स्वनिगलय् हाकन छवाःया लागि निषेधाज्ञा थपे यागु दु। जेठ मसान्त तके निषेधाज्ञा याना तःगुलि आः हाकनं थप छवा थपे यायेगु निर्णय यागु दु। कोरोना भाइरसया जोखिम घटे मजुगु निष्कर्ष नाप येँं, ख्वप व यलया प्रमुख जिल्ला अधिकारीपिनिगु मंका बैठकं निषेधाज्ञा थपे यायेगु निर्णय यागु खः।

आः तरकारी व खाद्यान्न पसः सुथय् ११ बजे तक चायके दइसा अनलाइन डोम डेलिभरी सेवा न सञ्चालन याये दइगु जुग

दु। शैक्षिक सत्र सुरु जुइगुलि प्रशासनं सफू पसः चायके दइगु निर्णय यागु दु। थुगु पसः सुथय् ११ बजे तक चायके दइ। सनिलया ४ बजे लिपा हार्डवेयर पसः चायके बिइगु निर्णय यागु दु।

स्वनिगलय् १६ वैशाख निसे लगे याःगु निषेधाज्ञा आःतक न जारी दु। 

वंगु २४ घण्टाय् २ हजार ४०७ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ७,५१७ म्हेसित पीसीआर परीक्षण यागुलि १ हजार ६९४ म्ह व ४८८९ म्ह एन्टिजेन परीक्षण यागुलि ७१३ म्ह याना २ हजार ४०७ म्हेसित कोरोना भाइरस संक्रमण पुष्टि जुगु दु। अथेहे वंगु २४ घण्टाय् कोरोना संक्रमणं ४६ म्ह सीगु दु धका मन्त्रालयं धागु दु। अथेहे थौं थप ३ हजार ९९४ म्ह संक्रमणमुक्त जुगु दु।

स्वास्थ्य तथा जनसंख्या मन्त्रालयया कथं येँ ४५३, कास्की १५८, यलय् ११२, नुवाकोटय् ९१ व झापाय् ६५ म्ह कोरोना संक्रमण पुष्टि जुगु दु। अथेतु मोरङय् ६१, ख्वपय् ५८, सिन्धुपाल्चोकय् ५७, लमजुङय् ५१, रूपन्देहीइ ४७, धादिङय् ४३, सिहराय् ४१ व गोरखाय् ३९ म्हेसित कोरोना संक्रमितपि थपे जुगु दु।

तनहुँइ ३०, सप्तरी, सर्लाहीइ २५, सुनसरी २४, धनुषा व काभ्रेपलाञ्चोकय् २३÷२३ म्ह, सिन्धुलीइ २२, बाँकेय् २१, अछामय् १९, दाङय् १४, रौतहटय् १३, म्याग्दी १२, बर्दियाय् ११, कञ्चनपुरय् १० म्हेसित कोरोना संक्रमण खनेदुगु दु। अथेहे स्याङजा, अर्घाखाँची, नवलपरासी पश्चिम व कैलालीइ ८÷ ८ म्ह, महोत्तरी ७, उदयपुर व कपिलवस्तुइ ६÷६ म्ह, रामेछाप व डोटीइ ४÷४ म्ह, मकवानपुरय् ३, पाँचथर,संखुवासभा, पर्सा, रसुवा, बागलुङ, पाल्पा व रूकुम पुर्वय् निम्ह निम्ह नाप इलाम, ओखलढुंगा, धनकुटा, भोजपुर, सोलुखुम्बु, बारा, चितवन, नवलपरासी पूर्व, पर्वत, गुल्मी, प्युठान, सल्यान, बझाङ, बाजुरा व बैतडीइ छम्ह छम्हेसित कोरोना संक्रमण पुष्टि जुगु दु धका मन्त्रालयं धागु दु।

शिक्षा विज्ञान लिसें प्रविधिमन्त्री कृष्णगोपाल श्रेष्ठं थीथी देशं खोप वइगु वः न्ह्यनाच्वंगुलिं दक्वः नागरिकपिन्त सितिकं खोप दइगु धाःगु दु । 

येँया छत्रपाटी निःशुल्क चिकित्सालय् न्ह्याःगु कोभिड अस्पतालया शनिबाः निरीक्षण यासें मन्त्री श्रेष्ठं राष्ट्रपति विद्यादेवी भण्डारीं मेमेगु देय्या समकक्षीपिन्त खोपया नितिं अपिल याःगु व खोपलिसें स्वास्थ्य ज्वलंत नं वय्गु वः न्ह्यानाहे च्वंगु धयादिल ।

चित्किसालयस भेन्टिलेटलिसें ३५गू शैयाया कोभिड अस्पताल न्ह्यनाच्वंगु दु ।

येँ महानगरपालिकाया ग्वहालिइ अपस्पतालय् उगु वार्ड न्ह्यानाच्वंगुलिई वय्कलं प्रशंसा यानादिगु खः ।

६१ गु जिल्लाय् कन्ह्यनिसे व प्यगू जिल्लाय् थौनिसे निषेधाज्ञा क्वचायेत्यःगु दु। उगु जिल्लाय् निषेधाज्ञा थपे यायेगु तयारी दु।

थ्व स्वया न्ह्यः निषेधाज्ञाया अवधि सिधःगु ९ जिल्लाय् निषेधाज्ञा थपे याये धुकुगु दु। सप्तरीइ धासा मेगु निर्णय मजूतले आंशिक निषेधाज्ञा यानातःगु दु। सप्तरी, ताप्लेजुङ व मुस्ताङय् आंशिक व ल्यःदनिगु ७२ गु जिल्लाय् पूर्ण रुपं निषेधाज्ञा यागु दु।

दाङय् वइगु असार १ गतेतक, हुम्ला, रामेछाप व सल्यानय् असार २ गते तक, भोजपुर, धनकुटा व चितवनय् असार ३ तक, गोरखाय् असार ५ गते तक व उदयपुरय् असार ७ गते तक निषेधाज्ञा याना तःगु दु।

कोरोना सङ्क्रमणया जोखिम कम जुगु कारण आःतक खोटाङ व मनाङ जिल्लाय् निषेधाज्ञा यागु मदुनि।

स्वनिगलय् थप छवाः निषेधाज्ञा थपे यायेत थौं जिल्लाया प्रमुख जिल्ला अधिकारीपिनिगु बैठक च्वनेत्यंगु दु।

थौंन्हिनय २ दुई बजे जिल्ला प्रशासन कार्यालय येँ च्वनेत्यःगु खः। उगु बैठकं निषेधाज्ञाबारे निर्णय यायेत्यःगु खः। आः विद्यालयया सफू ढुवानी व बिक्रीया लागि सफू पसः न खुला यायेगु तयारी दु।

अथेहे, कृषि व विकास निर्माणया क्षेत्रय् न मागु सतर्कता यासे चायकेत्यःगु दु। स्वनिगलय् कोरोना भाइरसया सङ्क्रमण भचा जोखिम दनिइ धका थप छवाः निषेधाज्ञा तयेगु तयारी दु।

निषेधाज्ञा थपे यायेगु बारे स्वंगु हे जिल्लाया प्रमुख जिल्ला अधिकारीपिन्स छु दिं न्ह्यनिसे सम्बन्धित निकाय नाप छलफल याना वयाच्वंगु दु।