शेयर बजाः थौं घटे जुगु दु। बजाः खुले जुइगु छु ई लिपा हे २० अङ्कं थहावंगु नेप्से बन्द जुगु इलय् तक १८ दशमलव ५४ अङ्कं घटे जुया २ हजार ९२९ दशमलव २८ विन्दुइ कुहावंगु खः।

थौं बैंक, विकास बैंक, जलविद्युत्, फाइनान्स, बीमा, व्यापार नाप दक्को समूहया शेयर घटे जुगु दु। राष्ट्रिय बीमा कम्पनीया शेयर दकलय् अप्वो साढे ५ प्रतिशतं घटे जूगु दु। समग्र बजार घटे जूसा थौं मनकामना स्मार्ट लघुवित्त व सानिमा लाइफ इन्स्योरेन्स कम्पनीया शेयर धासा १० प्रतिशतं थहावंगु दु।

२२२ कम्पनीया १ करोड ६ लाख कित्ता शेयर ५ अर्ब १९ करोड रुपैयाँ कारोबार जूगु दु। थौं दकलय् अप्वो अरुण भ्याली हाइड्रो कम्पनीया २७ करोड रुपैयाँ शेयर किनबेच जुगु दु।

सरकारं नियमित प्रक्रियापाखे बजेट पारित यायेगु नीति काउगु दु।

जेठ १५ गते वंगु सरकारं अध्यादेशं हःगु प्रतिस्थापन विधेयक पारित मजुसे संसद बैठक असोज ४ गतेतकया लागि स्थगित याउगु दु।

प्रतिस्थापन विधेयक भदौ ३० गते तक पारित मजूसा स्वतः निष्क्रिय जुइ। मंगलबाः प्रतिनिधिसभा बैठक स्थगित जुइ धका पत्रकारपि नाप खँ ल्हासे अर्थमन्त्री जनार्दन शर्मा न नियमित प्रक्रियापाखे हे बजेट पारित याना न्ह्या वनेगु धका धाउगु दु।

‘कर उठे यायेगु विशेष व्यवस्था दु। उगु कथं कर उठे याये फइ, ५÷७ दिं खर्च मजुइ न यः, रोक्के याये माःगु अवस्था वल धासा रोके न जुइफु’ धका वयकं धयादीगु दु।

तर पेश्की खर्च मयायेगु धका मन्त्री शर्मा न धाउगु दु। ‘पेश्की खर्च जुइ मखु, अध्यादेश न वइमखु, विधेयक पास जुलकि नियमित प्रक्रियापाखे खर्च जुइ’ धका वयकल धाउगु दु।

बजेट पारित मजूसा प्रतिनिधिसभाया बैठक असोज ४ गते तकया लागि स्थगित जूगु दु।

मंगलबाः प्रतिनिधिसभाया बैठकं विनियोजन विधेयक विचाः यायेत न्ह्यब्बःगु प्रस्ताव पारित याउगु दु।

तर संशोधन सहित बजेट पारित मयासे बैठक असोज ४ गते तकया लागि स्थगित याउगु दु। मंगलबाःया बैठकय् एमाले सांसदपिन्स नाराबाजीया दथुइ हे अर्थमन्त्री जनार्दन शर्मा न विनियोजन विधेयकय् विचाः यायेत न्ह्यब्बयेगु कथं प्रस्ताव पेश याउगु खः।

उगु प्रस्ताव बहुमतं पारित यासे बैठक स्थगित याउगु खः।

कानून, न्याय तथा संसदीय मामिलामन्त्री ज्ञानेन्द्रबहादुर कार्कीं प्रमुख प्रतिपक्षी नेकपा एमाले न संसद अवरुद्ध जुयाच्वंगुलि बजेटबारे छु विकल्प अपने यायेगु धइगु बिषय छलफल सुरु याउगु दु।

वयकलं कानून व्यवसायी व संसद सचिवालयया अधिकारीपि नाप अनौपचारिक छलफल याउगु दु। उगु झ्वलय् स्वंगू विकल्प खने दुगु दु।

न्हापागु विकल्प : नियमित प्रक्रियापाखे विनियोजन विधेयक पास यायेगु

छलफलय् सहभागी छम्ह कानून व्यवसायीया कथं थुुगु विकल्पय् वने वलय् थौं २९ भदौया बैठकय् अर्थमन्त्रीं विनियोजन विधेयकय् विचाः यायेगु धइगु प्रस्ताव तइ।

छलफल क्वचायेका संशोधनया लागि ७२ घण्टा इं बिइमाः। थथे याना वनकि असोजया ३÷४ गते जक बजेट पास जुइ। छु दिं खर्च रोके जूसा बजेटया बहस क्वचाइगु जुगुलि थुगु विकल्पय् वनेमाःगु राय वःगु खः।

दोस्रो विकल्प : पेश्की बजेट हयेगु

एमालेया अवरोध दथुइ विनियोजन विधेयक न्ह्यने हयेगु व खर्च चले यायेत ३० भदौय् पेश्की बजेट हयेगु विकल्पय् न छलफलय् सहभागीपिन्स सुझाव बिउगु खः।

तेस्रो विकल्प : अध्यादेश

छलफलय् सहभागीपिन्स बजेट पास याके मबिल धासा प्रमुख विपक्षी एमाले न अवरोध यात धाःसा संसदया अधिवेशन अन्त्य यायेगु व अध्यादेशपाखे बजेट हयेगु विकल्पय् न छलफल जुगु खः।

कायाअष्टमी कुन्हु येँया हनुमानध्वाकाय् तलेजु न्ह्यने च्वंगु कागेश्वरी महाद्यःया थाय् मेला जुगु दु।

थुगु देय्गः दँच्छि छकः जक चायकेगु याइ। थन थौं न्हिच्छियक मेला जुइगु याइ।

अथेहे थौं सुन्दरीजलय् न कागेश्वरी महाद्यःया थाय् मेला जुइगु याइ।