सरकारं पत्रकार जुइत जाँच कायेगु निकाय आमसञ्चार प्रशिक्षण प्रतिष्ठान निस्वनेगु जूगु दु ।

सरकारया प्रवक्ता पार्वत गुरुङं आमसञ्चार प्रशिक्षण प्रतिष्ठान गठन आदेश २०७८ स्वीकृतिया लागि अर्थ मन्त्रालय छ्वयागु म्हिगः जानकारी बिउगु दु ।

शुक्रबार मन्त्रालयस पत्रकार सम्मेलन याना मन्त्री गुरुङं पत्रकारपिन्त जाँच काइगु निकाय निस्वनेगुयात “गेमचेन्जर” धकाः टिप्पणी यानादिल ।

न्ह्यागु सेवा क्षेत्रय् दुथ्याय्त आधारभूत दक्षता परीक्षण व पास जुइमाथें पत्रकारिता क्षेत्रय् नं दुथ्यायेत सरकारी मान्यताया प्रशिक्षण केन्द्र आमसञ्चार प्रशिक्षण प्रतिष्ठान स्थापना गठन आदेश २०७८ यात अर्थ मन्त्रालय छ्वयागु मन्त्री गुरुङं धयादिल ।

वयकलं सरकारया ज्यावः ऐतिहासिक जूगु नं दाबी यानादिल ।

लिपागु २४ घण्टाय् थप ६६५३ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं १०१ म्ह सीगु दु व ८६६३ म्ह कोरोनामुक्त जुगु दु।

स्वास्थ्य तथा जनसंख्या मन्त्रालयया कथं १४ हजार १८२ म्हेसिगु पीसीआर परीक्षणय् ४६२४ व ६६३१ म्हेसिगु एन्टिजेन परीक्षणय् २०२९ याना ६६५३ म्हेसित संक्रमण पुष्टि जुगु दु।

थ्व नाप नेपालय् कोरोना संक्रमित जुपि ५ लाख ८१ हजार ५६० म्ह थ्यंगु दु। उकि मध्ये सक्रिय संक्रमितपि ९७ हजार ६९९ म्ह दु।

लिपागु २४ घण्टाया दुने स्वनिगः दुने १ हजार ३८४ म्हेसित कोरोना संक्रमण पुष्टि जुगु दु।

स्वास्थ्य मन्त्रालयया कथं थौं येँ जक ८९७ म्हेसित कोरोना पुष्टि जुग दु। अथेहे, ख्वपय् १८८ म्ह व यलय् २९९म्हेसित कोरोना संक्रमित जुगु दु

बिहीवाः देयन्यक थप ६६५३ म्हेसित कोरोना संक्रमण पुष्टि जुगु दु। २४ घण्टाया दुने १०१ म्हेसित कोरोना संक्रमणं सीगु दु।