Display Style:
Column Style
राष्ट्रिय सभा सदस्य दृगनारायण पाण्डेयं थौं शपथ काल
लहानान्युज | कछलागा चतुर्दशी ११४१,जेष्ठ २६ बुधवाः
नवनिर्वाचित राष्ट्रिय सभा सदस्य दृगनारायण पाण्डेयं सङ्घीयताया आधारय् पालिका व प्रदेशं काये मागु अधिकारया लागि थःम्हेसिा सः तयेगु धका धागु दु।
बुधवार राष्ट्रिय सभा सदस्यया शपथ ग्रहण लिपा सञ्चारकर्मीपि नाप खँ तयेगु झ्वलय् देशया सङ्घीयता, समावेशी व समानुपातिकताया आधारय् पालिका व प्रदेशं कायेमागु अधिकार अझ न काय मफुगुलि उकिया निति संसदय् स थ्वकेयगु धका धयादीगु खः।
वयकलं नेपालं लोकतन्त्र व संविधान ओझेलय् लागु दु धका धयादीगु खः। नेपाली कांग्रेसया उम्मेदवार पाण्डेय नेकपा (माओवादी केन्द्र), नेकपा (एमाले) माधव नेपाल पक्ष, जसपा उपेन्द्र यादव पक्ष व जनमोर्चा न समर्थनय् जेठ १७ गते लुम्बिनी प्रदेशपाखे राष्ट्रिय सभा सदस्यय् निर्वाचित जुगु खः।
पाण्डेययात बुधवाः राष्ट्रिय सभा अध्यक्ष गणेशप्रसाद तिमिल्सिनां शपथ ग्रहण याकूगु खः।
संसद विघटन विरुद्ध मुद्दाया सुनुवाइ सुरु
लहानान्युज | कछलागा चतुर्दशी ११४१,जेष्ठ २६ बुधवाः
संवैधानिक इजलासय् संसद विघटन विरुद्ध मुद्दाया सुनुवाइ सुरु जुगु दु।
उगु इजलासय् निम्ह न्यायाधीशपिन्त सरकारी पक्षं न्ह्यसः तगुलि आइतवाः विषयवस्तुइ प्रवेश हे मयासे स्थगित जुगुलि इजलास सोमवाः व मंगलवाः च्वने मफुगु खः।
सर्वोच्च अदालतया कथं सरकारी पक्षं न्ह्यसः तगुलि निम्ह न्यायाधीश दीपककुमार कार्की व डा. आनन्द मोहन भट्टराईया राय मवःगुलि बहस जारी जुगु दु ।
प्रधानन्यायाधीश चोलेन्द्र शमसेर जबरां बहसया लागि आधा घण्टाया ई बिगु खः।
लुँ तोलां १०० थहावन
लहानान्युज | कछलागा चतुर्दशी ११४१,जेष्ठ २६ बुधवाः
लुँया भाः थौं सच्छि थहावंगु दु।
नेपाल सुनचाँदी व्यवसायी महासंघया कथं थौं लुँया भाः तोलां सच्छि व वहः तोलां न्यातका थहावःगु दु धका धागु दु।
थौं लुँ तोलां ९४ हजार २ सय रुपैयाँ व बहः तोलां १३ सय ५० रुपैयाँ तोके यानागु दु धका धागु दु।
राष्ट्रिय जनगणना, २०७८ न्ह्याइगु
कलछलागाः चर्तुर्थी ११४१, जेठ २६ गते बुधबाः
कोरोना महामारीया हुनिं दिनाच्वंगु राष्ट्रिय जनगणना साउन लिपाः न्ह्याकिगु जूगु दु । राष्ट्रिय जनगणना सञ्चालक समितिं राष्ट्रिय जनगणना, २०७८ वइगु साउन १५ निसें असोज १५ गते तक्क यायेगु प्रस्ताव तयार याःगु खः ।
समितिया उगु प्रस्ताव मन्त्रिपरिषदं निर्णय यायेधुंका कार्यान्वयनय् हयेगु केन्द्रीय तथ्यांक विभागं न्ह्यथंगु दु । कोरोना संक्रमण दरय् म्हो जुयावगुलिं न्हूगु मिति क्वछिउगु विभागं न्ह्यथंगु दु ।
थ्वसिबें न्ह्यः जेठ २५ गतेनिसें असार ८ गतेतक्क देययंक छक्वलं राष्ट्रिय जनगणना यायेगु धलः सार्वजनिक याःगु खः । कोरोनाया संक्रमण अप्वयावसेंलि वंगु वैशाख २० गतेया मन्त्रीपरिषद मुँज्यां जनगणनाया दक्वः ज्या दिकेगु निर्णय याःगु खः ।
आः सम्भव दत्तले थ्वयांन्ह्यः जनगणनाया ज्याः गन दिकूगु खः वहे थासं ल्यंदनिगु ज्या न्ह्याकेगु विभाग धाःगु दु । विभागं ७७गू जिल्ला व न्हेगु हे प्रदेशय् ज्याकू निस्वंगु दु धाःसा जनगणनाया लागि च्याद्वः सुपरीवेक्षक व ३९द्वः गणक पिनिगु ल्यज्या यायेधुंकूगु दु । राष्ट्रय प्रशिक्षक, सहजकर्ता, प्रदेश लिसें जिल्ला जनगणना अधिकारी तालिम, प्रदेशस्तरीय मुख्य प्रशिक्षक, प्रशिक्षण, स्थानीय जनगणना अधिकारी तालिम क्वचायकेधुंकूगु दु ।
विभागं जिल्ला व स्थानीय तहस जुइगु तालिमया लागि तालिम केन्द्र व प्रशिक्षण ज्वलं तयार याना दक्वः तालिम केन्द्र व जिल्लाय् न्हापा हे थ्यंकेधुंकुगु दु । थुगुसी जुइगु जनगणनाया लागि सरकारं “मेरो गणना, मेरो सहभागिता” धैगु नारा तय याःगु दु ।
विदेशं नेपालय् तप्यंक्क लगानी यायेत अपुल
कलछलागाः चर्तुर्थी ११४१, जेठ २६ गते बुधबाः
नेपाल राष्ट्र बैंकं विदेशं नेपालय् तप्यंक्क लगानी यायेत अःपुइगु कथं व्यवस्था याःगु दु ।
राष्ट्र बैंकं म्हिगः विदेशी लगानी व विदेशी ऋण व्यवस्थापन विनियमावली–२०७८ जारी यानाः तप्यंक्क लगानी याइबलय् राष्ट्र बैंकया स्वीकृति कायेम्वाःगु न्हूगु व्यवस्था हःगु खः ।
विदेशी लगानीकर्तातय्सं विदेशी लगानी स्वीकृति यायेगु निकायपाखें विदेशी लगानीया नितिं स्वीकृति चूलाकेवं विदेशी मुद्रा नेपाः छ्वयाहये दइगु अले दुकाये दइगु यानाः विनियमावली दयेकूगु दु ।
तर, विदेशी लगानी स्वीकृत जुइवं विदेशी मुद्रा दुकाये न्ह्यः अले पितछ्वये न्ह्यः अनुसूची–२ या ढाँचाया एकाईलय् लिखित जानकारी बीमाःगु व्यवस्था याःगु दु । अथेहे राष्ट्र बैंकं विदेशी लगानी व कमे याःगु ध्यबा लित यंकेत विदेशी
मुद्राया सटहीलय् न छ्वासुकूगु दु ।
