Display Style:
Column Style
संसद विघटनया विरुद्ध रिट जेठ १३ व १४ गते तोकेयात
लहानान्युज | कछलाथ्व चतुर्दशी ११४१,जेष्ठ ११ मंगलवाः
संसद विघटनया विरुद्ध सर्वोच्च अदालतय् ३० गु रिट दर्ता जुगु दु। उकि मध्ये १९ गु रिट साधारण इजलास व ११ गु संवैधाानिक इजलासय् सुनुवाइया माग यागु खः।
सर्वोच्च अदालतया कथं अन्तरिम आदेश माग यागु १९ गु रिटको सुनुवाइ जेठ १३ गते बिहीवाः जुइगु कथं तोके यागु दु। अथेहे संवैधानिक इजलासया सुनुवाइ माग यागु ११ गु रिट धासा जेठ १४ गते शुक्रवाःया लागि पेशी तोके यागु दु।
राष्ट्रपति विद्यादेवी भण्डारीं धारा ७६(५) बमोजिम प्रधानमन्त्री नियुक्ति जुइगु आधार मदु धका धासे बिगु निर्णय बिगु वंगु जेठ ७ गते मन्त्रिपरिषदया सिफारिसय् राष्ट्रपतिपाखे संसद विघटन यासे कात्तिक २६ व मंसिर ३ गते निर्वाचनया मिति तोके यागु खः।
संसद विघटन असंवैधानिक व धारा ७६(५) कथं शेरबहादुर देउवायात प्रधानमन्त्री नियुक्तिया माग यासे १४६ म्ह सांसदपिन्स सर्वोच्चय् रिट दर्ता यागु खः।
राष्ट्रपति व प्रधानमन्त्रीया पुत्ला च्याकल
लहानान्युज | कछलाथ्व चतुर्दशी ११४१,जेष्ठ ११ मंगलवाः
संसद विघटनया विरोधय् नेपाल विद्यार्थी संघं राष्ट्रपति व प्रधानमन्त्रीया पुत्ला च्याकूगु दु।
पुतलीसडकया शंकरदेव क्याम्पस न्ह्यने उमिसं राष्ट्रपति विद्यादेवी भण्डारी व प्रधानमन्त्री केपी शर्मा ओली यागु पुत्ला च्याकूगु खः।
थ्व स्वया न्ह्यः नेवि संघं मध्यबानेश्वरय् संसद विघटनया विरोधय् राष्ट्रपति विद्यादेवी भण्डारी व प्रधानमन्त्री केपी शर्मा ओलीया तस्वीरय् गोबर छाकाः प्रदर्शन यागु खः।
बालमन्दिरया तःधंगु ल्याखय् मस्ततयेत संक्रमण पुष्टि
लहनान्यूज | कछलाथ्व चतुर्दशी ११४१,जेष्ठ ११ मंगलवाः
येँया निगू बालमन्दिरय् च्वनाच्वंपिं ४९म्ह मस्त कोरोना संक्रमण जूगु दु ।
नेपाल बाल संगठन अन्तर्गत नक्साल व सिफल बालमन्दिरय् च्वनाच्वंपिं ४९म्ह मस्तलिसें १०म्ह सुचुकुच याइपिन्त संक्रमण पुष्टि जूगु संगठनया मूछ्याञ्जे समिक बडालं जानकारी बियादिल । नेपालय् थुली तःधंगु ल्याखय् मस्तयेत कोरोना पुष्टि जूगु थ्व न्हापांगु खः ।
संक्रमित जूपिं ८लाः निसें १०दँया मस्त खःधाःसा निम्ह १८दँया खः । उपिंमध्ये अपांगता जूपिं तक लाःगु दु । सिफलय् ७०म्हेसित याःगु परीक्षणय् ३६म्हेसित संक्रमित पुष्टि जूगु खः । अथेहे नक्सालया बालगृहय् च्वंपिं २३म्ह मस्त संक्रमित पुष्टि जूगु खः ।
छुं मस्तय्गु रिपोर्ट धाःसा ल्यंहे दनिगु धाःगु दु । संक्रमितपिन्के मुसु वयेगु, ज्वरोलिसेंया लक्षण खनेदूगु खः । संक्रमित मस्तय्त किपूया आयुर्वेद केन्द्र यंकूगु दु ।
नेप्से परिसूचक ६ दशमलव ५० अंक क्वहावल
लहानान्युज | कछलाथ्व चतुर्दशी ११४१,जेष्ठ ११ मंगलवाः
आइतवाः व सोमवाः लगातार थहा वंगु सेयर बजाः थौं मंगलवाः धासा करेक्शन खनेदत ।
सेयर कारोबार मापक नेप्से परिसूचक ६ दशमलव ५० अंक क्वहावना २ हजार ८ सय १६ दशमलव ५६ अंकय् थ्यंगु दु।
‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न ४ दशमलव ५१ अंक घटे जुया ५ सय ३ दशमलव ९९ अंकय् थ्यगु दु।
सोमवाः १३ अर्ब स्वया अप्वो थहावना न्हुगु इतिहास तःगु कारोबार रकम मंगलवाः धासा कम खनेदुगु दु।
मंगलवाः १ लाख १२ हजार १४८ गु कारोबार जुगुलिं २१९ कम्पनीया २ करोड ३४ लाख ६५ हजार ६७५ कित्ता सेयर न्यायेगु मिइगु जुगु दु। उकि कथं कारोबार रकम ११ अर्ब १३ करोड ३३ लाख ९८ हजार १०८ रुपैयाँ थ्यंगु दु।
सभामुख अग्निप्रसाद सापकोटां सःतूगु पूर्वसभामुखपिनिगु बैठक सुरु
लहानान्युज | कछलाथ्व चतुर्दशी ११४१,जेष्ठ ११ मंगलवाः
सभामुख अग्निप्रसाद सापकोटां सःतूगु पूर्वसभामुखपि नाप बैठक न्हुगु बानेश्वरय् सुरु जूगु दु।
सभामुख सापकोटां प्रतिनिधिसभा विघटन लिपागुया अवस्था व सभामुखया भूमिका विषय छलफलया लागि सःतुगु उगु बैठकय् पूर्वसभामुख नाप नेकपा (एमाले)या नेता सुवास नेम्वाङ बाहेकया पूर्वसभामुखपि सहभागी जुगु दु।
पूर्वसभामुखपि रामचन्द्र पौडेल, ओनसरी घर्ती व कृष्णबहादुर महरा सभामुखं सःतूगु बैठक् हे उपस्थित जूगु खःसा पूर्वसभामुखपि दमननाथ ढुंगाना व तारानाथ रानाभाट भर्चुअल रुपं बैठकय् सहभागिता जुयदीगु खः।
रानाभाट पोखराय् जुगु कारण भर्चुअल्ली बैठकपाखे सहभागी जुगु खःसा ढुंगाना कोरोनाया कारण स्वास्थ्य जोखिम दुगुलि छेँ न हे भर्चुअल्ली बैठकय् सहभागी जुगु खः।
