न्यागू प्रतिशतं घटे जूया बन्द जूगु शेयर बजाः हाकन कारोबार सुरु जूगु दु।

बजाः खुले जूगु  २ घण्टाया दुने हे नेप्से १ सय ४७ अंक अर्थात ५ प्रतिशतं घटे जूया नकारात्मक सर्किट लगे जूया बजाः बन्द जूगुु खः।

५ प्रतिशतं घटे जुया बजाः ४० मिनेटया लागि बन्द जुगु खः। छकः बन्द जूया हाकनं खुले जुइवं बजारय् सामान्य सुधार वःगु दु।

वाःया न्हापागु दिं शेयर बजाःया परिसूचकय् यक्को कुहावंगु दु। कारोबारया न्हापागु ईया २ घण्टाया दुने ५ प्रतिशत स्वया अप्वो कुहावयेवं नेपाल स्टक एक्सचेन्ज (नेप्से) न कारोबार हे स्थगित याउगु दु।

न्हापागु २ घण्टाया दुने ५ प्रतिशत स्वया अप्वो बजाः घटे जूया ‘सर्किट ब्रेक’ लगे याना ४० मिनेटय् कारोबार बन्द जुइगु प्रावधान दु। १ बजे तक १४७.३१ अंकं बजाः घटे जुगु खः। थ्व ५.०३ प्रतिशतं बजाः कुहावंगु दु।

थ्व आःतकया इतिहासय् हे दकलय् अप्वो कुहावंगु खः। थ्व स्वया न्ह्यः छक्वलं १२४ अंक तक कुहावंगु रेकर्ड दु। आः बजाः २७७९.६८ विन्दुइ कुहावःगु दु।

गृह मन्त्रालयं भारतया प्रधानमन्त्री नरेन्द्र मोदीया पुत्ला च्याकूगुलि आपत्ति क्यंगु दु।

आइतबाः छगु विज्ञप्ति जारी यासे मन्त्रालयं छिमेकी देय् या प्रधानमन्त्रीयागु प्रतिष्ठाय् आँच वइगु कथं पुत्ला दहन यागू ज्याय् गम्भीर ध्यानाकर्षण जुगु दु धासे आपत्ति क्यंगु दु।

मन्त्रालयया प्रवक्ता फणीन्द्रमणि पोखरेलं जारी याउगु विज्ञप्तिइ धाउगु दु, ‘थज्याउगु उच्छृङ्खल व निन्दनीय गतिविधिप्रति मन्त्रालय गम्भीर आपत्ति याउगु दु।’ दार्चुलाय् नेपाःमि तुइनपाखे कुतु वंगु महाकाली खुसिइ बेपत्ता जूगु घटनायात कया नेकपा एकीकृत समाजवादीया विद्यार्थी संगठनं शुक्रबाः भारतीय प्रधानमन्त्री नरेन्द्र मोदीया पुत्ला दहन याउगु खः।

गृह मन्त्रालयं मित्रराष्ट्रहरु विरुद्ध लक्षित जुइगु गतिविधि नियन्त्रण यायेत व अज्यागु गतिविधिइ संलग्न जूपिन्त कारबाही यायेगु जुइ धका धाउगु दु।

नेपाल विद्युत प्राधिकरणं कार्यकारी निर्देशक कुलमान घिसिङयात नियुक्ति याउगु खारेजया माग यासे बिउगु रिट प्रधान न्यायाधीश चोलेन्द्र शम्शेर जबरा थःम्हेसिया हे स्वइगु जुगु दु।

आइतबाः पेसी तोके यायेगु झ्वलय उगु रिट जबरां थःगु हे इजलासय् तःगु दु। निवर्तमान कार्यकारी निर्देशक हितेन्द्रदेव शाक्यं नियुक्ति बदरया माग यासे ३२ साउनय् सर्वोच्च अदालतय् रिट दायर याउगु खः।

रिटय् शाक्यं थःत गैरकानूनी रुपं प्राधिकरणया कार्यकारी निर्देशक पदपाखे हटे याउगु दाबी यासे उकिया बदर याना थःत यथावत तयेमाःगु माग याउगु दु।

उगु रिटय् प्रधानमन्त्री नाप मन्त्रिपरिषद कार्यालय, ऊर्जा मन्त्रालय, ऊर्जामन्त्री, नेपाल विद्युत प्राधिकरणया सञ्चालक समिति व कार्यकारी निर्देशक कुलमान घिसिङयात विपक्षी दयकातःगु खः।

थुगु वाःया न्हापागु दिं आइतबाः शेयर बजाः यक्को हे कुहावंगु दु।

कारोबार शुरु जुइवं हे घटे जुउगु सेयर कारोबार मापक नेप्से परिसूचक न्हापाः घण्टाय् करिब ४ प्रतिशत घटे जूगु दु। कारोबार खुले जुगु न्हापागु घण्टाय् हे ४ प्रतिशत घटबढ जूसा सर्किट ब्रेक जुइगु नियम दु ।

तर न्हापागु घण्टाय् ३ प्रतिशत निसे ४ प्रतिशत कुहावःगु दु। कारोबार खुले जुगु १ घण्टा १५ मिनेटय् हे नेप्से परिसूच्क १०८ अंकं घटे जूगु दु।