प्रदेश नम्बर १ या मुख्यमन्त्री शेरधन राई न राजीनामा बिगु दु। प्रदेश प्रमुख सोमनाथ अधिकारी प्यासीयात राई न राजीनामा बुझे यागु खः।

राई व आचार्य निम्ह प्रदेश प्रमुखया कार्यालय थ्यंगु दु। राई न राजीनामा बिइवं थौं हे संसदीय दलया नेता भीम आचार्य मुख्यमन्त्री जुइत्यंगु खः।

आचार्य थौं हे शेरधन राईया प्रस्तावय् सर्वसम्मत दलया नेता ल्यंगु खः । २०७४ माघ २६ गते एमालेया ५१ म्ह सांसद मध्ये शेरधनं आचार्यया २४ विरुद्ध २६ मत हया संसदीय दलया नेताय् निर्वाचित जुगु खः।

लुँया भाः थौं तोलां निसः कुहावंगु खः।

थौं तोलां निसः कुहावया ९१ हजार १ सय रुपैयाँ थ्यंगु दु धका नेपाल सुनचाँदी व्यवसायी महासङ्घ न धागु दु।

म्हिगः लुँ तोलाया ३ सय रुपैयाँ घटे जुया ९१ हजार ३ सय रुपैयाँ न कारोबार जुगु खः।

अथेहे वहः धासा स्थिर जुगु दु।

येँ महानगरपालिकां कर मपूपिं करदातापिन्त कर पूवयेत धासें करदाताया लुखा न्ह्यःने पञ्चेबाजं थाःगु दु।

छेँ, बुँ व सम्पत्ति कर मपूपिं न्ह्यम्ह तःधंपिं करदाताया लुखाय् हे वनाः येँ महानगरपालिकां पञ्चेबाजा थायेगु सुरु यागु खः। महिला सहकारीया टोलीं करदाताया लुखाय् हे वनाः पञ्चेबाजं थानाः थथे धकाः म्ये तकं हाल, ‘महिला बाजा नमान्नु भारी, कर तिर्दिए हुनेथ्यौँ आभारी।’

कर मपूसा सेवा रोक्का यायेगु सुचं तकं तिकाब्यूगु दु । महानगरया राजस्व विभागं २४ गते दुने कर मपूसा वयां लिपाया सेवा रोक्का यायेगु धासें सुचं तिकूगु खः।

वडा १ या कान्तिपुर होटल, वडा १३ या होटल प्लाटिनियम, वडा १७ या ह्वाइटफिल्ड स्कूल, २२ या रञ्जना टे«ड सेन्टर, केशा प्रपर्टीज प्रा. लि., आर. वी. कम्प्लेक्स व वडा ३१ या शिशु अर्यालयाथाय् सुचं तिकूगु खः। करदाताया थाय् थ्यंकाः नगर प्रहरीया टोलीं भदौ २४ गते दुने राजस्व विभागय् स्वापू तयेत धासें सुचं ब्वनाः नं न्यंकूगु खः। थ्वयां न्ह्यः कर पूवयेत असार १६ गते न्हापांगु खुसी २३ मनू÷व्यवसायीया व साउन २४ गते निक्वःगु खुसी ५२ मनू÷व्यवसायीया नां सार्वजनिक याःगु खः।

राजस्व विभागया प्रमुख डा. शिवराज अधिकारीया कथं नां सार्वजनिक जूपिं ७५ मध्ये आःतक्क १०म्हेसिनं आंशिक रुपं पूगु २ करोड ४९ लख तका राजस्व मुंगु दु। अथेहे २०म्हेसिनं विवरणलिसें कर पूवयेगु प्रतिवद्धता याःगु दु ।

नां सार्वजनिक जूपिं तर स्वापुतिइ मवःपिनिगु सन्दर्भय् भदौ २४ निसें प्रचलित कानुन कथं कारवाही न्ह्याकेगु धाःगु दु।

कानून, न्याय तथा संसदीय मामिलामन्त्री ज्ञानेन्द्रबहादुर कार्की न वर्तमान सरकार हःगु अध्यादेशयात बाध्ययात्मक जुगु धका धागु दु।

प्रधानमन्त्री शेरबहादुर देउवां हःगु अध्यादेशयात एमाले तछ्यायेगु षडयन्त्र जुगु धासे आलोचना जुयाच्वंगु सरकारया प्रवक्ता तक जुया च्वंगु इलय् मन्त्री कार्की न अध्यादेश संसदं स्थिरताया लागि हःगु धका धागु दु।

बुधबाः निर्वाचन क्षेत्र सुनसरी थ्यम्ह मन्त्री कार्की न ओली सरकार स्वार्थ केन्द्रित जुया देय्  अनिर्णयया बन्दी पाखे वंगुलि जारी अध्यादेश देया निकास व सम्वृद्धिया लागि जुगु धका धागु दु।

कार्की न वर्तमान सरकार याकन हे विस्तार जुइ धका धागु दु। गुंलागा चतुर्थी ११४१, भाद्र १० बिहीवाः

तेह्रथुम पावर कम्पनीं प्राथमिक सार्वजनिक निष्कासन (आईपीओ) बिक्री खुला यागु दु। थौं बुधवाःनिसे बिक्री खुला जुगु आईपीओ भदौ १३ गते तक खुला जुइ धका कम्पनीं धागु दु।

यदि गुगु इलय् न माग कथं आवेदन मवसा लिबाक्क भदौ २३ गत तक शेयर निष्कासन व बिक्री खुला जुइ धका कम्पनीं धागु दु। कम्पनी रुपैयाँ १०० अङ्कितया दरं ८ लाख कित्ता शेयर निष्कासन यागु खः।

उकि मध्ये ५ प्रतिशत अथे धइगु ४० हजार कित्ता शेयर सामूहिक लगानी कोषया लागि व २ प्रतिशत अर्थात १६ हजार कित्ता शेयर कर्मचारीया लागि सुरक्षित याना ल्यं दुगु ७ लाख ४४ हजार कित्ता सर्वसाधारणया लागि निष्कासन यागु खः। कम्पनीया शेयर निष्कासन व बिक्री प्रबन्धकय् एनआईबीएल एस क्यापिटल लिमिटेड यात ल्यंगु खः।

कम्पनीं आईपीआ न्यूनतम १० कित्ता व अधिकतम ६० हजार कित्तातक आवेदन बिइ फइ। थ्व स्वया न्ह्यः कम्पनीया आयोजना प्रभावितया लागि चार लाख कित्ता शेयर निष्कासन याये धुकुगु दु। आयोजना प्रभावितया लागि शेयर निष्कासन यायेवं कम्पनीं सर्वसाधारणया लागि ८ लाख कित्ता शेयर बिक्री यागु खः।