नेपाली कांग्रेसया केन्द्रीय सदस्य डा. शेखर कोइरालां केन्द्रीय समिति बैठक पार्टी कार्यालय हे तयेगु निति ध्यानाकर्षण यागु दु।

पार्टी कार्यालय धर्ना जुगु धासे बैठक सभापति देउवाया निजी निवास बुढानिलकण्ठय् च्वंगुलि केन्द्रीय सदस्य कोइरालां नेतृत्वया ध्यानाकर्षण यागु खः। वयकलं धर्नाय् च्वपि थःपिनिगु हे पार्टी नेता कार्यकर्ता जुगु उल्लेख यासे धर्नायात क्यना बैठक पिने तयेगु उचित जुए मखु धका धागु दु। ‘थौं दुःख लगे जुगु दु।

सानेपायजा कार्यालय त्वःता केन्द्रीय समिति बैठक थन च्वना च्वंगु दु। पार्टी कार्यालय धर्ना च्वना च्वपि झी हे पासापि खः। उमिगु माग झीसं न्यनेहेमाः,’ केन्द्रीय समिति बैठकय् नेता कोइरालां धागु दु, ‘१३ क्वःगु महाधिवेशनय् न केन्द्रीय सदस्य पासापि पार्टी कार्यलयय् धर्ना च्वना च्वंगु दु तर पार्टी अफिसय् हे च्वन व पासापिनिगु माग सुनुवाइ जुल। जिगु इनाप दु हरेक केन्द्रीय समिति बैठक पार्टी अफिसय् तयेनु।’

वयकलं धयादीगु दु क्रियाशील सदस्यताय् खनेदुगु विवाद याकन हे टुंग्ये यायेमाः। विषेश महाधिवेशन व म्याद थपे यायेगु स्वीकार्य जुइ मखु धका धयादीसे वयकल क्रियाशील सदस्यताया समस्या समाधान मजूसे महाधिवेशन जुइ मखु धका अडान तःगु दु।

थौं लुँ तोलां ३ सय रुपैयाँ थहावंगु दु।

लुँ तोला स्वसः थहावना ८९ हजार ७ सय रुपैयाँ थ्यंगु दु।

अथेहे थौं वहः तोला न्यातका क्वहावंगु दु। वहः तोलां न्यातका कुहावया ११ सय ८५ रुपैयाँ कारोबार जुगु दु।

थःयात थुनामुक्त यायेमाल धका धासे कांग्रेस पूर्वमन्त्री मोहम्बद आफ्ताव आलमं बिगु निवेदनय् थौं शुक्रबाः सुनुवाइ मजुगु दु।

आलमं बिगु निवेदन न्यायाधीशपि प्रकाशमानसिंह राउन व कुमार चुडालया इजलासं स्वंगु खः। तर स्वय मिले मजुगुलि लागु दु। २७ चैत २०६४ य् रौतहटय् बम विस्फोट याकूगु व उकिइ मनूयात स्यागू द्धपनय् आलम कूगु खः।

वयात कूने मागु धासे जिल्ला अदालत रौटहटं बिगु आदेश उच्च अदालत न सदर यागु खः। व हे आदेश विरुद्ध आलम सर्वोच्च अदालतय् वंगु खः।

नेकपा माओवादी केन्द्रया सांसद मात्रिका यादवं विपक्षी दलया नेता केपी शर्मा ओलीबारे प्रयोग यागु छु शब्द हटे यायेत सभामुखं रुलिङ यागु दु।

यलया प्रसिद्ध हिरण्यवर्ण महाविहार पुनः निमार्ण यायेत्यंगु दु। राष्ट्रिय पुनःनिर्माण प्राधिकरणं भारत सरकारया आर्थिक व प्राविधिक ग्वाहालि देगः नाप न्याखा छेँ मर्मत यायेगु सुरु यायेत्यंगु दु।

थुगु महाविहार करिब निद्धः हजार दँ पुलागु व ऐतिहासिक कथं जक मखु संस्कार, परम्परा, नाप धार्मिक आस्थाया कथं न महाविहार विशिष्ट महत्व दुगु देगः खः। बैशाख १२ या तभुखाचं व उकिया लगातार परकम्पं उगु देगः महाविहार क्षतिग्रस्त जुगु खः। उगु महाविहारय् मू देगः क्वाबहाः देगः पुनः निमार्ण ज्या क्वचाये धुकुगु दु। अथेहे आः मू देगः पुनः निमार्ण यायेत्यंनागु धका महाविहार सुधार समितिया अध्यक्ष विकास धाख्वा न जानकारी बिगु दु।

‘द्यः थाय् मुलस्वरुप, अन यागु चित्र, मूर्ति लगायत दक्को यथावत जुइ कथं पुनः निमाणं जुइत्यंगु खः।’ अध्यक्ष धाख्वां न धयादीगु खः। अध्यक्ष धाख्वाया कथं द्यःया उत्तरपाखे स्वागु श्री बज्रसत्व, श्री ओमघपास लोकेश्वर विराजमान जुया बिज्यागु गुम्बा, पूर्वपाखे योगाम्बर बिराजमान जुया बिज्यागु द्यःछेँ दक्षिपाखे अभिताम, दिपंकर व लोकेश्वर द्यः बिराजमान जुया बिज्याथाय् छेँया पलिइ इलाननी दुगु चक्रसंवर विराजमान जुया बिज्यागु दिगीछेँ  पुनः निमार्ण यायेत्यनागु खः। ‘भुखाचं देगःया थीथी भाग क्षतिग्रस्त जुगु दु।थीथी भाग चर्के जुगु दु।

उकिइ झिंगटीया पौयात आः सिजःया पौं तयेतिनागु दु। झ्याः, लुखाः व पिनेया स्वरुप नेपाःया मौलिक कलाकृति झल्के जुइकथं ने देयकेत्यनागु खः।’ अध्यक्ष धाख्वां धयादीगु खः। उगु पुनः निमार्ण लागत खर्च १८ करोड १६ लाख रुपैयाँ लगे जुइ। टेण्डर पचली भैरव जेभी कम्पनी काये धुकुगु दु।

निद्धः न्ह्यः पुंलागु सम्पदा जनस्तर व स्वदेशी खर्चपाखे दयकेत जनस्तरमा सः वयाच्वंग दु धका समितिया उपाध्यक्ष किरणनरसिंह शाक्यं धागु दु ‘झीगु सम्पदा, झीसं हे दयकेगु बालागु खँ खः।चन्दा संकलन याना जक थुलि रकम जम्मा याये फइमखु। न स्थानीय तहं सम्पदा पुनःनिर्माणयात प्राथमिकताय् तःगु दु। न संघीय सरकार हे थुकिइ संवेदनशील दु । अज्यागु अवस्थाय् छिमेकी राष्ट्रयाके ग्वाहालि कया पुनः निमार्ण यायेगु बाहेक मेगु विकल्प झीके मदु।’