राष्ट्रिय

Display Style:

Column Style

येँ महानगरया खोप अभियानय् उत्साहजनक ब्वति

लहनान्यूज | कछलागा औंसी ११४१,जेष्ठ २७ बिहीवाः

येँ महानगरया ३२गू थासं ६०दँ निसें ६४दँया नागरिकपिन्त न्ह्याकूगु खोप अभियान ज्याझ्वलय् निन्हूया दिनय् १८द्वः व ११३म्हं ब्वति काःगु दु । न्हापांगु दिंया तुलनाय् निगूगु दिं द्वःछि व ९४म्ह अप्वःपिन्सं खोप काःगु महानगरपालिकां न्ह्यथंगु दु ।

खोप अभियानया न्हापांगु दिं ८द्वः व ७४७म्हेसियां ब्वति काःगु खः धाःसा निगूगु दिं ९द्वः व ३६६म्ह नागरिकपिन्सं खोप काःगु येँ महानगरपालिकाया शहरी स्वास्थ्य तथा खाद्य पदार्थ नियमन विभागया प्रमुख हरि कुँवरं जानकारी बियादिल ।

न्हापांगु दिं ४द्वः ४१९म्ह मिजं व ४द्वः ३२८म्ह मिसापिन्सं ब्वति काःगु खः । निगूगु दिं ४द्वः व ८९३म्ह मिजंपिं व ४द्वः व ९८४म्ह मिसापिन्सं ब्वति काःगु विभागं जानकारी बिउगु दु । “निगूगु दिं निगू डोज काये मखंपिं प्यस व ७५म्हलिसें ९द्वः व ८४१म्ह नागरिकपिं खोप अभियानय् ब्वति काःगु दु,” कुँवरं धयादिल, “यँ महानगरपालिकाया प्रमुख विद्यासुन्दर शाक्यया उजं कथं खोप अभियानयात अझ प्रभावकारी दयेकेत उगु उमेरया पुचःया सुनं नागरिकपिं खोप अभियानं छुटे मजुइमा धकाः जनप्रतिनिधिया न्ह्यलुवाय् त्वाःत्वाः व छेँय् छेँय् थ्यंका अभियानबारे जानकारी बिउगु ज्या जुयाच्वंगु दु ।” कुँवरं न्यान्हूया दिनय् १गू लखः अप्वःयात खोप ज्याझ्वलय् ब्वति कायेकेगु आज्जु कयागु धासें उगु उमेरया महानगरवासीपिन्त थःयात अपूगु केन्द्रय् वना खोप अभियानय् ब्वति कायेत नं इनाप यानादिल ।

येँ महानगरपालिकाया प्रमुख विद्यासुन्दर शाक्यं नं कोभिडविरुद्धया निचियाँ खोपया न्हापांगु मात्रा निसंकोच जुया कायेत नं इनाप यानादिल । “दक्वः ग्याचिकूपाखें तापायेका खोप अभियानय् सहभागि जुइत इनाप यानागु दु ।”

वय्कलं खोप कायेधुंकूपिन्सं व दक्व नागरिकपिन्सं खोप कायेत छुटेजूपिं नागरिकपिन्त खोप अभियानय् सहभागि जुइत छप्पं जुया न्ह्यायेमाःगु धयादिल ।

लुँ तोलां ३०० क्हवहाल

लहानान्युज | कछलागा औंसी ११४१,जेष्ठ २७ बिहीवाः

लुँया भाः थौं क्वहावंगु दु।

थौं तोलां स्वसः क्वहावया ९३ हजार ९ सय रुपैयाँ तोके यागु दु धका नेपाल सुनचाँदी व्यवसायी महासङ्घ धागु दु। लुँ म्हिगः तोलां ९४ हजार २ सय रुपैयाँ कारोबार जुगु खः।अथेहे थौं वहः तोलां न्यातक थहावंगु दु

म्हिगः वहः तोलां १३ सय ५० रुपैयाँ कारोबार जुगु खःसा थौं १३ सय ५५ रुपैयाँ तोके यागु दु।

पोखराया सरु श्रेष्ठ अन्तरिक्ष्यय् थ्यनिम्ह न्हापाम्ह नेपाली

लहानान्युज | कछलागा औंसी ११४१,जेष्ठ २७ बिहीवाः

पोखराय् जन्मे जुम्ह नेपाःयाम्ह सरु श्रेष्ठ अन्तरिक्ष्यय् यान तथा सेट्लाइट वनेगु टोलिइ ल्यंगु दु।

माध्यामिक स्कुल स्टेप बाइ स्टेप बोडिङ पोखरापाखे एसएलसी व उच्च माध्यामिक शिक्षा नोवेल एकेडमी पोखरा हे ए लेवल अध्ययन याम्ह सरु वंगु थः मां अबु नाप नेदेर्ल्यान्ड्सया द हेगय् च्वनाच्वंगु खः।

विश्वया हे उत्कृष्ट माने याा तःगु व अन्तरिक्ष्यय् यक्को पटक सफल यात्रा याये धुकुम्ह आन्द्रे क्याउपर्स न ( Andre Kuipers ) अध्ययन यागु नेदर्ल्यान्द्सया टि यु देल्फ्त बिश्व बिद्यालयय् एरो स्पेश इन्जिनियरिङ्ग Aerospace Engineering अन्तर्गत अन्तरिक्ष्य ( Space Exloration) बिषय स्नाकोत्तर लिपागु दँया अध्ययनरत सरु श्रेष्ठ उगु विश्व बिद्यालय हे बालाम्ह बिद्यार्थी खः।

नकतिनि हे विद्यार्थी काउन्सिलय् तक भारी मतं बिजयी जुगु खः। यदी सरुया सपना पुरा जुल धासा अन्तरिक्ष्यमा थ्यनिम्ह नेपाः इतिहासय् न्हापाम्ह नेपाली मुल या नागरिक जुइ।

वीर अस्पतालय् जनरल ओपीडी सेवा सुरु जुल

लहानान्युज | कछलागा औंसी ११४१,जेष्ठ २७ बिहीवाः

वीर अस्पतालय् मंगलवाःनिसे जनरल ओपीडी सेवा हाकनं सुरु यागु दु। कोभिड–१९ या निगुगु लहरया संक्रमण अप्वो वंगुलि थुगु सेवा बन्द यागु खः।

वीर अस्पतालय् भर्ना जुपि दक्को कोभिड संक्रमितपिन्त थुुगु वाःया दुने न्हुगु सर्जिकल भवनय् सारे याना उपचार यायेगु धका अस्पतालया प्रमुख कार्यकारी अधिकारी डा. जागेश्वर गौतमं धागु दु। वीर व राष्ट्रिय ट्रमा सेन्टर निगुलि हे नियमित सेवा थुगु वाःया दुने सुरु यायेगु अस्पताल प्रशासनया योजना दु।

आः वीरय् १५३ व ट्रमा सेन्टरय् ४० म्ह कोभिड संक्रमितपिनिगु उपचार जुयाच्वंगु दु। वीर अस्पतालया पलांगु भवनय् १५ आईसीयू सञ्चालन जुयाच्वंगु दु सा न्हुगु भवनय् १८ आईसीयू सञ्चालन यायेगु तयारी दु।