कोरोना भाइरस सङ्क्रमणं स्वनिगः नाप २० गु जिल्ला अति जोखिमय् दु।

स्वास्थ्य मन्त्रालयया कथं येँ, यल, ख्वप, मोरङ, रुपन्देही, काभ्रे, कैलाली, कास्की, बाँके, दाङ, चितवन, सुर्खेत, झापा, कञ्चनपुर, मकवानपुर, धनुषा, सुनसरी, पर्सा, बर्दिया व पाल्पा अप्वो जोखिमय् दु धका धागु दु। थुगु जिल्लाय् अप्वो सङ्क्रमितपि दु धका मन्त्रालयं धागु दु।

मन्त्रालयया कथं देयन्यक सक्रिय सङ्क्रमितपि १ लाख १३ हजार स्वया अप्वो थ्यंगु दु धका धागु दु । देयन्यक ७०८ क्वरेण्टीन दु। १ हजार २५९ आईसीयू व ४ सय सङ्क्रमित भेन्टिलेटर दु । मन्त्रालयया कथं प्रदेश–१ य् १७४ आईसीयू व ५२ भेन्टिलेटर, प्रदेश–२ य् २०७ आईसीयू व ५७ म्ह भेन्टिलेटरय् दु ।

वाग्मती प्रदेशय् ५२९ म्ह आईसीयू व २२३ म्ह भेन्टिलेटरय् दु। गण्डकी प्रदेशय् ११६ आईसीयू व ३३ म्ह भेन्टिलेटर, लुम्बिनी प्रदेशय् ११३ आईसीयू व १८ म्ह भेन्टिलेटर, कर्णालीइ ८१ आईसीयू व ८ म्ह भेन्टिलेटर, सुदूरपश्चिम प्रदेशय् ३९ म्ह आईसीयू व गुम्ह भेन्टिलेटरय् च्वना उपचार यानाच्वंगु दु।

येँ महानगरपालिका वडा नं १७ य् आइसुलेसन वार्डया थौं छगु ज्याझ्वः दथुइ नेपाल कांग्रेसया नेता प्रकाशमान सिंह उलेज्या यानादीगु दु ।

येँ महानगरपालिका वडा नं. १७ या अगुवाइ ३० गू वेडया आइसुलेसन वार्ड छत्रपार्टी धल्को वयेगु थाय् पुलांगु गोर्खा अस्पतालय् थौं निसे औपचारीक कथं न्ह्यागु दु ।

थुगु आइसुलेसन वार्डया लागि नेपाल उद्योग वाणिज्य महासंघं आर्थिक ब्यवस्थाप यागु खः।

थुगु आइसुलेसन वार्डया लागि मागु प्यम्ह डाक्टर, १२ म्ह नर्स नाप च्याम्ह प्रसाशनय् च्वपि नाप नयेगु व वासः खर्च महासंघ ब्यहोरे याइगु धका येँ महानगर १७ वडाध्यक्ष नविन मानन्धरं लहनान्युजयात जानकारी बियादिगु दु ।

वडाध्यक्ष मानन्धरं छेँ च्वने थाय् मदुपिन्त थुगु आइसुलेसन वार्डया ब्यवस्था यानागु धा धयादीगु दु ।

वंगु २४ घण्टाया दुने स्वनिगलय् ३ हजार ९८ म्हेसित कोरोना संक्रमण पुष्टि जूगु दु ।

स्वास्थ्य मन्त्रालयया कथं थौं येँ जक २३४६ म्हेसित कोरोना सक्रमण जूगु दु ।

अथेहे, ख्वपय् २९८ म्ह व यलय् ४५४ म्हेसित कोरोना संक्रमित पुष्टि जुगु दु।

आःतक येँ ३० हजार ४५२म्ह, ख्वपय् १० हजार ८०३ म्ह व यलय् ७ हजार ६१ म्ह सक्रिय संक्रमितपि दु ।

येँया अस्पतालय् कोरोना संक्रमित बिरामीपि १ हजार ८२५ म्ह दु । उकि मध्ये १८५ म्ह आईसीयू व १०५ म्ह भेन्टिलेटरय् दु। 

वंगु २४ घण्टाया दुने देयंन्यक ९ हजार १९८ म्हेसित कोरोना संक्रमण पुष्टि जूगु दु ।

स्वास्थ्य तथा जनसंख्या मन्त्रालयं कथं थीथी जिल्लाय् २१ हजार ६५३ म्हेसित पीसीआर परीक्षणय् ९ हजार १९८ म्हेसित कोरोना पुष्टि जूगु दु ।

आःतक नेपालय् कोरोना संक्रमितपि ४ लाख ६४ हजार २१८ म्ह थ्यंगु दु।

अथेहे वंगु २४ घण्टाय् ५ हजार ७६७ म्ह कोरोना संक्रमणमुक्त जूगु दु। थ्व नाप आःतक ३ लाख ४५ हजार ५२३ म्ह थ्यंगु दु ।

नेपालय् सक्रिय संक्रमितपि १ लाख १३ हजार ४८० म्ह थ्यंगु दु । अथेतु क्वारेन्टाइनय् ७०८ म्ह दु।

कोरोना संक्रमण बढ्न अप्वो वंगुलि बनेपा नगरपालिका छवाःया लागि अस्पताल व वासः पसः नाप दक्को पसः व व्यवसाय तक बन्द यागु दु ।

जेठ ४ गते चान्ह्यया १२ बजेनिसे जेठ १२ गते चान्ह्य १२ बजे तकया लागि नगरपालिकाय् खाद्यान्न, तरकारी, दुरु, फलफूल पसः व बैंक नाप वित्तीय संस्था न बन्द यायेत्यंगु दु। नगरपालिका कार्यालयं छगु विज्ञप्ति पिकया अथे जानकारी बिगु दु।

नगरपालिकां थौं सोमवाः जारी यागु विज्ञप्तिइ धयातःगु दु, ‘कोभिड १९ संक्रमण जोखिमया कारण बनेपा नगरय् तसकं जोखिमपूर्ण अवस्थाय् दुगुलि थुगु विषम परिस्थितिइ भाइरसया शृङ्खला तोडे याना संक्रमणयात न्यूनिकरण यायेत थ्व हे मिति २०७८÷०२÷४ गते मंगलवाः चान्ह्य १२ बजेनिसे २०७८÷०२÷१२ गते बुधवाः चान्ह्य १२ बजेतक बनेपा नगरपालिका क्षेत्र पूर्ण रूपं सिल यानागु व्यहोरा सम्बन्धित सकसित थुगु जानकारीया लागि थुगु सूचं प्रकाशित यानागु दु।’ नगरपालिकां जारी यागु सूचं कथं छेँ न पिहावनेत पूर्णरुपं रोक लगे यागु दु नाप वासः पसः, स्वास्थ्य संस्थाया अत्यावश्यक बाहेकया दक्को सेवा बन्द यायेगु निर्णय यागु दु ।

अथेहे फोहोरमैला व्यवस्थापन, टेलिफोन, इन्टरनेट व विद्युतया सेवा बिइगु कार्यालय÷संस्थां न्यूनतम कर्मचारीपाखे स्वास्थ्य मापदण्ड पूरा यासे सेवा बिइत नगरपालिकां यनाप यागु दु । अथेतु पत्रकारपिनिगु हकय् सूचना विभागपाखे जारी जुगु पास व मेमेपिनिगु हकय् अत्यावश्यक जुगु प्रशासन वा जनप्रतिनिधिपिन्त जानकारी बिया जक छेँ न पिहावयेत सूचं जारी यागुदु ।