कोरोना संक्रमणं बैंकर निरज श्रेष्ठ मन्त।

कोरोना संक्रमण जुया नेपाल प्रहरी अस्पतालय् छु दिं न्ह्यः जक भर्ना जुम्ह श्रेष्ठ बुधवाः सुथय् मदुगु खः ।

श्रेष्ठयात म्हिग जक भेण्टिलेटरय् तया उपचार शुरु यागु धका वयकःया  पारिवारिक श्रोतं धागु दु । मदुम्ह श्रेष्ठया जहान व छम्ह म्ह्याय् दु ।

बैंकिङ क्षेत्रय् छम्ह अनुभवी बैंकरया रुपं म्हसिउम्ह श्रेष्ठं तत्कालीन ग्रिनलेज बैंकपाखे सन् १९८९ य् बैंकिङ करियर सुरु यागु खः ।

एनआईसी एसिया बैंकया महाप्रबन्धक त्वता ग्लोबल आईएमइ वना वयकलं ग्लोबल आइएमई बैंकया नायव प्रमुख कार्यकारी अधिकृतया रुपं ज्या यानादीगु खः 

 भारतय् खनेदुगु कोरोना भाइरसया न्हुगु प्रकार (भेरियन्ट) बी.१.६१७ या कोरोना खोपं ज्यायागु दु धका छगु अध्ययनं क्यंगु दु ।

भारत व बेलायती वैज्ञानिकपिन्स मंकाः कथ यागु अध्ययनं उगु भेरियन्टया खोपं शरीरय् विकास यागु एन्टिबडीयात छले याना संक्रमित धासा याइ धका धागु दु । भारतय् खने दुगु उगु भेरियन्टयार्त डबल म्युटेन्ट धाइ ।

थुकिइ कोरोनाया ई ४८४ क्यू व एल ४५२ आर भेरियन्ट खने दुगु दु। थुगु अध्ययनया छम्ह शोधकर्ता डा. अनुराग अग्रवालं धागु दु। अनुसन्धानया झ्वलय् भारतीय भेरियन्ट प्रयोगशालाय् यागु परीक्षणय् यक्क संक्रामक दुगु खने दुगु दु ।

भारत दिल्लीया छगु अस्पतालय् कोरोनापाखे संक्रमित जूपि व खोप काःपि ३३ म्ह स्वास्थ्यकःमि मध्ये करिब बच्छिपिके बी.१.६१७ भेरियन्ट खने दुगु दु धका धागु दु ।

थौं बछलाथ्व पारू दिं बुंगद्यःयात रथय् बिज्याकिगु दिं खः।

थौं सुथय् बुंगद्यःया पानेजुपिं, द्यःपाःलाः लिसें स्थानिय बासिन्दा नं जानाः द्यःलायगु ज्याझ्वः जूगु दु।

बुंगद्यःयात कलशय् बिज्याकाः तबहालय् हया धकिबाँयम्वः तयधुंकाः जक द्यः रथय् बिज्याकेगु चलन दु।

लुँ तोलां स्वसः क्वहा वंगु दु धका नेपाल सुनचाँदी व्यवसायी महासंघं धागु दु ।

मंगलवाः ९२ हजार तीन सय रुपैयाँ कारोबार जूगु दु । अथेहे छापावाल लुँ छगु तोलाया ९२ हजार रुपैयाँ कायम जूगु दु।

अथेहे तेजाबी लुँया भाः तोलां ९१ हजार पाँच सय रुपैयाँय् क्वहा वंगु दु।

वहःया भाः धासा १३४५ रुपैयाँ स्थिर हे जुगु दु धका महासंघं धागु दु।

नेपाल उद्योग वाणिज्य महासंघं कोभिड १९ सहायता केन्द्र संचालनय् हःगु दु ।

महासंघया पदाधिकारी व सम्वद्ध अधिकारीपिनिगु बैठकं उगु सहायता केन्द्र स्थापना यायेगु निर्णय यागु दु । उगु केन्द्रया समन्वय महासंघया वरिष्ठ उपाध्यक्ष चन्द्र प्रसाद ढकालं यायेत्यंगु खः ।

कोभिड १९ सहायता केन्द्रयात प्रभावकारी रूपं न्ह्यने यकेगु लागि जिम्मेवारी बाँडफाँट तक जुगु दु धका महासंघं धागु दु ।

सहायता केन्द्रपाखे सेवा कायेत महासंघ सचिवालयया सम्पर्क अधिकृतपि हरि पौड्याल (९८०१०९६८१२) व रिंकु घिमिरे (९८०११९२५९१) पिन्त टेलिफोन वा एसएमएस पाखे सम्पर्क याना थःपिन्त मागु सेवा काये फइ।

समस्या जूपिन्त, कोरोना उपचारया सहजीकरण व समन्वय मालाच्वपिन्त थुगु स्वास्थ्य सहायता केन्द्रया पाखे यक्को ग्वाहालि जुइ धका महासंघं धागु दु।

थ्व स्वया न्ह्यः महासंघं हेल्लो डाक्टर संचालनय् हया कोभिड संक्रमण जूपिन्त डाक्टरपि पाखे स्वास्थ्य परमर्श बिया वयाच्वंगु खः ।