Display Style:
Column Style
कोरोना संक्रमितपिन्त ८१ गु अस्पतालय् निःशुल्क उपचार
लहानान्युज | कछलाथ्व द्धितीया ११४१,बैसाख ३० बिहीवाः
नेपालय् कोभिड १९ या संक्रमण अप्वोया वंगुलि सरकारंं स्वनिगलय् दक्को हे सरकारी अस्पतालयात कोभिड अस्पतालया रुपय् छुटे यागु दु।
स्वनिगः पिने नाप संक्रमितपिनिगु निःशुल्क उपचारया लागि आःतक ८१ गु अस्पताल छुटे यागु दु ।
अथेहे दक्को सामुदायिक व निजी अस्पतालय् न संक्रमितपिनिगु निःशुल्क उपचारया लागि सम्झौता यायेत स्थानीय पालिका व प्रदेश सरकारयात निर्देशन बिगु दु ।
थथे सम्झौता यागु अस्पतालय् संक्रमितपिनिगु निशुल्क उपचार सेवा काये फइ उपचार यागु वापत उगु अस्पतालं संक्रमितपिनिगु अवस्था स्वया ३ हजार ५०० निसे १५ हजार तक छम्ह व्यक्तियात सरकारपाखे बिइगु व्यवस्था यागु दु।
थथे प्रदान यागु रकमं अस्पतालय् संक्रमितपिनिगु उपचारय् संलग्न स्वास्थ्यकर्मीया लागि मागु सुरक्षा सामग्रीसमेत उपलब्ध याये मागु स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमं धागु दु ।
लुँ, वहःया भाः क्वहावल
शोभा श्रेष्ठ | कछलाथ्व द्धितीया ११४१,बैसाख ३० बिहीवाः
थौं बिहीवाः लुँ व वहःया भाः क्वहावंगु दु।
लुँ थौं तोलां प्यसः क्वहावंगु दु सा वहः न तोलां झीतक क्वहावंगु दु धका नेपाल सुन चाँदी व्यवसायी महासंघं धागु दु।
बुधवाः तोलां ९२ हजार रुपैयाँय् कारोबार जुगु छापावाल लुँ थौं बिहीवाः ९१ हजार ६ सय रुपैयाँ कायम जूगु दु।
अथेहे तेजावी लुँ तोला ९१ हजार एक सय रुपैयाँ कायम जुगु दु।
वहः तोलां झीतका क्वहावया १३३५ रुपैयाँ न कारोवार जुगु धका महासंघं धागु दु।
वर्ल्डलिंक सञ्चालक नाप निर्देशक विजय जलान मन्त
लहानान्युज | कछलाथ्व द्धितीया ११४१,बैसाख ३० बिहीवाः
इन्टरनेट सेवा प्रदायक कम्पनी वर्ल्डलिंक कम्युनिकेसन लिमिटेडया सञ्चालक नाप निर्देशक विजय जलान मन्त ।
कोभिड संक्रमित जलान मेडिसिटी अस्पतालय् उपचारया झ्वलय् बिहीवाः मदुगु धका पारिवारिक श्रोतं धागु दु।
४७ दँ दुम्ह जलान वर्ल्डलिंक कम्युनिकेसन लिमिटेडया सहसंस्थापक खः । करिब १५ दिं न्ह्यः अस्पताल भर्ना जुयादीम्ह वयागु भेन्टेलेटरय् तया उपचार जुयाच्वंगु खः।
जलान इन्टरनेट सेवाप्रदायक संघ नेपाल (आईस्पान) या कार्यकारी सदस्य तक जुयादीम्ह खः ।
वर्ल्ड लिंकया स्थापना कालनिसे जालन व्यवस्थापकीय भूमिका म्हिता दीम्ह खः।
बाँकेया थीथी अस्पतालय् झीम्ह कोरोना सक्रमितपि मन्त
लहानान्युज | कछलाथ्व द्धितीया ११४१,बैसाख ३० बिहीवाः
बाँकेया थीथी अस्पतालय् उपचार यानाच्वपि झीम्ह कोरोना संक्रमितपिनिगु ज्यान वंगु दु।
जिल्लास्तरीय कोरोना संकट व्यवस्थापन केन्द्रया फोकल पर्सन तेज ओलीका कथं सीपि खुम्ह बाँके व निम्ह निम्ह बर्दिया व दाङय् च्वपि खः। भेरी अस्पतालय् उपचार याना च्वपि नेपालगन्ज उपमहानगर–१ या ४३ दँ दुम्ह मिसाम्ह बुधवाः न्हिनय् ४ः४५ बजे व बाँकेया हे नेपालगन्ज उपमहानगर १२ च्वम्ह २९ दँ दुम्ह मिसाम्ह बिहीवाः सुथय् विहान ८ बजे भेरी अस्पताल् मदुगु खः।
अथेहे नेपालगञ्ज मेडिकल कलेजय् उपचार यानाच्वम्ह बाँकेया हे बैजनाथ गाउँपालिका–६ या ६४ दँ दुम्ह मिजंम्ह बिहीवाः सुथय् ४ः३० बजे, बाँके डुडुवा गाउपालिका–३ या ५० दँ दुम्ह मिसाम्ह बिहीवाः सुथय् १ बजे, बाँके नरैनापुर गाउँपालिका–५ या ४२ दँ दुम्ह मिजंम्ह बिहीवाः सुथय् २ः४५ बजे व नेपालगञ्गज उपमहानगरपालिका–१२ बाँकेया ७६ दँ दुम्ह मिसाम्ह बिहीवाः सुथय् ३ः४५ बजे मदुगु धका जानकारी बिगु दु।
अथेहे भेरी अस्पतालय् उपचार याना च्वपि राजापुर–६ बर्दियाया ५६ दँ दुम्ह मिसाम्ह बुधवाः बहनि ७ः४५ बजे मदुगु खः। अथेहे गुलरिया–ड बर्दियाया ३२ दँ दुम्ह मिसाम्ह भेरी अस्पतालय् उपचारया झ्वलय् बुधवाः चान्ह्यया १०ः३५ बजे मदुगु खः।
अथेतु नेपालगञ्ज मेडिकल कलेजय् उपचार याना च्वम्ह तुलसीपुर उपमहानगरपालिका –५, दाङया ३५ दँ दुम्ह मिसाम्ह बिहीवाः सुथय् ५ः३० बजे व तुलसीपुर उपमहानगरपालिका–६, दाङया हे ४३ दँ दुम्ह मिजंम्ह बुधवाः चान्ह्य ८ः४५ बजे मदुगु खः ।
कोरोना संक्रमणं काठमाडौं जिल्ला अदालतया न्यायाधीश बासुदेव लाल श्रेष्ठ मन्त
लहानान्युज | कछलाथ्व द्धितीया ११४१,बैसाख ३० बिहीवाः
काठमाडौं जिल्ला अदालतया न्यायाधीश बासुदेव लाल श्रेष्ठ कोरोना संक्रमणं मन्त।
टेकु अस्पतालय् उपचार याना च्वनादीम्ह श्रेष्ठें बुधवाः बहनि ५ बजे मदुगु खः । यलया इमाडोल छेँ दुम्ह वयकः निवाः न्ह्यनिसे टेकु अस्पतालय् उपचार याना च्वनादीगु खः ।
अथेहे मेम्ह कोरोना संक्रमणं रौतहट जिल्ला अदालतया नासु पदय् कार्यरत कर्मचारी अनुठा राय यादव न बुधवाः हे मन्त।
