Display Style:
Column Style
मौद्रिक नीति सार्वजनिक याइगु
लहानान्युज | गुंलाथ्व पंचमी ११४१,साउन २९ शुक्रवाः
चालु आर्थिक वर्षया लागि नेपाल मौद्रिक नीति सार्वजनिक याइगु राष्ट्र बैंकं थौं मौद्रिक नीति सार्वजनिक याइगु जुगु जु दु।
साउन न्हापागु वाःया दुने सार्वजनिक जुइगु धका धागु मौद्रिक नीति सरकार ह्य्रगुलि ढिला जुगुलि थौं सार्वजनिक जुइत्यंगु दु। मौद्रिक नीतिया विषय छलफल यायेत आः राष्ट्र बैंकया सञ्चालक समिति बैठक च्वनाच्वंगु दु।
राष्ट्र बैंकं बिगु जानकारी कथं सञ्चालक समितिं पारित यायेवं थौं हे मौद्रिक नीति सार्वजनिक याइ। कोरोना महामारीया कारण समस्या जूगु अर्थतन्त्र व सरकारं कागु चालु आर्थिक वर्षया नीति व कार्यक्रम नाप बजेटयात न ग्वाहालि जुइगु कथं राष्ट्र बैंकं मौद्रिक नीति हइगु जानकारी बिगु दु।
लापरबाही यात धाःसा हाकनं लकडाउन जुइगु जिप्रकाया ख्याच्वः
गुंलाथ्व चतुर्थी ११४१,साउन २८ बिहीवाः
कोरोना संक्रमणया दर अप्वया वसें स्वनिगलय् विहीबाः निसें बहनिया ८ ताः ईलंनिसें सर्वसाधारणपिन्त वय्वनेगुलिइ व सवारी ज्वलं न्ह्याकेगुइ रोक तःगु दु । येँ, यल, व ख्वपय् अत्यावश्यक सेवाबाहेक दक्वसित रोक तःगु खः ।
थ्वहे दथुई जनस्वास्थ्यका मापदण्ड तच्वयेक नाला मकाल धाःसा याकनं हे लकडाउन यायेगु तयारी स्थानीय प्रशासनं यानाच्वंगु धाःगु दु । आमनागरिकपिन्सं लापरबाही यानाच्वन धाःसा हाकनं कडा निषेधाज्ञा यायेमालिगु ख्याच्वः येँ जिल्ला प्रशासन ज्याकूया सहायक प्रमुख जिल्ला अधिकारी उमाकान्त अधिकारीं धयादिल ।
जिल्ला प्रशासन कार्यालय येँ न सर्वसाधारणपिन्सं मास्क पुंगु मपूंगु अनुगमन यानाच्वंगु दु । अनुगमनया झ्वलय् माक्स छ्यालाबुलाय् महःगु गुणस्तरहीन मास्क छ्यलाच्वंगु व गुलिखे मनुतय्सं मास्क हे मपुंगु अधिकारीं जानकारी बियादिल ।
ब्वमिपिन्त नं खोप बिइगु तयारी जुयाच्वंगु दु : स्वास्थ्य राज्यमन्त्री श्रेष्ठ
गुंलाथ्व चतुर्थी ११४१,साउन २८ बिहीवाः
स्वास्थ्य लिसें जनसंख्या राज्यमन्त्री उमेश श्रेष्ठं असोज मसान्त दुने थप छगू क्वति २गू लखः व माघ मसान्त दुने ३गू क्वति खोप प्राप्त जुइगु जानकारी बियादिगु दु ।
प्रतिनिधिसभाय् थौंया मुँज्याय् न्ववासें वय्कलं आःतक १गू क्वति ८गू लखः ६०द्वः सछि व ७०गू मात्रा जक कोभिडया खोप चूलागु जानकारी बियादिल ।
राज्यमन्त्री श्रेष्ठं नेपाली जनतायात मुक्कं ५गू क्वति ५०गू लखः खोप माःगु धयादिसें आः न्हियान्हिथं १गू लख ५०द्वः लिसें २गू लख तक्क खोप बियाच्वनागु धयादिल ।
छवा निसें कोभिड १९ या संक्रमणदर अप्वःगु हुनिं दक्वसित स्वास्थ्य मापदण्ड नालाकायेत नं वय्कलं इनाप यानादिल ।
बन्द जुयाच्वंगु ब्वनेकूथिइ शैक्षिक ज्याझ्व न्ह्याकेत ब्वंमिपिन्त खोप उपलब्ध यायेगु तयारी कथं खोप हयेगु गृहकार्य न्ह्याकागु नं वय्कलं धयादिल ।
लुम्बिनी प्रदेशया मुख्यमन्त्री व मन्त्रीपिन्स शपथ काल
लहानान्युज | गुंलाथ्व चतुर्थी ११४१,साउन २८ बिहीवाः
लुम्बिनी प्रदेशया मुख्यमन्त्री कुलप्रसाद केसी व मन्त्रीपिन्स शपथ कागु दु। बिहीबाः प्रदेश प्रमुखया कार्यालयय् प्रदेश प्रमुख अमिक शेरचनं मुख्यमन्त्री व मन्त्रीपिन्स शपथ कागु खः।
बुधबाः मुख्यमन्त्री शंकर पोखरेलं राजीनामा बिइवं प्रदेश प्रमुखं न्हुम्ह मुख्यमन्त्री ल्ययेगु प्रक्रिया न्ह्याकूगु खः। नेपाली कांग्रेस, नेकपा माओवादी केन्द्र, जनता समाजवादी पार्टी व राष्ट्रिय जनमोचाया ४१ म्ह सांसदपिनिगु समर्थनं नेकपा माओवादी केन्द्रया संसदीय दलया नेता केसी मुख्यमन्त्री नियुक्त यागु खः। वयकलं बिहीबाः हे न्ह्यम्ह सदस्यीय मन्त्रिपरिषद विस्तार यागु खः।
उकिइ कांग्रेसपाखे डिल्लीबहादुर चौधरी, नेकपा माओवादी केन्द्रपाखे कृष्णध्वज खड्का, जनता समाजवादी पार्टीपाखे सहसराम यादव, पुरमती ढेंगा व सुमन शर्मा रायमाझी व अजय शाही मन्त्री जुगु दु। चौधरी शहरी तथा ग्रामीण विकास, कृष्णध्वज खड्का आर्थिक मामिला तथा योजना व सहसराम यादव भौतिक पूर्वाधार मन्त्री जुगु खः।
मेगु मन्त्रीपिन्त मन्त्रालय तोके यागु मदुनि।
फोनिज अवार्ड लल्हात
लहानान्युज | गुंलाथ्व चतुर्थी ११४१,साउन २८ बिहीवाः
आदिवासी जनजाति पत्रकार महासंघ (फोनिज) नं झीम्ह सञ्चारकःमि व निगु मातृभाषाया पत्रिकायात आदिवासी जनजाति राष्ट्रिय पत्रकारिता पुरस्कार (फोनिज अवार्ड) लल्हागु दु।
फोनिजया २२ क्वःगु स्थापना दिवसया लसताय् येँ जुगु छगु ज्याझ्वलय राष्ट्रिय सूचना आयोगया प्रमुख आयुक्त महेन्द्रमान गुरुङं अवार्ड लल्हागु खः। कुमार यात्रु, सन्त गाहामगर, भवानी बराल, रचना श्रेष्ठ, राजकुमार दिक्पाल, टेकराज थामी, आङदावा शेर्पा, तिलक पुन, इन्द्रजित मुखिया व मौसम रोक्कापिन्त उगु अवार्ड लल्हागु खः।
फोनिजं थुगु दँनिसे शुरु यागु मातृभाषा पत्रकारिता पुरस्कार तान्छोक्पा मासिक (लिम्बु) व पहुरा दैनिक –थारु) यात लल्हागु दु।
