मन्त्रिपरिषदया बैठक थौं च्वनेत्यंगु दु। उगु बैठक न्हिनेसिया २ बजे सःतूगु दु ।

एमाले स्थायी समिति बैठक लिपा मन्त्रिपरिषद् बैठक सःतूगु दु धका जानकारी वंगु दु।

थौं च्वनेत्यंगु उगु बैठकय् वइगु आर्थिक वर्षया बजेट विषय सहलह जुइगु उगु एजेण्डाय् तयातःगु दु ।

संवैधानिक व्यवस्था कथं बजेट पेस यायेत हरेक दँया जेठ १५ गते हये माःगु परम्परा दु ।

गुन्हु यदनिइसा सरकारं संसदय् बजेट अधिवेशन सःतूगु मदुनि।

प्रतिनिधि सभा नियमावलीइ बजेट पेस यायेगु स्वया झीन्यान्हु न्ह्यः हे प्रि–बजेट सहलह यायेमागु व्यवस्था दु ।

थुगु व्यवस्था कथं वैशाख मसान्तय् हे प्रि–बजेट सहलह यायेमागु खः ।

तर थुगु ई संसद अधिवेशन हे आह्वान यागु मदु।

पूर्वसांसद नाप नेकपा एमालेया नेता योग नारायण यादव मन्त।

धनुषा सबैला नगरपालिका वडा नं. १ छेँ दुम्ह यादव यलया मेडिसिटी अस्पतालय् उपचारया झ्वलय् वंगु चान्ह्यः मदुगु धका परिवारं धागु दु।

मदुम्ह यादव २०५६ सालय् सांसद पदय् निर्वाचित जुयादीम्ह खः ।

एमाले नेता विष्णु रिजालं यादव कोरोना संक्रमणं मदुगु धका सामाजिक सन्जालय् च्वयादीगु खः।

सरकारं कोरोना भाइरसया महामारी नियन्त्रणया लागि धका वंगु वैशाख निवाः निसे स्वनिगलय् निषेधाज्ञा जारी यागु खः ।

अय्न निषेधाज्ञाया इलय् कालीमाटी तरकारी व फलफूल बजारय् तरकारी न्याः वइपिनिगु तसक भीड खनेदु।

प्रहरी माइकिङ याः वइगु इलय् हुल तितरवितर जूसा वया लिपा हाकन अथेहे जुइगु याः।

कालीमाटी तरकारी बजारय् उखुन्हु तिनि १२ म्ह संक्रमितपि पिहावंगु खः तर अय्न सु न ग्यागु खनेमदु ।

निन्ह्यः कालीमाटी तरकारी बजारय् येँ  महानगरपालिकां झण्डै ४०० पीसीआर म्हेसिगु परीक्षणय् १२ म्हेसित संक्रमित पुष्टि जुगु खः।

 नेकपा (माओवादी केन्द्र) कपिलवस्तुया जिल्ला नेता दीपक पाण्डेयात गोली क्यकूगु दु।

तौलिहवा–जीतपुर सडकखण्डया सडवा धइगु थासय् पाण्डेयात म्हिगः चान्ह्य स्वम्हसिया पुचलं गोली क्यकूगु खः।

कपिलवस्तु नगरपालिका तौलिहवाया ३५ दँ दुम्ह पाण्डेयात प्वाथय् व जँय् याना पेस्तोलं निगः क्यकूगु खः। घाःपाः जुम्ह पाण्डेयात युनिभर्सल मेडिकल कलेज भैरहवाय् उपचार यानाच्वंगु दु।

पाण्डेयागु म्हय् छगः गोली लिकाय् धुकुगु दु सा मेगु छगः लिकाय् ल्यःदनिइ धका जिल्ला प्रहरी कार्यालय कपिलवस्तुया प्रवक्ता धर्मराज भण्डारीं धागु दु ।

निग्लिहवापाखे मोटरसाइकलय् वःपि स्वम्हेसिया पाण्डेयात गोली क्यकूगु धका डीएसपी भण्डारीं धागु दु।

लमजुङया भुलभुले जःखः केन्द्रबिन्दु जुया थौं सुथय् न भुखाय् ब्बगु दु।

उगु थासय् थौं सुथय् ५ बजे जुया ५१ मिनेटय् ३ दशमलव २ रेक्टर स्केलया भुखाय् ब्बगु दु धका राष्ट्रिय भूकम्प मापन केन्द्रं धागु दु।

म्हिगः सुथय् ५ बजे जुया ४२ मिनेटय् ५.८ रेक्टर स्केलया ब्बगु भुखाय् आःतक ८६ गु पटक ब्बय् धुकुुगु दु।

आः परकम्प बिस्तार कम जुया वनिइगु अनुमाने भूकम्पविद् पिन्स यागु दु।

५ दशमलव ८ रेक्टर स्केलया भुखाय् १२ घण्टाय् ५६ गु पटक ब्बये धुकुगु दु।