कोरोना संक्रमणं युनिभर्सल मेडिकल कलेज शिक्षण अस्पताल भैरहवाय् ज्या याइम्ह छम्ह चिकित्सक सीगु दु।

कपिलवस्तु छेँ दुम्ह ३५ दँ दुम्ह फिजिसियन डा.पशुपति रजौरिया उपचार यायेगु झ्वलय् ग्राण्डी इन्टरनेसनल हस्पिटलय् म्हिगः बुधवा चान्ह्यः मदुगु खः।

कोरोना संक्रमणं वैशाख २० गते युनिभर्सल मेडिकल कलेजय् एचडीयू कक्षय् उपचार यानाच्वम्ह रजौरियायात प्यन्हु न्ह्यः जक हेलिकप्टरं येँ हःगु खः।

लुँ तोलां प्यसः थहावंगु दु। वंगु निन्हु न्ह्यः तक स्थिर दुगु थौं बिहीवाः प्यसः थहावंगु दु धका नेपाल सुन चाँदी व्यवसायी महासंघं धागु दु।

बिहीवाःया लागि महासंघं छापावाल लुँ छगु तोलाया भाः ९४ हजार ९ सय रुपैयाँ तोके यागु दु। मंगलवाः व बुधवाः लुँया भाः तोलां ९४ हजार पाँच सय रुपैयाँ कारोबार जुगु दु।

अथेहे तेजावी लुँया कारोबार भाः ९४ हजार चार सय रुपैयाँ हे कायम जुगु खः। वहःया तोलां झीन्यातका थहावना १३७५ रुपैयाँ थ्यंगु दु।

म्हिगः स्वया तोलां झीतका क्वहावया १३६० रुपैयाँ कारोबार जुगु दु ।

स्वनिगः दुने वंगु २४ घण्टाया दुने १ हजार ५५८ म्ह कोभिड संक्रमितपि थपे जुगु दु।

देयन्यक पीसीआर विधिपाखे १३ हजार ८०५ व एन्टिजेन विधीपाखे ३ हजार ७३ म्हेसिगु नमुना परीक्षण यागुलि थौं येँ जक ९६९ म्हेसित कोरोना सक्रमित जुगु दु ।

अथेहे ख्वपय् १८१ म्ह व यलय् ३०६ म्हेसित संक्रमितपि थपे जुगु खः।

देयन्यक थौं ८३७ म्ह संस्थागत क्वारेन्टिनय् दुगु धका स्वास्थ्य तथा जनसंख्या मन्त्रालयं धागु दु।

लिपागु २४ घण्टाया दुने ५३१६ म्हेसित कोरोना भाइरस संक्रमण पुष्टि जुग दु।

स्वास्थ्य तथा जनसंख्या मन्त्रालयया कथं १०१ म्ह सीगु दु। अथेहे लिपागु २४ घण्टाया दुने संक्रमणमुक्त जूपि ७२१९ म्ह दु।

१३ हजार ८०५ पीसीआर परीक्षणय् ४ हजार ५२४ व ३०७३ म्ह एन्टिजेन परीक्षणय् ७९२ म्ह याना ५ हजार ३१६ म्हेसित संक्रमण पुष्टि जुगु दु।

निषेधाज्ञा दुने १०९३२ म्ह नेपाली स्वदेशय् लिहावलनिषेधाज्ञा सुरु जुइ धुका १० हजार ९३२ म्ह नेपाली स्वदेशय् लिहावंगु दु।

थुगु इलय् १४६८ म्ह विदेशी नागरिक नेपाल भ्रमणय् वये धुकुगु दु। विदेशी व नेपाली नागरिक याना १२ हजार ४ सय मनूतु दु नेपाल वये धुकुगु दु धका अध्यागमन विभागं धागु दु।

विभागया कथं थुगु तथ्यांक सन् २०२१ या मे महिना यागु खः। मे महिनाया शुरुवात निसे हे नेपालय् निषेधाज्ञा शुरु जुगु खः। विभागया कथं थ्व महिनाय् कुल ९९७७ म्ह विदेशी नेपालं पिने वःगु दुं।

नेपाल भ्रमण पर्वतारोहणय् वःपि विदेशीपि स्वदेश लिहावंगु दु। मे महिनाय् नेपालय् दुपि १३ हजार १५८ म्ह नेपाली विदेश वंगु दु। भारतनाप नियमित उडान रोके मजुगु कारण मेमेगु देश नाप हवाइ यात्रा बन्द जुगु खः। अथेहे मेमेगु मुलुकय् चार्टर्ड उडान याना खःगु खः। विभागया तथ्यांक कथं छगु महिनाया दुने ५८० भारतीय नागरिक नेपालय् वया नेपालपखे ४ हजार ७७७ म्ह भारतीय नागरिक हवाईमार्गपाखे दिल्ली लिहावने धुकुगु दु।

नेपालपाखे पिने अमेरिकाय् १७१७, रसियाया ५३० व बेलायत ३९२ म्ह यात्रुपि खः।