लिपागु २४ घण्टाग् थप ४७६२ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं १५ हजार ५५ म्हेसिगु पीसीआर व २४२५ एन्टिजेन परीक्षणय् ४७६२ म्हेसित संक्रमण पुष्टि जुगु खः।

संक्रमणया कारण ११४ म्ह सीगु खः । अथेहे थौं ६ हजार ४९१ म्ह संक्रमणमुक्त जुगु दु।

चीन सरकारं अनुदानय् बिइ त्यंगु खोप कायेगु लागि नेपाल वायुसेवा निगमया वाइडबडी विमान थौं बेइजिङपाखे वने त्यंगु दु ।

ए ३३० विमान थौं चान्ह्यः ११ बजे बेइजिङपाखे विमानं मंगलवाः खोप कया वगु धका निगमं जानकारी बिगु दु ।  चीन सरकारं अनुदान बिइ त्यंगु १० लाख डोज खोप फयाफतले छक्वल हयत्यंगु धका परराष्ट्र मन्त्रालयं धागु दु।

चीनं थ्व स्वया न्ह्यः नेपालयात ८ लाख डोज भेरोसेल खोप अनुदानय् बिगु दु।

चीनया स्वशासित क्षेत्र तिब्बत सरकारं आइतवाः नेपालयात ८ सय अक्सिजन सिलन्डिर, २ सय आईसीयू बेड, ५ भेन्टिलेटर, १० कन्सन्ट्रेटर, १५ सय एन्टिजेन किट तातोपानी नाकाय् हस्तान्तरण यागु खः।

शिक्षा मन्त्रालयं माध्यमिक शिक्षा परीक्षा (एसईई) आन्तरिक मूल्यांक विधिं यायेगु प्रस्ताव मन्त्रिपरिषदय् यंकेगु निर्णय याःगु दु ।

सोमबाः च्वंगु मन्त्रालय्या मुँज्यां एसईई परीक्षा आन्तरिक मूल्यांकन विधि कथं यायेगु प्रस्ताव मन्त्रिपरियादय् छ्वयेगु निर्णय जूगु शिक्षामन्त्रीया प्रेस संयोजक ईश्वरराज ढकालं न्ह्यथनादिल । मन्त्रालयया मूँज्यां वंगु दँय् जूगु विधि आन्तरिक मूल्यांक विधिकथं हे यायेत प्रस्ताव छ्वयेगु निर्णय जूगु संयोजक ढकालं धयादिल ।

वंंगु दँय् ब्वनेकुया प्रधानाध्यापक, कक्ष शिक्षक व अनुभवी शिक्षक याना स्वम्ह दुजःपिनिगु मूल्यांकन समिति निस्वना न्हापांगु त्रैमासिकया १०गू प्रतिशत, निगूगु त्रैमासिकया ३०गू प्रतिशत व शैक्षिक सत्रया अन्त्यतक्क क्वजिउगु दक्वः विषयवस्तु मूल्यांकन जूगु खः । मूल्यांकन विवरण दयेकेत राष्ट्रिय परीक्षा बोर्डं एसईई कक्षा १० या मूल्यांकन, नतिजा प्रकाशन लिसें प्रमाणीकरण कार्यविधि, २०७७ जारी याःगु खः ।

गुकिइ मूल्यांकन समितिं राष्ट्रिय परीक्षा बोर्डं तोके याःपिं स्यनामिपिनिगु प्राप्ताङ्क शिक्षा विकास तथा समन्वय इृकाईतय्सं उगु विवरण राष्ट्रिय परीक्षा बोर्ड छ्वःगु खः । समितिं छ्वयाहःगु विद्यार्थीया प्राप्तांकया लिधंसाय् बोर्डं परीक्षाफल तयार याना प्रमाणपत्र न्ह्यब्वःगु खः ।

लुम्बिनी प्रदेश अन्तर्गत राष्ट्रियसभा सदस्यया लागि जुगु उपनिर्वाचनय् नेपाली कांग्रेसका दृगनाराण पाण्डे निर्वाचित जुगु दु।

पाण्डें नेकपा एमालेया उम्मेदवार चन्द्रबहादुर खड्कायात पराजित यागु खः। पाण्डे न ४१४० मतभार व खड्काया ३६१२ मतभार दुगु खः।

पाण्डेयात नेकपा माओवादी केन्द्र, जनता समाजवादी पार्टी (जसपा) व राष्ट्रिय जनमोर्चापाखे उम्मेदवार जुगु खः ।

आइतवाः तसकं बालागु होइड्रोपावर कम्पनीपिनिगु सेयर भाः थौं सोमवाः क्वहावंगु दु।

सोमवाः सेयर कारोबार मापक नेप्से परिसूचक ४५ अंक स्वया अप्वो घटे जुगु दु। समग्र बजाः हाइड्रोपावर समूहया सबइन्डेक्स ४ दशमलव ३१ प्रतिशत अर्थात १२९ दशमलव ९३ अंकं कुहावंगु दु। थुगु समूहया सेयर दकलय् अप्वो कम जुगु खः।

नेपाल राष्ट्र बैंकया मौद्रिक नीति तेस्रो त्रैमासिक समीक्षाय् कार्यान्वयनया लागि बिगु निर्देशन लिपा हाइड्रोपावर सेयर मूल्यय् आकर्षण खनेदुगु खः। सोमवाः यक्को गुमे यागु कम्पनी मथ्ये १० गु दक्को हे जलविद्युत् कम्पनीपि जुगु दु । अय्न, राधी जलविद्युत् कम्पनी धासा अपवाद जुगु खः। थुगु सेयरया भाः करिब १० प्रतिशत थहा वंगु दु। सोमवाः नेप्से परिसूचक ४५ दशमलव २५ अंकले घटे जुया २ हजार ७ सय ८२ दशमलव ६८ अंकय् क्वहावंगु दु।

सेयर कारोबार रकम आइतवाः स्वया कम खने दुगु दु। थौं ३ अर्ब ९० करोड ९१ लाख रुपैयाँ स्वया अप्वोया सेयर कारोबार जुगु। आइतवाः १७ अर्ब स्वया अप्वो कारोबार रकमया न्हुगु रेकर्ड कायम जुगु दु।