वंगु २४ घण्टाया दुने स्वनिगलय् ६०७ म्हेसित कोरोना संक्रमण पुष्टि जुगु दु।

स्वास्थ्य मन्त्रालयया कथं थौं येँ जक ३९६ म्हेसित कोरोना पुष्टि जुगु दु। अथेहे ख्वपय् ६६ म्ह व यलय् १४५ म्ह कोरोना संक्रमित पुष्टि जुगु दु।

थौं देयन्यक थप २९१८ म्ह कोरोना संक्रमण पुष्टि जुगु दु।

वंगु २४ घण्टाया दुने देयन्यकं २ हजार ४९ म्हेसित कोरोना संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं थौं सोमवाः थीथी जिल्लाय् याना ९ हजार ४३८ म्हेसित पीसीआर परीक्षणय् २ हजार ४९ म्हेसित कोरोना पुष्टि जुगु दु। अथेहे, ५ हजार ३८१ म्हेसिगु एन्टिजेन परीक्षणय् ८६९ म्हेसित कोरोना संक्रमण खने दुगु दु।

पीसीआर व एन्टिजेन परीक्षणं २ हजार ९१८ म्ह संक्रमण पुष्टि जुगु दु धका मन्त्रालयं धागु दु।

थ्व नाप नेपालय् पीसीआर परीक्षणं कोरोना खने दुपि ६ लाख १० हजार ५२१ म्ह थ्यंगु दु। अथेहे, २४ घण्टाय् ५ हजार १४७ म्ह कोरोना संक्रमणमुक्त जुगु दु।

थ्व नाप कोरोना संक्रमणमुक्त जुपि ५ लाख ३६ हजार २५२ म्ह थ्यंगु दु। मन्त्रालयं बिगु जानकारी कथं देयन्यक थप ५३ म्ह सीग धुकुगु दु।

थ्व नाप आःतक नेपालय् कोरोनां सीपि ८ हजार ४६५ म्ह थ्यंगु दु।

पूलाँम्ह प्रधानमन्त्री लिसें नेकपा एमालेया नेता झलनाथ खानल अस्पताल भर्ना जुयादिगु दु । खनालयात थौं येँया थापाथलीच्वंगु नर्भिक अस्पतालय् भर्ना याःगु खः । खनालया सचिवालय् कथं छुं दिं निसें वय्कया ज्वरो वयाच्वंगु खः । खनालयातपूलाँम्ह थ्वयां न्ह्यः नं कोरोना संक्रमण जूगु खः । आः वय्कया स्वास्थ्य परीक्षण जुयाच्वंगु अस्पतालं जानकारी बिउगु दु । प्रारम्भिक परीक्षणय् खनालयात हि म्हो जूगु खनेदुगु धाःगु दु ।

येँ स्वनिलय् थ्यंमथ्यं निला तक्क मेलम्चीया लः मवइगु जूगु दु । मेलम्चीया सुरुङ खाली यायेगु व देय्केज्यां नियमित वयाच्वंगु १७गू क्वःति लिटर लः मवइगु जूगु खः । स्वनिगलय् लः मवइगु जुइवं खोपानी लिमिटेडं लः इनेगु धलखय् ह्यूपाः हःगु दु । मेलम्चीया सुरुङ खाली यायेत व मर्मत सम्हार यायेत निलाः मालिगे मेलम्ची खोपानी विकास समितिं न्ह्यथंगु दु । गुुकिइ याना खानेपानीया धलःखय् ह्यूपाः हयागु खानेपानी लिमिटेड केयूकेएलं न्ह्यथंगु दु । केयूकेएलया कथं उगु ह्यूपाः धलः मेलम्चीया मर्मत ल्यंदत्तले जुई । केयूकेएलं सोमबाः जारी याःगु विज्ञप्ति कथं म्होति नं प्यन्हूया दिनय् छक्वः व अप्वःलय् १२न्हूया छक्वः लः वइगु न्ह्यथंगु दु । न्हूगु धलःकथं महांकाल, मीनभवन, थिमी स्टेशनपाखें इनाच्वंगु लः न्हेनुया छक्वः वइ धाःसा बालाजु स्टेसनपाखे इनाच्वंगु ९न्हू या छक्वः वइ । अथेहे यलःपाखें इनाच्वंगु लः १२न्हूया छक्वः ह्यूपा जुया वइगु धाःगु दु । केयूकेएलया कथं दक्कले म्हो ख्वपःया स्टेसनपाखें इनाच्वंगु लः प्यन्हूया ह्यूपाले वइगु धाःगु दु ।

तजलाथ्व तृतीया दिं अर्थात् नेवाः समुदायया सिथी नखः या प्यन्हू न्ह्यः महादेवया न्हापांम्ह काय् कथं कयावयाच्वम्ह कुमार द्यःया न्हवं म्हिगः येँया न्हूघःलय् च्वंगु कुमार मण्डपय् क्वःचाल ।

न्हवं अर्थात् महास्थान बहनी जक याय्गु परम्परा जूसा नं वंगु दँय् नं न्यनाच्वंगु कोरोनाया हुनिं न्हिनय् हे न्ह्वं याःगु खः । अथेहे थुगुसी नं कोरोनाया हुनिं सृजित लकडाउनया कारण म्हिगः १२ ताःईलय् उगु कुमार द्यःया न्हवं क्वःचागु दु ।

न्हवंया प्यन्हूया दिं सिथी नखःया दिं भक्तजन नितिं द्यः पूज्याय्गु व दर्शनया नितिं सिथि द्यःयात द्यःगलय् तइगु चलन दु ।

न्हापा न्हापा ला सिथी द्यःयात न्हिनय् जात्रा यायेगु चलन नं दूगु खः तर आः वया उगु चलन तनावंगु दु । आः द्यःयात न्हिच्छि द्यःगलय् हे तया सनिलय् नित्य पूजाआजा याना हाकनं द्यःछेँ यंकिगू याई ।

किपाः ज्ञानुप शाक्य