महन्थ ठाकुरया नेतृत्वय् लोकतान्त्रिक समाजवादी पार्टी (लोसपा) नेपाल दर्ताया लागि निर्वाचन आयोगय् वना सनाखत यायेत १४ म्ह सांसदपिन्स ल्हाचिं तःगु खः।

सरकारं राजनीतिक दल विभाजनया लागि केन्द्रीय समिति वा संसदीय दलय् २० प्रतिशत सदस्यपि दुसा गाः धका अध्यादेश हःगुलि महन्थ ठाकुर पक्षं भदौ २ गते लोसपा दर्ताया लागि आयोगय् निवेदन बिगु खः।

उकिया लागि निर्वाचन आयोगं बुधबाः सनाखतया लागि सःतूगु खः। १४ सांसदं सनाखत यायेवं लोकतान्त्रिक समाजवादी पार्टी, नेपाल दर्ता जुइगु निश्चित जुगु दु।

लोकतान्त्रिक समाजवादी पार्टी दर्ताया लागि सनाखत यापि १४ म्ह सांसदपि थुकथं दु

महन्थ ठाकुर, राजेन्द्र महतो, शरतसिंह भण्डारी, अनिलकुमार झा, लक्ष्मणलाल कर्ण, चन्दा चौधरी, निर्जला राउत, विमलप्रसाद श्रीवास्तव, उमाशंकर, एकवाल मियाँ, चन्द्रकान्त चौधरी, दुलारीदेवी खँग खत्वे, कल्लुदेवी विश्वकर्मा, शेखरकुमार सिंह 

लुँया भाः थौं तोलां ३ सय रुपैयाँ घटे जुगु दु।

थौं स्वसः क्वहा वंया तोलां ९१ हजार ३ सय रुपैयाँ थ्यंगु दु। अथेहे वहः न थौं तोला झीतका थहावंगु दु।

थौं तोलां झीतका थहावना १२ सय १० रुपैयाँ थ्यंगु दु धका नेपाल सुन चाँदी व्यवसायी महासंघ धागु दु।

न्हुगु दल दर्ता प्रक्रियाया लागि सनाखत यायेत प्रस्तावित लोकतान्त्रिक समाजवादी पार्टी (लोसपा) या नेतापि निर्वाचन आयोगय् वंगु दु।

दल दर्ताया लागि बिगु निवेदनय् उल्लेख यागु नां सनाखत यायेत महन्थ ठाकुर, राजेन्द्र महतो लगायतया नेतापि आयोगया कार्यालय कान्तिपथय् वंगु दु।

निर्वाचन आयोगं सनाखतया लागि थौं न्हिनय् २ बजे तक ई बिगु खः। सनाखत लिपा दल दर्ता प्रक्रिया टुंग्ये याइगु धका निर्वाचन आयोगं धागु दु।

प्रस्तावित लोसपाया अध्यक्ष ठाकुरं ३१ म्ह केन्द्रीय कार्यकारिणी सदस्यपिनिगु नां आयोगय् बुझे यागु खः।

नेकपा एकीकृत समाजवादी दल दर्ताया लागि निवेदन बिउम्ह नेकपा एमालेया नेतापि सनाखतया लागि निर्वाचन आयोगय् वंगु दु।माधवकुमार नेपाल लगायतया नेतापि आयोगय् थ्यंगु खः।

आयोगं सनाखतया लागि थौं सुथय् साढे ११ बजेनिसे २ बजे तकया ई बिगु खः। राजनीतिक दलसम्बन्धी अध्यादेश कथ दल विभाजनया लागि संसदीय दल वा केन्द्रीय कमिटीपिनिगु २० प्रतिशत माः।

नेकपा एकीकृत समाजवादी दर्ताया लागि निर्वाचन बिउपि नेतापि केन्द्रीय कमिटीया २० प्रतिशत थ्यकेत स्वंगु खः। दल दर्ताया लागि निवेदन बिगुलि एमालेय् २०३ म्ह सदस्यीय कमिटीया ५७ म्हेसिगु ल्हाचिं तःगु खः।

नेकपा एमाले नेता प्रदीप नेपाल माधवकुमार नेपालया नेतृत्वय् नेकपा एकीकृत समाजवादीपाखे वंगु दु।

दल दर्ताया लागि थःगु ल्हाचिं सनाखत यायेत नेपाल निर्वाचन आयोगय् थ्यकूगु खः। २ भदाय् नेपाल समूह न दल दर्ताया लागि निवेदन बिउगु इलय् नेता नेपालया नां न दुगु खः।

तर ओली पक्षया नेतापिन्स प्रदीप नेपालं एमाले मत्वतूगु धका धागु खः। नेता नेपालं न थःगु फेसबुकय थः माधव नेपालया मनू खः, तर खुदँ निसे कमिटी विहीन अवस्थाय् च्वनाच्वनगु दु धका धागु खः।