येँ महानगरपालिकाया मेयर विद्यासुन्दर शाक्यं सामूदायिक व सरकारी अस्पतालनाप सहकार्ययात प्राथमिकताय् न्ह्या वनाच्वनागु दु।

थौं येँ १५ वडा डल्लुइ च्वंगु सामूदायिक स्वास्थ्य सेवा परिषदयात ६ लाखया चेक हस्तान्तरण ज्याझ्वलय् न्ववायेगु झ्वलय् अथे धयादीगु खः। ‘महानगरय् च्वंपिनिगु मखु देयन्यक च्वपिन्त सहुलीयत दरं गुणस्तरीय स्वास्थ्य सेवा काये फय्मा धका महानगरपालिका दुने सामूदायिक व सरकारी अस्पतालनाप सहकार्ययात प्राथमिकताय तया न्ह्या वनागु दु,’ शाक्यं धयादीगु दु, ‘येँ महानगरपालिकां बालागु ज्यायापि नाप सहकार्य याना वनेग नीति दु।

उगु नीति कथं जिमिसं कोरोनाया इलय् न थीथी अस्पतालयात ४५ भेण्टिलेटर हस्तान्तरण याये धुकागु दु। निगः प्रक्रिया पूरा मजुया हस्तान्तरण याये ल्यःदनिइ।’ मेयर शाक्यं डल्लुइ सामूदायिक स्वास्थ्य सेवा परिषदय् प्यंगु तलाया आधुनिक भवन निर्माणय् महानगरपालिकां सम्झौता याये धुकागु दु। ‘आः खरिद प्रक्रिया न्ह्या वने धुकुगु दु। याकन हे निर्माण प्रक्रिया न्ह्या वनिइ,’ धका धयादीगु खः।  महानगरय् च्वपिनिगु उठे जुगु कर उमिइगु हे सेवाय खर्च यायेगु नीति कथं शिक्षा, स्वास्थ्य लगायतया क्षेत्रय् प्राथमिकताय् तया ज्या न्ह्याका वयाच्वंनागु दु।

उगु ज्याझ्वलय् येँ महानगरपालिकाया प्रवक्ता नाप १५ वडाध्यक्ष ईश्वरमान डंगोलं आः सामूदायिक स्वास्थ्य सेवा परिषदपाखे सामाजिक सुरक्षा भत्ता कयाच्वपि ज्येष्ठ नागरिक, याक मिसा, अपाङ्ग जूपि व दलित निशुल्क स्वास्थ्य परीक्षण जुया च्वनागु दु। ‘वइगु दिं करदातापिन्त निशुल्क स्वास्थ्य परीक्षण यायेगु योजना दु,’ वयकलं धयादीगु दु, ‘गुलिफु उलि हे याकन वयकःपिनिगु प्रोत्साहित यायेगु कथं सेवा सुरु याये।’

वंगु २४ घण्टाया दुने देयन्यक ३,९१५ म्हेसित कोरोना भाइरस संक्रमण पुष्टि जुगु दु।

११ हजार ७ सय ८ म्हेसिगु पीसीआर परीक्षण यागुलि २ हजार ७६३ म्ह व ६ हजार ८७४ एन्टिजेन परीक्षण यागुलि १ हजार १ सय ५२ याना ३ हजार ९१५ म्हेसित कोरोना भाइरस संक्रमण खनेदु धका स्वास्थ्य तथा जनसंख्या मन्त्रालयं धागु दु।

अथेहे कोरोना संक्रमणं २७ म्ह सीगु दु सा २ हजार ११८ म्ह कोरोनामुक्त जुगु दु। शुक्रबाः थपे जुगुपि नाप आःतक नेपालय् कोरोना संक्रमित जूपि ७ लाख २८ हजार ५३२ म्ह थ्यंगु दु।

वंगु २४ घण्टाया दुने स्वनिगलय् १,०८९ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं थौं येँ जक ७९९ म्हेसित कोरोना सक्रमण जुग दु। अथेहे, ख्वपय् १६२ व यलय् १२८ म्हेसित कोरोना संक्रमण पुष्टि जुगु दु।

अथेतु, थौं दयन्यक ३,९१५ म्ह कोरोना भाइरस संक्रमण पुष्टि जुगु खःसा २७ म्ह सीगु दु। आःतक येँ ८ हजार ४०७, ख्वपय् १ हजार ३६२ व यलय् १ हजार ८२७ म्ह संक्रिय संक्रमितपि दु।

नेपाल राष्ट्र बैंकं मौद्रिक नीतिपाखे सेयर धितो तया ऋण प्रवाहय् कडा यागु दु। शुक्रबाः गभर्नर महाप्रसाद अधिकारीं सार्वजनिक यागु मौद्रिक नीतिइ थज्यागु व्यवस्था यागु खः।

न्हुगु व्यवस्था कथं सेयर धितो ऋणय् सीमा छगु संस्था वा मनू न अप्वो १२ करोड रुपैयाँ जुइ। छगु बैंकं प्यंगू करोड रुपैयाँ स्वया अप्वो ऋण काये काये खनिइ मखु। थीथी बैंक व संस्थापाखे याना जम्मा १२ करोड जक ऋण काये दइगु व्यवस्था मौद्रिक नीतिइ दु।

सेयर धितो मूल्यांकन सीमायात ७० प्रतिशत यथावत् हे तःगु दु। सेयर धितो यागु कडाइ न सेयर बजारय् नकारात्मक प्रभाव लाइ धका नेपाल इन्भेष्टर फोरमका अध्यक्षं धागु दु।

थज्यागु सेयर धितो करीब ९२ अर्ब रुपैयाँ बराबर ऋण लगानी जुगु दु। नेपाली बैंकपिन्स सेयरय् ५ खर्बया ऋण लगानी याये दइगु क्षमता दु।