नेपालभाषाया संकिपाख्यःया लोकह्वाम्ह निर्देशक आर्यम नकःमिया अबु मंगलमान नकःमि थौं बिहिबाः सुथसिया ४ः४५ ताः ईलय् छेँय् हे आकाझाकां देहावसान जुगु दु।

मदुम्ह मंगलमान नकःमि ९५ दँय् दुम्ह खः। वयकःया निम्ह काय् नेवाः संकिपाख्यलय् छगः थां कथं कयातःम्ह संकिपामि आर्यम नकःमि वयकःया माहिलाम्ह काय् खः।

मदुम्ह  मंगलमान नकःमियात थौं हे लुतिइ दाह संस्कार जुग आर्यम नकःमिया पासा व कलाकार सरोत्तम चित्रकारं जानकारी बियादिगु खः।

प्रधानमन्त्री शेरबहादुर देउवां जनगायक जुठबहादुर खड्गी ‘जेबी टुहुरे’ मदुगुलि बिचाः हायकूगु दु।

प्रधानमन्त्री देउवां सामाजिक सञ्जाल ट्वीटरपाखे जनगायक ‘जेबी टुहुरे’ मदुगुलि बिचाः हायकूगु खः। प्रम देउवां ट्वीटरय् च्वंगु दु, ‘कलाकार जुठबहादुर खड्गी (जेबी टुहुरे) मदुगु खबरं स्तब्ध जुगु दु।

यकलं आत्माया चीर शान्तिया कामना यासे परिवारपिन्त हार्दिक समवेदना व्यक्त यागनागु दु।’ 

 प्रदेश १ या नवनियुक्त मुख्यमन्त्री भीम आचार्य न पदभार ग्रहण यागु दु।

प्रदेश प्रमुख सोमनाथ अधिकारी प्यासीपाखे सपथ ग्रहण याये धुका आचार्य न पदभार ग्रहण यागु खः। बिहीबाः प्रदेश १ संसदीय दलया बैठकपाखे सर्वसम्मत संसदीय दलया नेताय् चयन जुइवं आचार्ययात प्रदेश प्रमुख अधिकारीं मुख्यमन्त्रीया शपथ ग्रहण याकूगु खः।

मुख्यमन्त्री व एमाले संसदीय दलया नेता शेरधन राईया प्रस्तावय् आचार्य दलया नेता ल्यये धुका राई न राजीनामा बुझे यागु खः।

राई न राजीनामा बुझे याये धुका भीम आचार्य मुख्यमन्त्री नियुक्त जुगु खः। मुख्यमन्त्री आचार्य न प्रदेश सुशासन व सेवा प्रवाहया सम्बन्धी निर्णयय् न्हापागु हस्ताक्षर यायेवं प्रदेश १ या प्रमुख सचिव डा. रामप्रसाद घिमिरे न जानकारी बिगु खः। 

प्रदेश १ या नवनियुक्त मुख्यमन्त्री भीम आचार्यं बहुमत जोगे यायेगु धका दाबी यागु दु। ९३ म्ह सदस्य दुगु प्रदेशसभाय् आः एमालेया ५२ म्ह दतकि प्रष्ट बहुमत जुइ।

तर एमाले विभाजित जुया नेकपा एकीकृत समाजवादीइ गुलि सांसद वनिइ धका सिइमदुनि। यदि खुम्ह स्वया अप्वो एमाले सांसद एकीकृत समाजवादीपाखे वनकि मुख्यमन्त्री आचार्य अल्पमतय् लाइगु सम्भावना दु।

नवनियुक्त मुख्यमन्त्री आचार्यं प्रदेशसभाय् एमालेयाके हे बहुमत कायम दुगु दाबी यागु दु। बिहीबाः मुख्यमन्त्रीया शपथ कायेवं सञ्चाःकःमि खँल्हासे आचार्य न धागु दु, ‘लोकतन्त्र, विकास व स्थायित्व पक्षधर दलपि नाप खँ ल्हाय्। व, थःपिनिगु हे बहुमत थ्यके।’ अथेहे वयकलं मन्त्रिपरिषद विस्तार याये धका न धागु दु।

जनगायक जुठबहादुर खड्गी (जेबी) टुहुरे मन्त।

टुहुरे ७८ दँय् बयोधा अस्पतालय् उपचारया झ्वलय् थौं बिहीबाः मदुगु खः।

मंगलबाः कलंकीइ छेँ एक्कासी दया बयोधा अस्पताल यकंगु खः। कयकःयात मुटु, स्वँ, चिनि व उच्च रक्तचापया दिर्घरोग न खः।

जनसांस्कृतिक महासंघया निवर्तमान अध्यक्ष सरल सहयात्रीया कथं संविधानसभा सदस्य तक जुयादीम्ह टुहुरेया पार्थिव शरीर अन्तिम श्रद्धान्जलीया लागि न्हिनसिया साढे १ बजेनिसे २ बजे तक पार्टी कार्यालय पेरिसडाँडाय् तइगु जुगु दु।

थौं हे पशुपति आर्यघाटय् अन्त्येष्टि याइ धका धागु दु।