे जानकारी बिगु खः।
चिनियाँ राजदूत होउ यान्छीं प्रधानमन्त्री देउवायात भिंतुना बिल
लहानान्युज | दिल्लाथ्व षष्ठी ११४१,साउन १ शुक्रवाः
नेपालया लागि चिनियाँ राजदूत होउ यान्छीं प्रधानमन्त्री शेरबहादुर देउवायात भिंतुना बिगु दु।
प्रधानमन्त्रीया सरकारी निवास वालुवाटारय् जुगु भेटवार्ताय् राजदूत होउ यान्छीं भिंतुना बिगु खः।
उगु ज्याझ्वलय् प्रधानमन्त्री देउवां थः न्ह्याबलय् न चीन नाप बालागु सम्बन्ध स्थापना याये चाहे जुगु धका धागु खः।
भेरोसेल खोप अभियान स्थगित जुल
लहनान्यूज | दिल्लाथ्व षष्ठी, श्रावण १, शुक्रबाः
येँ जिल्लाय् न्ह्यनाच्वंगु चिनिया भेरोसेल खोप अभियान दिउगु दु ।
खोपया मौज्दात सिधःगु धासें जिल्ला जनस्वास्थ्य ज्याकू येँ नं साउन २ गतेतक्क न्ह्याकूगु ज्याझ्व दिकूगु खः । मेगु सूचं मवतल खोप अभियान दिउगु ज्याकूथिं न्ह्यथंगु खः ।
थ्वहे दथुई प्रधानमन्त्री शेरबहादुर देउवां खोप केन्द्र अप्वःयेकत उजं बिउगु दु । खोप केन्द्र त म्हो जूगुलिं भिडभाड अप्वःगु धासें देउवां मुख्यसचिव शंकरदास बैरागी व स्वास्थ्य सचिव लक्ष्मण अर्यालयात सःता खोप केन्द्र अप्वःकेत उजं बिउगु खः ।
खोप केन्द्रय् खोप काइपिं तसकं भिडभाड अप्वःगुलिं माःकथंया व्यवस्था यायेत प्रधानमन्त्रीं उजं बिउगु खः । स्वास्थ्य मापदण्डयात पूवंक पालना याना कोरोना विरूद्ध खोप कायेत नं प्रधानमन्त्री देउवां इनाप यानादिल ।
