Display Style:
Column Style
लुँया भाः थौं ८०० क्वहावल
लहानान्युज | बछलाथ्व दशमी ११४१,असार ६ आईतवाः
लुँया भाः थौं न क्वहावःगु दु।
थौं लुँ तोलां च्यासः क्वहावःगु दु। वंगु शुक्रवाः तोलां ९० हजार ८ सय रुपैयाँ कारोबा जुगुलि थौं तोलां ९० हजार कायम जुगु दु धका नेपाल सुनचाँदी व्यवसायी महासङ्घं धागु दु।
थेहे वहः न झीन्यातका क्वहावंगु दु। वंगु शुक्रवाः तोलां थौं १२ सय ९० रुपैयाँ कारोवार जुगु दु धका महासङ्घं धागु दु।
निजामति सेवाया विशिष्ट पद खाली जुल
बछलाथ्व दशमी ११४१, असार ६ गते आइतबाः
निजामति सेवाया विशिष्ट पद सचिव पद खाली जुयावंगु दु ।
लोकसेवा आयोगय् पदाधिकारी नियुक्त यायेत लिबाबलय् थुगु अवस्था वःगु खः । थ्वयान्ह्यः पदाधिकारी नियुक्तिया नितिं सिफारिस याःसा नं संसदीय मजूबलय् ज्या यायेफया च्वंगु मदुनि ।
नेपाल सरकारया थी थी निकायलय् नेतृत्व बिइमाःगु सचिव पद खाली दु । प्रधानमन्त्री लिसें मन्त्रिपरिषद्या ज्याकु, खानेपानी मन्त्रालय, कृषि तथा पशुपंक्षी मन्त्रालयया पशुपंक्षी स्वइम्ह सचिव, शिक्षा,विज्ञान तथा प्रविधि मन्त्रालयया विज्ञान तथा प्रविधि स्वइम्ह सचिव, राष्ट्रिय मानव अधिकार आयोग, राष्ट्रिय पुननिर्माण प्राधिकरण गण्डकी प्रदेश व कर्णाली प्रदेशया सचिव पद खाली दु ।
थ्वहे असार १ गते निसें उपराष्ट्रपतिया ज्याकु नं सचिवबिहीन जूगु दु । नेपाल सरकारया थी थी निकायलय् निजामती सेवाया प्रशासनया ३४म्ह, न्याय सेवाया १३म्ह, इन्जिनियरिङपाखें ८म्ह व वन अले संघीय संसदय् छम्ह छम्ह दुथ्याइगु याना ६९म्ह सचिव पद दइगु व्यवस्था दु । थ्व बाहेक नेपाल सरकारया मुख्यसचिव, सर्वोच्च अदालतय् मुख्य रजिष्ट्रार व संघीय संसदय् महासचिव दइगु व्यवस्था दु ।
मन्त्रालय लिसें मेगु सरकारी निकायलय् नेतृत्व बिइमाःगु सचिव पद खाली जूबलय् ज्याकुया ज्या व बढुवा जुइत योग्य जूपिं सहसचिवपिनि वृत्तिविकास व पदोन्नतिइ लिच्वः लाःगु दु । थुकथं ताः ई मन्त्रालय व निकायत खाली जूबलय् उपिं निकायया ज्या व प्रभावकारीताय् तप्यंक लिच्वः लाइगु लोकसेवा आयोगया पूर्व अध्यक्ष उमेश मैनालीं धयादील ।
थुखे लोकसेवा आयोगय् पदाधिकारी नियुक्त याःसा नं ज्या जुइ फूगु मदुनि । वंगु वैशाख २६ गते लोकसेवा आयोगय् पदाधिकारी नियुक्त जूगु खः । थुकथं नियुक्त पदाधिकारीया संसदीय सुनुवाई मजूबलय् ज्या न्ह्याये फयाच्वंगु मदु । नियुक्त जूगु ४५न्हू दुने संसदीय सुनुवाई मजूसा स्वत्ः नियुक्त जुइगुय व्यवस्था दु । लोकसेवा आयोगय् पदाधिकारीं ज्या याये मखंतले फुक्क बढुवा प्रक्रिया दिनाच्वनिइ ।
थज्यागु अवस्थाय् सरकारं बढुवाया नितिं योग्य जूपिं व न्ह्योने दूपिं मध्येपाखें छम्हसिर्त कायम मुकायम बिया थथेंया नितिं गठ फ्यने फइगु पूर्व अध्यक्ष मैनालीया छ्याता दु । नेपाल सरकारया थी थी निकायया प्रशासनिक नेतृत्व बिइगु पद खाली जूबलय् खाली जूगु निकायया जक मजुसें सरकारया प्रभावकारीताय् तकं लिच्वः लाइगु खनेदु ।
स्वनिगलय् ३३७ म्ह संक्रमण पुष्टि
रसिया श्रेष्ठ | बछलाथ्व नवमी ११४१,असार ५ सनिवाः
स्वनिगः दुने २४ घण्टाय् ३३७ म्हेसित कोरोना संक्रमण पुष्टि जुगु दु।
वःगु २४ घण्टाय ११ हजार ६९६ म्हेसिगु स्वाब नमुना परीक्षण यागुलि देयन्यक २ हजार ४०१ म्हेसित संक्रमण खनेदुगु दु।
उकि मध्ये स्वनिगलय् जक ३३७ म्ह संक्रमितपि थपे जुगु दु। वंगु २४ घण्टाय् येँ जक २०१ म्हेसित सक्रमण पुष्ट जुगु दु।
अथेहे, यलय् ९२ म्ह व ख्वपय् ४४ म्ह संक्रमितपि थपे जुगु दु।
२४०१ म्ह संक्रमण पुष्टि, ३६६० म्ह संक्रमणमक्त, ३४ म्ह सीत
रसिया श्रेष्ठ | बछलाथ्व नवमी ११४१,असार ५ सनिवाः
वंगु २४ घण्टा दुने थप २ हजार ४०१ म्ह कोरोना संक्रमण पुष्टि जुगु दु।
अथेहे थप ३४ म्ह सीगु दु धका स्वास्थ्य तथा जनसंख्या मन्त्रालयं धागु दु।
वंगु २४ घण्टाय् ३ हजार ६६० म्ह कोरोना संक्रमणमुक्त जुगु दु।
डब्ल्यूएचओया महानिर्देशकपाखे मुस्ताङय् नेपाली स्वास्थ्यकर्मीपि प्रशंसा
लहानान्युज | बछलाथ्व नवमी ११४१,असार ५ सनिवाः
विश्व स्वास्थ्य संगठन (डब्ल्यूएचओ)या महानिर्देशक डा. टेड्रोस एडहानोम गेहब्रेयसं मुस्ताङय् नेपाली स्वास्थ्यकर्मीपिन्स कोरोना खोप खुसिइ छिला भिडियो ट्वीट यागुलि प्रशंसा यानादीगु दु।
वंगु असार १ गते मुस्ताङया छापताङ खुसिइ खोप चुकिइ धका स्वास्थ्यकर्मीपिन्स कठ्ठीया ग्वाहालि खुसिइ छिगु सामाजिक सञ्जालय् नेपाली प्रयोगकर्तापिनिगु न्ह्यने भाइरल जुगु दृश्यय् डब्ल्यूएचओया महानिर्देशकं ट्वीट यासे प्रशंसा यानादीगु खः।
स्वास्थ्यकर्मीपि जीवनरक्षाया लागि गुलि तक तापाक वनाच्वंगु दु,’ महानिर्देशक टेड्रोसं धागु दु, खोपया समान वितरणया वकालत यानावाच्वम्ह टेड्रोसं खोपया समान वितरणया लागि झीगु शक्ति व कर्तव्य कथं गुलि फु उलि यायेमा आः मयासा गुवलय् यायेगु ?
