लुम्बिनी प्रदेशय् राष्ट्रियसभा उपनिर्वाचनय् २९७ मत कुहा वंगु दु। स्थानीय तहया प्रमुख व उपप्रमुख याना २१४ मतदान कुहावंगु खः।

लुम्बिनी प्रदेशसभाया दक्को ८३ सदस्यपिन्स मतदान यागु दु। उगु उपनिर्वाचनय् ३०० म्ह मतदातापि दुगु खः। नेकपा माओवादी केन्द्रया राष्ट्रियसभा सदस्यय् निर्वाचित जुम्ह अर्घाखाँचीया चन्द्रबहादुर खड्का एमाले प्रवेश यायेवं पदमुक्त जुगु खः।

उगु खाली जुगु पदय् नेकपा एमालेपाखे खड्का हे उम्मेदवार जुगु खःसा नेपाली कांग्रेस, नेकपा माओवादी केन्द्र, जनता समाजवादी पार्टी, राष्ट्रिय जनमोर्चाया समर्थनय् कांग्रेसया दृगनारायण पाण्डेय उम्मेदवार जुगु खः।

मतदान क्वचायेवं छु ईलिपा हे मत ल्याखायेगु याइ धका धागु दु।

राष्ट्रियसभाय् खाली जुगु छगु पदया लागि लुम्बिनी प्रदेशया उपनिर्वाचन शुरु जुगु दु।

माओवादी केन्द्रपाखे विजयी अर्घाखाँचीया चन्द्रबहादुर खड्का एमाले प्रवेश लिपा पार्टी न कारबाही यागुलि खाली पदय् उपनिर्वाचन जुगु ख।

प्रदेश राजधानी दाङया कर्मचारी मिलन केन्द्र थौं मतदान जारी दु । मतदातापिनिगु कायम याना मतदान केन्द्रय् लामबद्ध जुगु दु । राष्ट्रिय सभा सदस्य उपनिर्वाचनय् निम्ह उम्मेदवार दु ।

कांग्रेस, माओवादी केन्द्र, जनता समाजवादी पार्टी व राष्ट्रिय जनमोर्चाया पाखे दृगनारायण पाण्डे व एमाले चन्द्रबहादुर खड्का प्रतिस्पर्धाय् दु।

उपनिर्वाचनय् लुम्बिनी प्रदेशसभा सदस्य ८३ म्ह व लुम्बिनी प्रदेशअन्तर्गतया पालिका प्रमुख व उपप्रमुखपि २१७ म्ह याना जम्मा ३०० म्ह मतदाता दु।

मेट्रो एफएमया संचारकःमि नाप गायिका रीता महर्जनया तःधिकःम्ह किजा कोभिड १९ कोरोना भाइरस संक्रमण ईन्जिनीयर कविन्द्र महर्जन थौं आइतवाः सुथय् आकाझाकां मन्त ।

मदुम्ह महर्जनयात वंगु स्ववाः न्ह्यःनिसें मनमोहन अस्पतालय् वासः याकाः च्वंगु खःसा छवाः न्ह्यः जक ग्राण्डी अस्पतालय् यंकाः वासः याकुगु खः।

मदुम्ह ईन्जिनीयर कविन्द्र महर्जनया तता गायिका रीता महर्जन खःसा अबु किपूया समाजसेवी नाप नेपा राष्ट्रिय पार्टीया महासचिव कृष्णहरी महर्जन खः।

लिपागु २४ घण्टाया दुने स्वनिगः दुने १०९३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं थौं येँ जक ८०४म्हेसित कोरोना पुष्टि जुगु दु ।

अथेहे, यलय् १७६ म्ह व ख्वपय् ११३ म्हेसित संक्रमण पुष्टि जुगु दु।

अथेहे देयन्यक ४ हजार ३६९ म्हेसित कोरोना संक्रमण पुष्टि जुगु दु ।

लिपागु २४ घण्टाय् ४,३६९ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं १० हजार ९८६ म्हेसित पीसीआर परीक्षण यागुलि ३७०२ व १७८४ एन्टिजेन परीक्षणय् ६६७ म्ह याना ४,३६९ म्हेसित संक्रमण पुष्टि जुगु खः।

अथेहे लिपागु २४ घण्टाया दुने कोरोना भाइरस संक्रमणमुक्त जूपि ६ हजार २०५ म्ह दु। अथेहे कोरोना संक्रमणं १०९ म्ह सीगु दु।