वइगु आर्थिक वर्ष २०७८÷७९ या बजेट थौं शनिवाः ४ बजे सार्वजनिक जुइगु दु।

राष्ट्रपति विद्यादेवी भण्डारीं अध्यादेश जारी यायेवं अर्थमन्त्री विष्णुप्रसाद पौडेलं बजेट सार्वजनिक यायेत्यंगु खः।

बजेट प्रधानमन्त्री कार्यालयपाखे ४ बजे सार्वजनिक जुइ धका अर्थ मन्त्रीया प्रेस सल्लाहकारं जानकारी बिगु दु। सरकारं करीब १६ खर्ब हाराहारी आकारया बजेट हयेगु तयारी दु।

संसद विघटन लिपा १५ जेठय् बजेट हयेमागु संवैधानिक बाध्यता दु धका मन्त्रालयं धागु दु।

येँ महानगरपालिकां ४५ भेन्टिलेटर महानगरपालिका क्षेत्र दुने स्वनिगःया थीथी ९ अस्पतालय् उपलब्ध याये धुकुगु दु धका जानकारी बिगु दु।

कोभिड–१९ या संक्रमण अप्वोया वंगुलि अस्पताल यागु क्षमता अभिवृद्धि यायेगु व सेवा विस्तार याना संक्रमित नागरिकपिन्त बचे यायेगु उदेश्यं अथे भेन्टिलेटर थीथी अस्पतालयात उपलब्ध यानागु धका येँ महानगरपालिकाया प्रमुख विद्यासुन्दर शाक्यं जानकारी बिगु दु।

जानकारी कथं महानगरपालिकां चिकित्सा विज्ञान राष्ट्रिय प्रतिष्ठान वीर अस्पतालयात १५, त्रि.वि. शिक्षण अस्पतालयात १०, शहिद गंगालाल राष्ट्रिय हृदय केन्द्रयात ५, छत्रपाटी निःशुल्क चिकित्सालययात ४, नेपाल कोरिया मैत्री नगरपालिका अस्पतालयात ३, महेन्द्र नारायण निधि मेमोरियल अस्पतालयार्त २, हेल्पिङ्ग ह्याण्ड्स सामुदायिक अस्पतालयात २, जनस्वास्थ्य सरोकार ट्रष्ट काठमाडौं मोडल अस्पतालयात २ व शुक्रराज ट्रपिकल तथा सरुवा रोग अस्पतालयात २ थान भेन्टिलेटर ग्वाहालि यागु दु। ‘चिकित्सा विज्ञान राष्ट्रिय प्रतिष्ठान वीर अस्पतालयात वीर ५० मनिटर उपलब्ध याये धुकुगु दु सा म्हिगः जक महेन्द्र नारायण निधि मेमोरियल अस्पतालयात २ भेन्टिलेटर उपलब्ध याकगु दु धका धागु दु ।

महानगरपालिकापाखे येँ जक मखु ७७ गु जिल्लाय् कोभिड संक्रमित नागरिकपिनिगु सघन उपचार जुइ धका भलसा कयागु दु धका धागु दु,’ उपत्यका नगरपालिका फोरमया अध्यक्ष तक जुयादीम्ह प्रमुख शाक्यं, ‘सहिद गंगालाल राष्ट्रिय हृदय रोग केन्द्र व कान्ति बाल अस्पतालयात महानगरपालिकां उपलब्ध यागु ५ करोड बराबरया ग्वाहालि निर्माण यागु अक्सिजन प्लान्टमध्ये गंगालालं प्लान्ट संचालनय् हये धुकुगु दु।कान्ति अस्पतालय् प्लान्ट असार निसे संचालन जुइ।’

३०९ बेडया आइसोलेसन व विषेश अस्पताल सञ्चालन

अथेहे येँ महानगरं महानगरपालिकां अस्पतालय् अक्सिजनया तसक अभाव जुगु कारण असहज अवस्थाय् ध्यान तया अक्सिजन हे कारण अस्पतालय् बिरामीपिनिगु चापयात कम यायेगु कथं ३ सय ९ बेडया आइसोलेसन व विषेश अस्पताल सञ्चालनय् हय धुकुगु दु धका जानकारी बिगु दु।

‘महानगरपालिकाया आर्थिक ग्वाहालि सामाखुशी च्वंगु राधास्वामी सत्संग भवनय नेपाली सेनाया व्यवस्थापनय् ८८ अक्सिजन नाप १७४ बेडया कोभिड–१९ आइसोलेसन केन्द्र सञ्चालनय् हयागु दु,’ येँ महानगरया प्रमुख शाक्यं धयादीगु दुन्नुभयो, ‘नरदेवी आयुर्वेद अस्पतालय् ५० अक्सिजन नाप १ सय बेडया कोभिड–१९ आइसोलेन केन्द्र व छत्रपाटी निःशुल्क चिकित्सालयय् आइसीयु व भेन्टिलेटर नाप ३५ बेडया कोभिड–१९ विशेष अस्पताल संचालनय् वये धुकुगु दु। 

बरष्ठि गायक दीप श्रेष्ठ अस्पतालय् भर्ना जुयादीगु दु।

म्हय् अक्सिजनया म्हाु जुइवं श्रेष्ठयात म्हिगः शुक्रवाः येँया धुम्बाराहीइ च्वंगु ह्याम्स अस्पतालय् भर्ना याना उपचार सुरु यागु खः।

अस्पतालं बिगु जानकारी कथं वयकःयात निमोनिया समस्या खनेदुगु दु धका धागु दु।

स्वास्थ्यय् सामान्य समस्या खनेदुगुलि अस्पताल भर्ना जुगुम्ह गायक श्रेष्ठयात कोभिड समस्या खनेदुगु धका गायिका तृष्णा गुरुङं धागु दु।

कोरोना संक्रमित जुया ईलय् हे आइसोलेसनय् च्वने मखना उपिनि छेँजःपिन्सं नं अनेकन दुःख कष्ट फय् म्वालेमा धैगु मनतुनां नायः मनोजबहादुर न्याछ्योंया संयोजनय् निस्वंगु छगु आइसोलेसन खः यलः पुच्वय् च्वंगु अक्षेश्वर महाविहारया आइसोलेसन कक्ष । नेपाल उद्योग वाणिज्य महासंघ, अक्षेश्वर महाविहार संरक्षण समिति, आरम्भ फाउण्डेशनया ग्वहालिइ आइसोलेसन कक्ष न्ह्याःगु खः । पुल्चोकया तजाःगु थासय् दूगु महाविहारया दक्षिणपाखेंया स्वत जाःगु छेँय्यात आइसोलेसन कक्ष दयेकूगु खः । गुकिइ ३०गू वेड तया मिसा व मिजंपिनिगु लागि थीथी कथं आइसोलेसन कक्ष न्ह्याकूगु दु । आइसोलेसन सेवा काइपिं अप्वःल धाःसा अझ थुकियात थपू यायेफइगु वरिष्ठ न्वकू एवं व्यवस्थापन समिति संयोजक विश्वराज बज्राचार्यं न्ह्यथनादिल । छेँय् कोठा व अलग चःबि म्हो जुया “होम” आइसोलेसनय् च्वने मपूmपिं व दक्व छेँजःपिं हे संक्रमित जूपिं व कन्ट्रयाक टे«सिङय् लाःपिनिगु लागि उगु कक्ष न्ह्याकूगु खः । आइसोलेसनय् च्वनिपिनिगु स्वास्थ्य अवस्था जटिल जुल धाःसा थथें अस्पताल थ्यंकेगु व्यवस्था नं यानातःगु दु । उमित न्हियान्हिथं माःगु रुमाल, टुथपेष्ट, चप्पल थें जाःगु ज्वलंया व्यवस्था तकं यानातयागु व ई छ्वय्त इन्डोर गेमया ज्वलंलिसें टिभी, इन्टरनेटया व्यवस्था तकं यानातःगु दु । दैनिक पौष्टिक नसाज्वलं व निःशुल्क स्वास्थ्य सेवा व संक्रमित पिनिगु लागि निम्ह नर्स २४घौ हे सुविधा दइकथं व न्हिन्हि छम्ह डाक्टरया राउण्ड चेकअप या नं व्यवस्था दूगु वरिष्ठ न्वकू बज्राचार्यं धयादिल । अथेहे आइसोलेसन च्वनादिपिनिगु लागि सुथय् सुथय् योग कक्षा तकं न्ह्याकाःगु वय्कलं न्ह्यथनादिल । अक्षेश्वर महाविहार ध्यान, बुद्ध धर्मसम्बन्धी गोष्ठी व प्रवचनया लागि दयेकूगु महाविहार हलिंमय् हे न्यनाच्वंगु कोरोना महामारीया ईलय् बाँलागु व पुण्य चुलाइगु ज्याय् छ्यलाबुलाय् हयेखंगुलिइ विहार सुधार पदाधिकारीपिं न लसतां जाः । अथेहे “महामारीया ईलय् आइसोलेसन मदया मनुतय्सं फयमाःगु कष्ट बयान याना साध्य हे मजू । थुजागु ईलय् थ्व कक्षं आइसोलेसनया मगामचाःयात छुं म्हो यायेपूmगु भलसाः याना” नायः न्याछ्यों नं धयादिल ।

सप्तरीइ कोरोना संक्रमित बिरामी व बिरामीया कुरुवायात निःशुल्क खानाया अभियान शुरु यागु दु।

सदरमुकाम राजविराजया युवा व्यवसायी व राजविराज जेसीजया कुतलय् कोरोना संक्रमित व कुरुवापिन्त खाना नकेगु शुरु यागु खः ।

न्हि निछा खाना नकेगु धका राजविराज जेसीजया अध्यक्ष सिद्धार्थ तातेड धागु दु।

गजेन्द्रनारायण सिंह अस्पतालय् उपचार याना च्वपिन्त कोरोना संक्रमित व वयागु कुरुवापिन्त न्यान्ह्य निसे नका च्वनागु धका तातेडं धागु दु ।

वयकःया कथं न्हि १५० म्हेसित निः शुल्क खाना नकाच्वंगु दु।