मेलम्चीया लः वइगु असार १ गतेनिसें छलाः मवइगु जूगु दु । सुरुङ परीषण यायेमाःगुलिं असार १ गते मेलम्चीइ लः छ्वयेगु दिकेत्यंगु खः ।

कार्यविधि कथं सुरुङया परीक्षण यायत्यनागु मेलम्ची खानेपानी विकास समितिया प्रवक्ता राजेन्द्रप्रसा पन्तं धाल । सुरुङय् लः परीक्षण सफल जुइधुंका हाकनं ल छ्वयेगु जूगुलिं बन्द याइगु पन्तं धयादिल । पन्तया कथं सुख्खायाम जूगुलिं सुरुङ खाली मयासे वितरण यानाच्वंगु खः ।

आः लः परीक्षण सफल जुइवं हाकनं ल सूचारु याइ । अथेहे ठेक्का सम्झौता नं क्वचायेका माःगुलिं सुरुङया परीक्षण यायेत्यंगु खः । उकिया लागि कार्यविधि कथं सुरुङ खाली यायना स्वयेगु व पाय्छी व दुरुस्त जुल धाःसा सदांया निम्ति लः छ्वयेगु वयकलं धाल ।

आः सुरुङय सुथांलाक्क लः वनाच्वंगु दु । यद्यपि आयोजनं परीक्षणया ईलय् हे लः उपलब्ध याःगु खः । थ्व परीक्षण यायेत सुरुङ खाली यायेमाः । सुरुङ खाली यायेत १५न्हू माःगु नं वय्कलं धयादिल ।

निरीक्षण याना पाय्छि खनेदत धाःसा हाकनं लः जायेका छलाः दुने हाकनं लः वितरण न्ह्याकिगु जुई ।

येँ महानगरपालिकां बन्दाबन्दीया इलय् नय्त समस्या जूसा हटलाइन नम्बर ११८० फोन यायेत इनाप यागु दु।

निगुगु लहरया काभिड–१९ या कारण देशय् थीथी थासय् बन्दाबन्दी जुयाच्वंगु दु। थुगु इलय् सुयातं न्हिन्हि नयेत खाद्य सामग्री आवश्यक जूसा महानगरपालिकाया हटलाइन नम्बरय् फोन यायेत इनाप यागु दु। वंगु दँय् स्वया थुगु दँय् नयेगु समस्या जुल धका धाःवंपि यक्को कम दु, वंपिन्त वडा कार्यलयपाखे ग्वाहालि याना च्वनागु दु धका महानगरपालिकाया प्रवक्ता ईश्वरमान डङ्गोलं धयादीगु दु।

‘छु समस्या दु सा थः च्वनाच्वंगु थासं ११८० फोन याना जानकारी बिइत इनाप याना च्वना’ थथे वंगु जानकारी कथं महानगरपालिकाया ३२ वडा मध्ये गुगु वडापाखे ग्वाहालि जु उगु हे थासं खाद्य सामग्री ग्वाहालि यायेगु जुइ धका धागु दु। ‘कोभिडया बिरामीपिनिगु उपचार याउक जुइ कथं बिरामीयात अस्पताल यकेत कोभिड–१९ या बिरामीया लागि फोन नं १०२ पाखे १० व नन्कोभिड बिरामीया लागि १० याना २० निःशुल्क एम्बुलेन्स सेवा सञ्चालनय् हयाच्वगु दु। थुगु सेवा २२ हजार कोभिड सङ्क्रमित बिरामी व १२ हजार नन्कोभिड बिरामीपिन्स सेवा काये धुकुगु दु।

महानगरपालिकां अक्सिजन अभावया कारण उत्पन्न असहज अवस्थाया ध्यान तया अक्सिजनया हे कारण अस्पतालय् बिरामीपिनिगु चापयात कम यायेत ३०९ शय्याया आइसोलेशन व विषेश अस्पताल सञ्चालनय् हःगु खः। महानगरया आर्थिक ग्वाहालिं सामाखुशीइ राधास्वामी सत्सङ्ग भवनय् नेपाली सेनाया व्यवस्थापनय् ८८ अक्सिजन नाप १७४ शय्याया आइसोलेशन केन्द्र, आयुर्वेद अस्पतालय् ५० अक्सिजन नाप १०० शय्याया आइसोलेशन केन्द्र व छत्रपाटी निःशुल्क चिकित्सालय आइसीयू नाप भेन्टिलेटर नाप ३५ शय्याया कोभिड–१९ विशेष अस्पताल सञ्चालनय् दु। आःतक महानगरपालिकाय् ६२ हजार ३८३ कोरोना सङ्क्रमितपि दु।

५१ हजार १६७ सक्रमणमुक्त जुइ धुकुगु दु । १० हजार ९५ होमआइसोलेशन व १८६ संस्थागत आइसोलेशनय् दु। अथेहे आःतक १० हजार ७९७ सक्रिय सङ्क्रमितपि दु व ५१६ म्ह अस्पतालय् उपचार यानाच्वंगु दु । कोरोनाया कारण ४१९ म्हेसिया ज्यान गुमे याये धुकुगु तथ्यांकय् उल्लेख दु।

येँया टेकुइ मिँच्यागु दु।

येँ महानगरपालिकां फोहोर ब्यबस्थापन यायगु टेकइ मिँच्याःगु दु। महानगरपालिकाया दमकल, प्रहरी नाप स्थानीयपिन्स मिँच्याःगु नियन्त्रणय् हयेगु कुतः जुयाच्वंगु दु। 

कोरोना संक्रमणं युनिभर्सल मेडिकल कलेज शिक्षण अस्पताल भैरहवाय् ज्या याइम्ह छम्ह चिकित्सक सीगु दु।

कपिलवस्तु छेँ दुम्ह ३५ दँ दुम्ह फिजिसियन डा.पशुपति रजौरिया उपचार यायेगु झ्वलय् ग्राण्डी इन्टरनेसनल हस्पिटलय् म्हिगः बुधवा चान्ह्यः मदुगु खः।

कोरोना संक्रमणं वैशाख २० गते युनिभर्सल मेडिकल कलेजय् एचडीयू कक्षय् उपचार यानाच्वम्ह रजौरियायात प्यन्हु न्ह्यः जक हेलिकप्टरं येँ हःगु खः।

लुँ तोलां प्यसः थहावंगु दु। वंगु निन्हु न्ह्यः तक स्थिर दुगु थौं बिहीवाः प्यसः थहावंगु दु धका नेपाल सुन चाँदी व्यवसायी महासंघं धागु दु।

बिहीवाःया लागि महासंघं छापावाल लुँ छगु तोलाया भाः ९४ हजार ९ सय रुपैयाँ तोके यागु दु। मंगलवाः व बुधवाः लुँया भाः तोलां ९४ हजार पाँच सय रुपैयाँ कारोबार जुगु दु।

अथेहे तेजावी लुँया कारोबार भाः ९४ हजार चार सय रुपैयाँ हे कायम जुगु खः। वहःया तोलां झीन्यातका थहावना १३७५ रुपैयाँ थ्यंगु दु।

म्हिगः स्वया तोलां झीतका क्वहावया १३६० रुपैयाँ कारोबार जुगु दु ।