वंगु २४ घण्टाय् स्वनिगलय् ४२८ म्हेसित कोरोना संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं थौं येँ जक २९९म्हेसित कोरोना सक्रमण जुगु दु। अथेहे यलय् ७७ म्ह व ख्वपय् ५२ म्हेसित संक्रमण पुष्टि जुगु खः।

अथेहे मेमेगु जिल्लाय् २४ घण्टाया दुने सुनसरीइ १२५, मोरङय् ११५, कास्कीइ १०१, झापाय् ६९, मकवानपुरय् ५९, चितवनय् ५४, नवलपरासी पूर्वय् ४४, काभ्रेय् ३७, रामेछापय् २८, रुपन्देहीइ २१, नुवाकोटय् २०, धादिङ व सिन्धुपाल्चोक, बाग्लुङय् १७÷१७ म्ह, दोलखाय् १४, स्याङ्जाय् १२ म्हेसित संक्रमण पुष्टि जुगु दु।

वंगु २४ घण्टाया दुने १८७५ म्हेसित कोरोना भाइरस (कोभिड–१९) या संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ६,८५८ म्हेसिगु पीसीआर परीक्षणय् १३१० म्ह व ३,२०८ म्हेसिगु एन्टिेन परीक्षणय् ५६५ म्ह याना १८७५ म्हेसित संक्रमण पुष्टि जुगु दु।

थ्व नाप आःतक नेपालय् कुल कोरोना संक्रमितपि ६ लाख ६५ हजार ८८६ म्ह थ्यंगु दु। उकि मध्ये ६ लाख ३० हजार ४०७ म्ह संक्रमणमुक्त जुगु दु। कोरोना संक्रमणं सीपि ९ हजार ५२५ म्ह थ्यंगु दु।

अथेहे सक्रिय संक्रमितपि २५ हजार ९५२ म्ह दु। उकि मध्ये २३ हजार ४७७ म्ह होम आइसोलेसनय् व २ हजार ४७५ म्ह अस्पतालय् उपचार यानच्वंग दु।

वंगु २४ घण्टाय् कोरोना संक्रमणमुक्त जूपि २ हजार १६४ म्ह दु।

स्वास्थ्य तथा जनसंख्या मन्त्रालयं १८ दँ स्वया च्वयच्वपिन्त कोरोना खोप बिइगु योजना दु धका धागु दु।

उकिया लागि खोप व्यवस्थापन जुयाच्वंगु व थ्व हे साउन १५ गते ३२ लाख भेरोसेल खोप नेपाल वइ धका धागु दु।

सरकारं आःतक चिनियाँ कम्पनी सिनोफार्मनाप ४० लाख डोज खोपया लागि नन डिस्क्लोजेबल एग्रिमेन्ट याये धुकुगु दु। उगु कथं ८ लाख डोज खोप वये धुकुगु दु सा साउन ६ गतेदनिसे खोप आपूर्ति जुइ धका धागु दु।

मन्त्रालयया सह–प्रवक्ता डाक्टर समिरकुमार अधिकारीं छगु विज्ञप्ति जारी यासे धागु दु, ‘झी सकसिया खोप काये दइ।’ वयकःया कथं याकन हे कोभिसिल्ड खोप न्हापागु डोज काये धुकुपिं ६५ दँ दुपिन्स निगुगु डोज बिइगु योजना दु।

परराष्ट्रबिद हिरण्यलाल श्रेष्ठया तधिम्ह काय् प्राध्यापक लूजः श्रेष्ठ आकाझाकां ५३ दँय् मन्त।

वंगु बाःछि न्ह्यः कोराना सक्रमित जुया धुनिख्यःया धुनिख्यल अस्पतालय् वासः याकेगु झ्वलय् असार ३० गते मदुगु खः।

यलया पुच्चोक ईन्जिनियरिग क्याम्पसया प्राध्यापक जुयादिम्ह वयकलं ईन्जिनियरिग सम्बन्धि स्वंगु सफू नाप यक्को च्वसू न च्वयादी धुकुगु दु।

मदुम्ह प्राध्यापक लूजः श्रेष्ठया जहान नाप छम्ह म्ह्याय् व छम्ह काय् दीइ।