नेकपा एमालेया झीक्वःगु राष्ट्रिय महाधिवेशन आयोजक कमिटीया बैठकय् वरिष्ठ नेता माधवकुमार नेपाल समूहया नेतापिन्त न सःतूगु दु।

कन्ह्य बुधवाः सुथय् ११ बजे च्निइगु महाधिवेशन आयोजक कमिटीया बैठकय् माधव नेपाल समूहया केन्द्रीय सदस्यपिन्त न सःतूगगु दु धका केन्द्रीय कार्यालय सचिव शेरबहादुर तामाङं धागु दु।

तर वरिष्ठ नेता झलनाथ खनाल, नेता नेपाल, भीम रावल, रामकुमारी झाँक्री, कल्याणी खड्का लगायत झीछम्हेसित धासा सःतुगु मदु। अध्यक्ष केपी शर्मा ओलीं जेठ १० गते नेता खनाल, नेपालपिन्त पार्टीपाखे निष्कासन यागु खः।

कारबाही मजूपि सकसित बैठकय् सःतूगु दु। थुगु बैठकं झीक्वःगु राष्ट्रिय महाधिवेशन आयोजक कमिटी विघटन यायेगु तयारी दु। वंगु २८  गते फागुनय् अध्यक्ष केपी शर्मा ओलीं झीक्वःगु महाधिवेशन आयोजक कमिटी दयकगु खःसा सर्वोच्च अदालतं मान्यता मबिगु खः ।

वयालिपा जेठ २ गते २०७५ या एमाले पार्टी कमिटी, विधान व नेतृत्व कायम यायेगु तयारी अध्यक्ष ओलीं यागु खः।

सेयर कारोबार मापक नेप्से परिसूचक ४७ दशमलव ४९ अंक थौं कुहावंगु दु।

थौं मंगलवाः बजारय् खनेदुगु उताचढाव लिपा नेप्से परिसूचक ४७ दशमलव ५० अंक घटे जुया २ हजार ८२८ अंकय् कुहावंगु खः।

‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न ९ दशमलव ८७ अंक घटे जुगु खः। कारोबार रकम ७ अर्ब न मथ्यगु दु

न्हिच्छियकं जुगु ७५ हजार ८ सय ८० गु कारोबारपाखे २३ कम्पनीया १ करोड ४० लाख ४४ हजार ३ सय ८१ कित्ता सेयर किनबेच जुगु खः। उकि मध्ये कारोबार रकम ६ अर्ब ७२ करोड ६३ लाख ६१ हजार ८ सय ६९ रुपैयाँ थ्यंगु खः।

नेप्से कारोबार जुइगु लघुवित्त समूहपाखे दक्को सवइन्डेक्स घटे जुया ह्यागुसे च्वंगु दु। दक्को समूह घटे जुया लघुवित्त समूह २६ दशमलव ४ अंक थहावंगु दु।

टर्कीं कोरोना भाइरसया महामारी फैलै जुइगु आंशकां सोमवाः निसे नेपाल नाप खुगु देशय् तंपिक उडान यायेगुलि रोक लगे यागु दु।

थुकिइ यूरोप व अमेरिकाय् जुइगु नेपाःमि पिनिगु यात्रा तक प्रभावित जुइगु दु। आः टर्कीपाखे येँया लागि टर्किस एयरलाइन्सं वाःया निगु उडान याना च्वंगु खः।

नेपाल सरकारं उडान खुला यासा टर्की सरकारं धासा नेपाल नाप भारत, माल्दिम्भ, श्रीलंका, ब्राजिल व दक्षिण अफ्रिकापाखे जुइगु सिधा उडानय् रोक लगे यागु खः।

मेगु देशपाख टर्की वयेत थुगु न्यागु देशय् वःगु  १४ दिं थुखे दुपिन्स ७२ घण्टा दुने यागु पिसिआर रिर्पोट अनिवार्य व १४ दिं क्वारेन्टिनय् च्वना जक टर्की प्रवेश याकेगु निर्णय अनया आन्तरिक मामिला मन्त्रालयलयात उद्धृत यासे रोयटर्सं च्वंगु दु।

कोभिड–१९संक्रमितया निःशुल्क उपचार आः सरकारी अस्पताल व प्रतिष्ठानपाखे जक जुइगु जुगु दु।

स्वास्थ्य तथा जनसंख्या मन्त्रालयया सहप्रवक्ता डा समीरकुमार अधिकारीं छगु विज्ञप्ति जारी यासे सरकारी अस्पताल व प्रतिष्ठानपाखे जक कोरोना संक्रमितपिनिगु निःशुल्क उपचार याइ धका धागु दु।

कोभिड–१९ या उपचार लागि सेवा सम्झौता जुगु मेडिकल कलेजय् असार १४ गते तक भर्ना जुपिन्त उपचार संक्रमितपि उगु मितिं १० दिं तक जक सोधभर्ना उपलब्ध यायेगु धका मन्त्रालयया विज्ञप्तिइ उल्लेख यागु दु।

निजी अस्पताल व मेडिकल कलेजय् संक्रमितपिनिगु उपचारय् सरकारं तोक यागु स्वया अप्वो शुल्क मकायेत इनाप यागु दु। रकारं थ्व स्वया न्ह्यः थीथी निजी अस्पताल व मेडिकल कलेज नाप सेवा सम्झौता याना संक्रमितपिनिगु निःशुल्क उपचार यायेगु व्यवस्था मिले यागु खः।

कोरोनाविरुद्धया खोप कायेदयेमाः धका न्हुगु बानेश्वरया खुद्रा व्यवसायीपि आन्दोलित जुगु दु।

खोप मकास्ये व्यापार याये फइ मखु धका धासे न्हुगु बानेश्वर व्यापार व्यवसायी संघं खोप माग यासे चरणबद्ध आन्दोलनया ज्याझ्वः यागु दु।

सोमवाः च्वंगु संघया केन्द्रीय कार्यसमितिया बैठकं खोपयया माग यासे सरकारया ध्यानकर्षण यायेगु व आन्दोलनया ज्याझ् न्ह्याकेगु निर्णय यानागु दु धका संघया अध्यक्षं धागु दु।

‘म्हिगः च्वंगु बैठकं खोपया माग यायेगु, शुक्रवाः तक प्रचार, पम्पप्लेट टिकाः सरकारयागु ध्यानाकर्षण यायेगु व शनिवाः बानेश्वरय् प्रर्दशनयासे बिरोध ज्याझ्वः यायेगु निर्णय यागु दु,’ धका अध्यक्षं धागु दु।