वंगु २४ घण्टाया दुने देयन्यक १,५११ म्हेसित कोरोना भाइरस संक्रमण पुष्टि जूगु दु।

११ हजार २०८ म्हेसिगु पीसीआर परीक्षण यागुलि १ हजार १६५ म्ह व ३ हजार ९७१ म्हेसित एन्टिजेन परीक्षण याउगुलि ३ सय ४६ म्ह याना १ हजार ५११ म्हेसित कोरोना भाइरसया संक्रमण खने दुगु दु धका स्वास्थ्य तथा जनसंख्या मन्त्रालयं धाउगु दु।

अथेहे वंगु २४ घण्टाय् कोरोना संक्रमणं ११ म्ह सी धुकुगु दु सा १ हजार ६८९ म्ह कोरोनामुक्त जुगु दु।

बिहीबाः थपे जुगु नाप नेपालय् कोरोना संक्रमित जूपि ७ लाख ८१ हजार ९८९ म्ह थ्यंगु दु सा आःतक ११ हजार २ म्ह सी धुकुगु दु।

अथेहे ७ लाख ४५ हजार २१५ म्ह संक्रमणमुक्त जुइ धुकुगु दु।

किपू नगरपालिकां किपूया पूलागु बस्ति (सम्पदा बस्ति) य् नेवाः मौलिक परम्परागत कथ दयकूगु निजी छेँय् प्रोत्साहन कथं अनुदान ग्वाहालि यागु दु।

किपू नगरपालिकाय् छगु ज्याझ्वः यासे नगरपालिकां सम्पदा मापदण्ड दयकातmगु छेँयात किपू नगरपालिकाया मेयर रमेश महर्जनं अनुदान ग्वाहालि लल्हागु खः।

किपूलिइ निजी छेँ मौलिक सम्पदाया ढाँचाय् दयकेगु हःपाः बिइत उगु अनुदान ग्वाहालि याउगु खः।

शेयर बजाः थौं बुधवाः न घटे जुगु दु। नेप्से थौं ४० दशमलव २६ अङ्कं घटे जुया २ हजार ८८९ विन्दुइ कुहावंगु दु।

बजार खुले जुगु छुु ईलिपा बजा थहावंसा लिपा कुहावंगु खः। बैंक, व्यापार, जलविद्युत्, बीमा, फाइनान्स, उत्पादन नाप थौं दक्को समूहया शेयर घटे जुगु खः।

थौं हिमालयन ऊर्जा विकास कम्पनी व गुराँस फाइनान्सया शेयर ५ प्रतिशत स्वया यक्को घटे जुगु खः। समग्र बजार घटे जूसा मनकामना स्मार्ट लघुवित्त कम्पनीया शेयर ८ प्रतिशत स्वया अप्वो थहावंगु दु।

२२२ कम्पनीया शेयर कारोबार जुगुलि जम्मा १६ गु कम्पनीया शेयर जक सामान्य थहावंगु दु। १ करोड ५ लाख कित्ता शेयर ५ अर्ब ३५ करोड रुपैयाँ कारोबार जुगु खः।

दकलय् अप्वो अरुण भ्याली हाइड्रोया २२ करोड १४ लाख रुपैयाँया शेयर किनबेच जुगु खः।

सम्पदा लागायात पर्यटनलिसे मस्वाय्गु जुसा सम्पदायात म्वाकातयेत थाकुइगु महानगर प्रमुख विद्यासुन्दर शाक्या धापू दु।

वडा १२या पुखसी महाद्यः मन्दिरया उलेज्या यासें वय्कलं मूर्त सम्पदायात जीवन्त तयातयेत अमूर्त सम्पदालिसें थुकिया प्रवद्र्धनया लागि पर्यटनलिसे स्वाय्माःगुलि बः बियादिल। सांस्कृति पर्यटनपाखें सम्पदा क्षेत्र म्वाकातयेत माःगु ध्येबा चुलाइगु स्थानीयपिनिगु आय आर्जनय् तकं वृद्धि जुइगुलिं नं सम्पदायात पर्यटनलिसे स्वाय्माःगु मेयर शाक्यं ज्यावलय् धयादिल।

वय्कलं न्हापा बैंक त्यासा मबिइगु थासय् आः वया त्यासा बिइगु जूगु धासें चीचीधंगु प्रयासपाखें याइगु ह्यूपालं समृद्धि हयेत ताः लाइगु धयादिल। उगु वलय् वडा १२ या अध्यक्ष विकास डंगोलं पुखुसी महाद्यःया चर्चा अप्वःयावंगु धयादिल।अथेहे वडा २१ या अध्यक्ष उदय चुडामणि बज्राचार्यं विकासया विरोध याइपिन्त म्हसिकेमाःगु अवस्था वःगु धयादिल।

उपाकु, पचली भैरवया जात्रा, गथु प्याखँ थेँ जाःगु जात्रा व सांस्कृतिक उत्सवय् थुगु महाद्यःया मन्दिर चाहिलेगु चलन दयाच्वंगु दु। थुगु मन्दिर गुलि पुलाँगु धैगु आःतकं सीदूगु मदुनि। स्थानीय निरोज खड्गीया कथं ०३९ साल न्ह्यः सतकया लिकसं शिवलिङ्ग दूगु खः तर सतक विस्तार जुयावसेंलि थ्व द्यः सतक दथुई लाःगु वय्कलं धयादिल। वयांलिपाः मन्दिर दयेकल व नन्दीया स्थापना न जूगु खः।आः पुखुसी टोल सुधार समितिं थुकिया संरक्षण यानाच्वंगु दु।