स्वास्थ्य तथा जनसंख्या मन्त्रालयया कथं थौं दकलय् अप्वो येँ ६७३ म्हेसित कोरोना सक्रमित जुगु दु।

अथेहे, कास्कीइ २३४, यलय् २१९, मोरङय् १४७, ख्वपय् १४१, सुनसरीइ १०४ व चितवन व गोरखाय् १०३\१०३ म्हेसित कोरोना संक्रमण खनेदुगु दु। अथेहे झापाय् ९२, रुपन्देहीइ ६८, नवलपारसी पूर्वय् ४६, नुवाकोटय् ३८, मकवानपुरय् ३६, सुर्खेतय् ३५ व दोलखाय् ३४ म्हेसित कोरोना संक्रमण पुष्टि जुगु दु।

काभ्रेपलाञ्चोक व स्याङजाय् २७\२७ म्ह, बागलुङय् २२, पाल्पाय् २१\२१ म्ह, बाँकेय् १८, रामेछाप व गुल्मीइ १६\१६ म्ह, दाङमा १४, कपिलवस्तुइ १३, इलाम, सिन्धुली, तनहुँ व अर्घाखाँचीइ ११\११ म्ह व नवलपरासी पश्चिमय् १० म्हेसित कोरोना संक्रमितपि थपे जुगु दु धका स्वास्थ्य तथा जनसंख्या मन्त्रालयं धागु दु।

वंगु २४ घण्टाया दुने देयन्यक ३,२७४ म्हेसित कोरोना भाइरस संक्रमण पुष्टि जुगु दु।

११ हजार ५ सय ६५ म्हेसिगु पीसीआर परीक्षण यागुलि २ हजार ४५६ म्ह व ६ हजार १२४ म्हेसिगु एन्टिजेन परीक्षण यागुलि ८ सय १८ म्ह याना ३ हजार २७४ म्हेसित कोरोना भाइरस संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

अथेहे २४ घण्टाया दुने थप कोरोना संक्रमणं २७ म्ह सीगु दु सा १ हजार ९२९ म्ह कोरोनामुक्त जुगु दु। थ्व नाप थौं मंगलबाः थपे जगु नाप नेपालय् कोरोना संक्रमितपि ७ लाख ३७ हजार २२९ म्ह थ्यंगु दु ।

अथेहे सीपि १० हजार ३५४ म्ह थ्यंगु दु सा ६ लाख ८७ हजार ६९ म्ह संक्रमणमुक्त जुगु दु।

भूगर्भ पिपिसी सिमेन्ट नेपाल गुणस्तर परीक्षणय् असफल जुगु दु।

नमूना परीक्षण् सिमेन्टया भारवहन क्षमता नेपाल गुणस्तर मापदण्ड बमोजिम मजुगु धासे नेपाल गुणस्तर तथा नापतौल विभागं धागु दु। गुणस्तर ‘फेल’ जुगुलि भूगर्भ सिमेन्ट उद्योग प्रालिपाखे उत्पादित दक्को प्रकारया पीपीसी सिमेन्टया बिक्रीइ रोक लगे यागु दु धका विभागया प्रवक्ता दिनानाथ मिश्रं जानकारी बिगु दु।

‘सिमेन्टं गुणस्तरहीन जुगुलि बिक्रीइ रोक लगे याना कम्पनीयात १५ दिं स्पष्टीकरण न्यंगु खः, स्पष्टीकरणया लिसः वयेव थप कारबाहीबारे निर्णय जुइ,’ प्रवक्ता मिश्रं धागु दु। सिमेन्टया कम्प्रेसिभ क्षमता परीक्षण यागु इलय् स्वन्हु दुने १६ एमपीए वयेमाःगुलि ९ जक वंगु खः।

अथेहे ७ दिं दुने भारवहन क्षमता २२ एमपीए वयेमाःगुलि १५ ज कवंगु धका विभागं धागु दु। विभागं कारवाहीलिपा अपोलो, क्र्याष्टल व देउराली ब्राण्डया पिपिसी सिमेन्ट बिक्रीइ रोक लगे यागु दु।