वाग्मती प्रदेशया सामाजिक विकासमन्त्री कृष्ण शर्मा खनालं थःगु पदपाखे राजीनामा बिउगु दु।

नवगठित नेकपा एकीकृत समाजवादीया केन्द्रीय सदस्य तक जुयादीम्ह खनालं थौं सुथय् पदपाखे राजीनामा बिउगु दु।

वयकलं राजीनामा बिउवं आः प्रदेश सरकारया मुख्यमन्त्री अष्टलक्ष्मी शाक्य नाप आन्तरिक मामिला तथा कानुन नाप भौतिक पूर्वाधार विकासमन्त्री केशवराज पाण्डे जक ल्यःदनिइ।

मन्त्री खनालं म्हिगः हे बाग्मती प्रदेश निर्वाचन आयोगया कार्यालय हेटौंडाय् उपस्थित जुया नेकपा एकीकृत समाजवादीइ सनाखत यानादीगु खः।

किपू नगरपालिका वडा नं. १० य् किपूया गौरव कथं कयातःगु योजना कीर्तिपुर युद्ध स्मारक पार्कय् धमाधम ज्या जूयाच्वंगु दु।

विशेष याना किपूलिइ उगु इलय गोरखाया जुजु पृथ्वीनारायण शाहया विरुद्ध हताः जुगु इलय् लुमनिइगु कथं पार्कय् देबो तयेगु ज्या क्वचाय त्यंगु दु।

उगु ज्या जुयाच्वंगु स्वयेगु निति किपू नगरपालिकाया प्रमुख प्रशासकीय अधिकृत कृष्णप्रसाद सापकोटा, नगर मेयर सचिवालयया दुजः विकास महर्जनं पार्कया स्थलगत अबलोकन यानादीगु खः।

मन्त्रिपरिषदया बैठक थौं च्वनिइगु जुगु दु। उगु बैठक न्हिनसिष ४ बजे सःतूगु दु।

बैठकय् मन्त्रालयया नियमित एजेण्डाय् छलफल जुइ धका प्रधानमन्त्रीया सचिवालयं धागु दु।

सुनुवाइ सभामुख अग्नि सापकोटाविरुद्धया मुद्दा संवैधानिक इजलासय् सुनुवाइ जुयाच्वंगु दु। प्रधानन्यायाधीश चोलेन्द्रशमशेर जबरा नेतृत्वया संवैधानिक इजलासय् दीपककुमार कार्की, मीरा खड्का, हरिकृष्ण कार्की व ईश्वरप्रसाद खतिवडा न्यायाधीशपि खः।

थ्व स्वया न्ह्यः ३० फागुन २०७६ य् न थुगु मुद्दा पेशीइ चढे यागु खः, तर स्वये मलाः धका सुनुवाइ सरे यागु खः। सशस्त्र द्वन्द्वकालय् काभ्रेया अर्जुन लामाया हत्याय् संलग्न जुगु द्धपः सापकोटायात बिगु खः।

१६ वैशाख २०६२ य् श्रीकृष्ण मावि, दाप्चाय् अभिभावक भेला जुगु थासं लामा अपहरणयाना यकूगु खः। गाः खना लामायात म्वा म्वाकं ल्हाकूगु धका वया जहान पूर्णिमायां २०६४ सालय् जाहेरी बिउगु खः। प्रहरीं जाहेरी मकागुलि पूर्णिमायां सर्वोच्चय् उजुरी तःगु खः। २२ फागुन २०६४ य् सर्वोच्चं आदेश बिउगु व जाहेरी दर्ता यागु खः।

तर बाबुराम भट्टराई नेतृत्वया सरकारं सापकोटा विरुद्धया जाहरी तामेलीइ तयेगु निर्णय याउगु खः। वया लिपा पूर्णिमां हाकनं सर्वोच्च वना व सर्वोच्चं निर्णय कार्यान्वयन मयायेत आन्तरिम आदेश बिउगु खः। थुगु मुद्दा सर्वोच्चया संवैधानिक इजलासय् विचाराधीन खः ।

मुद्दा विचाराधीन जुगु इलय् सापकोटा सञ्चारमन्त्री जुगु यलय् कनकमणि दीक्षित लगायतं सर्वोच्च अदालतय् अवहेलना मुद्दा तःगु खः।