नेकपा एमालेया अध्यक्ष केपी शर्मा ओली अस्वस्थ्य जूगु दु।

ओली अस्वस्थ जुगुलि थौं शनिबाःया औपचारिक कार्यक्रम व भेटघाट बन्द याउगु दु। भचा ज्वरो वंगुलि।

थौं शनिबाःया दक्को कार्यक्रम व भेटघाट रोके जगु दु,’ ओलीया प्रेस संयोजक रामशरण बजगाईं न धाउगु दु, ’लिपागु इलय् यक्को धपेडी जूया ज्वरो वउगु जुइफु।’

थौं शनिबाः नेकपा (एमाले) काठमाडौं महानगर कमिटीं महानगरस्तरीय बृहत् कार्यकर्ता भेला यायेगु ज्याझ्वः दु।

उगु ज्याझ्वलय् अध्यक्ष ओलीं सम्बोधन याइगु ज्याझ्वः दुगु खः।

कोरोना सङ्क्रमण अप्वोया वंगुलि बन्द जुगु मनकामना केबुलकार कन्ह्यनिसे सञ्चालनय् वइगु जुगु दु।

निषेधाज्ञा नाप वंगु वैशाख १६ गतेनिसे केबुलकार बन्द जुगु खः। मनकामना दर्शन प्रालिया अध्यक्ष राजुबाबु श्रेष्ठया कथं स्वास्थ्य सुरक्षा मापदण्ड अपने याना केबुलकार सञ्चालन यायेत्यगु धका धागु दु।

वयकलं धयादीगु दु,’ यात्रुपिन्स न सुरक्षा मापदण्डयात पालना यायेमाः।’ इच्छाकामना गाउँपालिकां चेरेसया स्टेशन दुगु थुगु केबुलकार गया यात्रु नाप भक्तजनपि गोर्खाया मनकामना मन्दिर दर्शन यायेत वनेमाः।

कोरोना महामारीया कारण बन्द जुयाच्वंगु चन्द्रागिरि केबलकार कन्ह्यः शनिवाः निसे सञ्चालनय् वइगु जुगु दु।

कन्ह्य निसे नियमित रूपं केबलकार सञ्चालन यायेगु जुइ धका चन्द्रागिरि हिल्सया महाप्रबन्धक अभिषेकविक्रम शाह न जानकारी बिउगु दु।

कोभिड–१९ या कारणं बन्द जूयाच्वंंगु केबलकार व रेस्टुरेन्ट लगायतया सेवा कन्ह्यनिसे स्वास्थ सुरक्षा मापदण्डया पालना याना सञ्चालन जुइ धका धाउगु दु।

चन्द्रागिरि आन्तरिक व बाह्य पर्यटकया लागि महत्वपूर्ण गन्तव्य थाय् खः।

गृहमन्त्री बालकृष्ण खाण व नेत्रविक्रम चन्द विप्लव नेतृत्वया नेकपाया प्रवक्ता खड्गबहादुर विश्वकर्मा ‘प्रकाण्ड’ दथुइ भेटवार्ता जुगु दु।

शुक्रबाः सिंहदरवारस्थित गृहमन्त्रालय गृहमन्त्री खाण व प्रकाण्ड दथुइ भेटवार्ता जूगु खः।

उगु भेटय् सरकारनाप जूगु स्वंगू बुँदे सहमतीयात कार्यान्वयन, नेकपाया बन्दी नेता÷कार्यकर्ताया रिहाइ, दार्चुला घटना, एमसीसी व वर्तमान राजनीतिक परिस्थितिबारे छलफल जूगु धका प्रकाण्डं धाउगु दु।

नेकपा एमालेया उपाध्यक्ष वामदेव गौतमं पार्टी परित्याग याउगु दु।

गौतमं एमालेया दक्को पदपाखे राजीनामा बिउगु दु धका वया स्वकीय सचिवपाखे कार्यालय सचिव शेरबहादुर तामाङयात बुझे याउगु दु।

५ पुस २०७७ य् संसद विघटन नाप साबिकया नेपाल कम्युनिस्ट पार्टी (नेकपा) निगु खेमाय् विभाजित जुगु इलय् गौतमं एकता अभियान न्ह्याकूगु खः। सर्वोच्च अदालतं २३ फागुनय् एमाले पुनस्र्थापना लिपा पार्टी एकता जुइ मफुत।

अध्यक्ष केपी शर्मा ओली व वरिष्ठ नेता माधवकुमार नेपाल समूहं अलग–अलग गतिविधि याना वयाच्वंगु खः। एमाले एकता अभियान न्ह्याकूगु इलय् न गौतमं अध्यक्ष ओली नेतृत्वया बैठकय् वाच्वंगु खः।

लिपागु इलय् माधव समूह न पार्टी तछ्याउगु इलय् ग्वाहालि यायेगु धका धागु खः।