पशुपतिनाथ द्यःया थाय् पाशुपत क्षेत्र व्यवस्थापन जिम्मा काःगु ‘पशुपति क्षेत्र विकास कोष’ दुने बेथितिइ यक्को जुगु दु।

सम्पदा–सम्पत्तिया संरक्षण याये मफया कोषया देवस्व  तक हिनामिना जुगु खने दु। पशुपति क्षेत्र विकास कोषं थःगु सम्पत्ति भाडाय् बिया मिलेमतो याउगु तथ्य महालेखा परीक्षक कार्यालयं ५८ क्वःगु वार्षिक प्रतिवेदनय् हःगु खः।

अपारदर्शी व अनियमित कथं थीथी सामान न्यायेगु याना कोषय् तधःगु अतिरिक्त व्ययभार जूगु दु। कोषं देगलय् सजावट याय्त व शवदाह मेसिन न्यायेत बिउगु ठेक्काय् मिलेमतो याउगु खनेदु। व बाहेक उठे यायेमागु भाडा उठे मयाउगु द्यःया मूर्तिइ लुँया संरक्षणय् ध्यान मबिउइगु प्रवृत्तिं कोष दुने कुशासन प्रष्ट खनेदु।

मूर्तिइ १७३ तोला लुँ गायब पाशुपत क्षेत्र गुह्यश्वेरी द्यःया थाय् मूर्तिइ लुँ गायब जुउगु खने दु। २०५७ सालय् अष्टदल व भैरवया मूर्तिइ तयातःगु ७१३ तोला लुँ व १३३.३९४ किलो वहःया ‘मोलम्बा’य् प्वाःगंगु जानकारी २०६७ भदौ ५ गते हे बिउगुलि कोषं आर्थिक वर्ष २०७५÷०७६ य् वया जक भिंकेगु ज्या याउगु दु। आःनिगु हे मूर्तिपाखे १७३.५ तोला लुँ खने मदुगु धका कोषं धाउगु दु। कोषं तयार याउगु मुचुल्का कथं स्वाँ, रंग व अक्षताया कारण ‘ज्यलावंगु जुइ’ उलि लुँ तःगु दु।

ज्यलाहे वंसा मुलतः कोषया लापरबाहीया कारण उगु मूर्तिपाखे थौं कन्ह्यया भाः कथं १ करोड ५७ लाख ८९ हजार रुपैयाँ लुँ तःगु खनेदु।

येँ महानगरपालिका वडा १७ य् छत्रपाटी निःशुल्क चिकित्सालयय् अत्याधुनिक डिजिटल मेसिनपाखे सेवा सुरु याउगु दु।

कोरोना महामारीया इलय् निशुल्क रुपं संक्रमितपिनिगु उपचार याना वयाच्वंगु अस्पतालं अत्याधुनिक एक्सरे मेसिन जडान याना सेवा बिइगु सुरु याउगु दु। उगु ज्याझ्वलय नेपाल मेडिकल काउसिलया अध्यक्ष नाप वरिष्ठ मुटुरोग बिशेषज्ञ डा .भगवान कोइरालां चिकित्सालयया न्हुगु एक्सरे मेसिनया उलेज्या यानादीगु खः। डा. कोइरालां न्हुगु डिजिटल प्रणालीं स्वास्थ्य उपचारय् थप सहज व व्यबस्थित जुइ धका धयदीग् खः।समुदाय नाप स्वागु अत्याधुनिक एक्सरे मेसिन जडानं अस्पतालया उदाहरणिय ज्या जुगु धका धयादीगु खः।

उगु ज्याझ्वलय चिकित्सालयया अध्क्षय डा.मनोज मान श्रेष्ठं ततधःगु अस्पताल हे नकतिन सुरु याउगु थज्यागु मेसिन थःगु चिकित्सालयं छ्यले दया तसक लय्ताःगु दु धका धयादीगु खः। वयकलं देयन्यक दुगु सामुदायीक अस्पताल मध्ये न्हापां डिजिटल एक्सरे मेसिन प्रयोग जुगु थुगु हे अस्पतालं यानागु धका दाबी यानादीगु दु।

‘आः कोविड्या ई जुयाच्वंगुलि जिमिसं अत्याधुनिक प्रणालीयात तसक बःबियाच्वंनागु दु’ डाःश्रेष्ठं दीगु खः। उगु ज्याझ्वलय् चिनिया मेंद्रे कम्पनीं अत्याधुनिक इको मेसिन न लल्हानादीगु खः, कम्पानीया नेपाल म्यानेजर नियो वाङगं मेसिन हस्तान्तरण यानादीसे थःपिन्स भविष्यय न नेपाल व नेपाःपिनिगु ग्वाहालि यायेत सर्मपित जुगु प्रतिबद्धता क्यनादीगु खः।नेपाल सरकारपाखे निगः प्रोटेबल भेन्टिलेटर जडान यानागु दु धका डा. अध्यक्ष श्रेष्ठ कनादीगु खः। अथेहे येँ महानगरपालिकाया ५ करोड सहयोगय् चिकित्सालयं न्हुगु भवन दयकेत्यनागु दु धका डा .श्रेष्ठं जानकारी बियादीगु खः।

नेकपा एमालेया अध्यक्ष केपी शर्मा ओलीं प्रधानमन्त्री जुइत माधवकुमार नेपालं जुगुयात ध्यवा छाउगु धका टिप्पणी याउगु दु।

थौं शनिबाः नेकपा एमालेया काठमाडौं महानगरपालिका स्तरीय समितिं याउगु ज्याझवलय् सम्वोधन यानादीसे माधव नेपालं पदया लागि न्ह्यागु न याइगु द्धपः बिउगु दु। ‘न्यनेगु इलय् न बेइज्जत जुइगु, गुवलय् सामन्ती जुजु जवं खवं चाहिलां दाम छाना भागि याइगु।

‘प्रधानमन्त्री जुइ दइला धका जवं खवं चाहिला भागियाउगु दु’ वयकलं धाउगु दु, ‘गुवलय् हुलाकपाखे निवेदन छ्वया पौं छ्वया प्रधानमन्त्री जुइ दयेमाः धका निवेदन बिउगु दु।’ माधव नेपालं दक्षिणा दइगु लोभं छगु वुद्धिष्ट संगठनया अध्यक्ष जूगु ओलीं धाउगु दु। अथेहे नेता नेपालं २०६४ सालया संविधानसभा निर्वाचनय् एमालेयात ३३ सिटय् जक सीमित जुया ख्वाः क्यने मछाला राजीनामा बिउगु ओलीं टिप्पणी याउगु दु।

आः एमाले त्वतूपि मतभेद मखू पदया लागि पार्टी त्वतूगु धका ओलीं धाउगु दु। ‘पार्टीइ दुगु इलय् छु न वैचारिक मतभेद तये मफु? छु वैचारिक मतभेद मदु, छु न मेगु विषय नीतिया विषय मतभेद दु? खाली स्वार्थया लडाई, जितः थ्व मगात,व मगाःत’ वयकलं धाउगु दु।