येँ महानगरपालिकाया मेयर विद्यासुन्दर शाक्यं, वडा १९ या अध्यक्ष शशीलाल श्रेष्ठ मदुगलि छम्ह अभिभावक गुमे यानागु अनुभूति जुगु दु धका धयादीगु दु।

थौं छगु शोक सन्देश जारी यासे वयकलं श्रेष्ठं अकल्पित मदुगलि थःत तसक मर्माहत व स्तब्ध जुगु दु धका धयादीगु दु। सन्देशय् मेयर शाक्यं मदुम्हसियागु चीर शान्तिया कामना यानादीसे वियोग पीडाय् दुपि परिवारपिन्त जनप्रतिनिधि, कर्मचारी व महानगरवासीपाखे समवेदना प्रकट यानादीगु दु।

मदुम्ह श्रेष्ठ महानगरपालिकां सम्पदा संरक्षण, विकास व समृद्धिप्रति छगु चित्त जूया च्वनिम्ह छम्ह अभिभावक गुमे जुगु दु। वयकःया योगदान येँ महानगरपालिकां न्ह्यावलय् लुमना च्वनिइ धका मेयर शाक्यया शोक सन्देशय् उल्लेख याउगु दु।

वयकः०४३ सालय् न्हापागु पटक वडा सदस्यय् निर्वाचित जुयादीगु खः। वया लिपा ०४९ व ०५४ सालय् स्थानीय निर्वाचनय् वडा अध्यक्षय् निर्वाचित जुयादीगु खः स्थानीय निकाय जनप्रतिनिधिविहिन जूगु इलय ०६० सालय् मनोनित वडाध्यक्ष  न जुयादीगु खः।

वयालिपा ०७४ सालया स्थानीय तहया निर्वाचनय् नेपाली कांग्रेसपाखे प्रतिनिधित्व यासे वडा अध्यक्षय् निर्वाचित जुयादीगु खः।

वंगु २४ घण्टाया दुने स्वनिगलय् थप ६६७ म्हेसित कोरोना सक्रमण जुगु पुष्टि जुगु दु।

थौं येँ जक ४६७ म्हेसित कोरोना सक्रमित पुष्टि जूगु दु सा ख्वपय् ७१ म्ह व यलय् १२९ म्हेसित संक्रमित जुगु दु।

अथेहे थ्व नाप स्वनिगलय् सक्रिय संक्रमितपि ८ हजार १८८ म्ह थ्यंगु दु।

वंगु २४ घण्टाया दुने देयन्यक १ हजार ७५६ म्हेसित कोरोना संक्रमण पुष्टि जूगु दु।

९ हजार ७७३ म्हेसिगु नमुना पीसीआर परीक्षण याउगुलि १ हजार ३५७ म्हेसित व ४ हजार ५६१ म्हेसिगु एन्टिजेन परीक्षण याउगुलि ३९९ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाउगु दु।

कोरोना संक्रमणं थप २३ म्ह सीउगु दु सा २ हजार २७४ म्ह कोरोनामुक्त जूगु दु। थ्व नाप आःतक नेपालय् कोरोना संक्रमित जूपि ८ लाख ५१ हजार ९६४ म्ह थ्यंगु दु।

उकि मध्ये ७ लाख २३ हजार ४५६ म्ह कोरोनामुक्त जुइ धुकुगु दु सा १० हजार ८०९ म्ह मदय धूकुगु दु।

येँ महानगरपालिका वडा नं १९ या वडाध्यक्ष शशिलाल श्रेष्ठ मदुगुलि थौं छन्हु शोक बिदा बिउगु दु।

६४ दँ दुम्ह श्रेष्ठ उपचारया झ्वलय म्हिगः बिहीबाः नर्भिक अस्पतालय् मदुगु खः। वयकः अकल्पनीय मदुगुलि महानगरपालिया मेयर विद्यासुन्दर शाक्यं बिचाः हायकूगु दु।

अथेहे उपमेयर हरिप्रभा खड्गी न वयकः मदया महानगरयात तधःगु क्षति जुगु दु धका धयादीगु दु। वयकःया शव थौं सुथय् ८ बजे अस्पतालं हया अन्तिम श्रद्धाञ्जिलया लागि वडाय् तइगु दु।

सुथय् ९ बजेनिसे न्हिनय् ३ बजे तक वडाय् तया अन्तिम संस्कारया लागि पशुपति आर्यघाट यंकिइगु धका वडा सदस्य चन्द्रमान डङ्गोलं जानकारी बिउगु दु।