स्वनिगलय् थौंनिसे जेठ १३ गतेतक थप निषेधाज्ञा लागु जुगु दु ।

थुगु इलय् अत्यावश्यक सेवा बाहेकया कार्यालय न बन्द यागु दु । काठमाडौया प्रमुख जिल्ला अधिकारी कालीप्रसाद पराजुलीं कोभिड–१९ या जोखिम अप्वाया वंगुलि थथे निर्णय यानागु खः धका धयादीगु दु ।

वासः, खाद्यान्न व मेगु अत्यावश्यक उपभोग्य वस्तु वा सेवा खरिदया लागि नाप अत्यावश्यक सेवा बाहेकया मेपि छेँ न पिहा मवनेत धागु दु। निषेधाज्ञाया इलय् अत्यावश्यक सेवाया कार्यालयबाहेक मेगु जिल्ला कार्यालय वैशाख ३० गतेनिसे बन्द यायेगु आदेश जारी यागु खः।

प्रमुख जिल्ला अधिकारी पराजुलीया कथं थुगुलि निषेधाज्ञा सुथय् १० बजे तक अत्यावश्यक खाद्य सामग्रीया पसः, व्यवसाय व डिपार्टमेन्टल स्टोर्स जक खुला जुइ । नाप सार्वजनिक व निजी सवारी साधन जेठ १३ गते चान्ह्य १२ बजे तक सञ्चालनय् रोक लगे यागु दु ।

येँया ट्रमा सेन्टरय् अक्सिजन अभाव जुइं १०५ म्ह विरामीपिनिगु ज्यान जोखिमय् लागु दु 

ट्रमा सेन्टरया निर्देशक सन्तोष पौडेलं चःछि अक्सिजन मालास्वया न कुतः सफल मजुगु धका जानकारी बिगु दु । ‘जिमिसं चःछि थीथी थासय् एम्बुलेन्साखे अक्सिजन जोहो यायेगु कुतः याना तर गन न मदु उकि याना १०५ म्ह बिरामीपि जोखिमय् दु धका’, कोरोना व्यवस्थापन समितिया सदस्य भुवन केसीं धागु दु ।

अक्सिजनया पिइत अस्पतालया कर्मचारीपि चःछि उद्योगय्

ट्रमा सेन्टरं अक्सिजन हयेत शंकर अक्सिजन उद्योग बालाजुइ चःछि पिया न अक्सिजन काये मफुगु धका धागु दु । भर्ना जूपि १०५ म्हेसित हाइ फ्लो अक्सिजन बिइमागु आः भचा जक दुगुलि आः ८ बजे लिपा ठप्पै जुइग अवस्था दु धका धयादीगु दु ।

ट्रमा सेन्टरय् निन्ह ४०० सिलिण्डर अक्सिजन मागुलि सीसीएमसीं १५० कोटा तोके यागुलि व १५० सिलिण्डर कायेत न मुस्किल जुगु धका धागु दु केसीं धागु दु ।

निषेधाज्ञा लागू जूगु जिल्ला ७३ गु थ्यंगु दु।

कोरोना भाइरस सङ्क्रमण नियन्त्रणया लागि ६७ जिल्लाय् जिल्लायक व ६ गु जिल्लाय् आंशिक निषेधाज्ञा लागू जूगु दु धका गृह मन्त्रालयं धागु दु ।

भोजपुरय् वंगु चान्ह्यनिसे निषेधाज्ञा शुरु जूगु दु ।अथेहे मुस्ताङय् न थौं चान्ह्यःया १२ बजेनिसे निषेधाज्ञा शुरु जूगु दु। गृह मन्त्रालयया कथं मनाङ, रुकुमपूर्व, तेह्रथुम व खोटाङय् धासा निषेधाज्ञा लागू जूगु दु मदुनि।

निषेधाज्ञाया दथुन सङ्क्रमण क्वहा वंगु मदुनि । नेपालय् वंगु बैशाख ७ गतेनिसे निषेधाज्ञाया आदेश लागू याना नियन्त्रणया कुतः जुयाच्वंगु दु।

नेपालय् वंगु वाःनिसे तथ्याँकया विश्लेषण यागुलि कोरोना संक्रमितपि ५१ प्रतिशत स्वया अप्वो जुया वना च्वंगु दु।

बुंगद्यःया रथयात्रा थुगुसी प्रतीकात्मक रुपं क्वचायेकीगु जूगु दु ।

बुंगःद्यःया रथयात थ्व हे वइगु जेठ १ गते प्रतीकात्मक रुपं सालाः रथयात्रा क्वचायेकीगु खः ।

थौं जूगु सरोकारवालाया मुँज्यां कोरोना महामारीयात ध्यानय् तया म्ह्वः ल्याखय् जक उपस्थित जुयाः स्वास्थ्य सुरक्षाया मापदण्डये च्वना प्रतीकात्मक रुपं जेठ १ गते रथ सालेगु निर्णय जूगु दु ।

यलया सहायक प्रमुख जिल्ला अधिकारी ललितकुमार बस्नेतं कोभिड–१९ संक्रमणया अप्वयाच्वंगु जोखिमयात बिचाः यासें थज्याःगु निर्णय जूगु जानकारी बियादिगु खः।

थगुने बुंगद्यःया रथयात्राय् ताः ई अन्यौल जूबलय् जूगु विवादं उग्र रुप काःबलय् झडप तकं जूगु खः ।