स्वन्हुया दुने न्यागु लाख स्वया अप्वोसिया येँ त्वताः वंगु दु।

थौं सुथय् ६ बजे निसे निषेधाज्ञा लागू जुइगु जुगुलि चान्ह्य तीन बजे तक यात्रुपि सडकय् गाडी पियाच्वपि दु गु खः।

चान्ह्य लिबाक्क तक सडकय् गाडीपिया च्वंपि गुम्हला गाडी मदया अलपत्र जुगु दु।

म्हिगः येँया न्हुगु बसपार्क, कलङ्की, जडीबुटी, कोटेश्वर व ख्वपय् यात्रुपि यक्को भीड दुगु खः ।

स्वनिगलय् थौं सुथय् निसे निषेधाज्ञा लागू जुगु दु । येँं, यल ख्वपय् सुथय् ६ बजे निसे निषेधाज्ञा सुरु जुगु दु ।

संघीय राजधानीइ कोरोना संक्रमण अप्वोया वंगुलि स्वनिगःया स्वम्ह प्रमुख जिल्ला अधिकारीपिनिगु मंकाः बैठकं वैशाख १६ गतेनिसे निषेधाज्ञा जारी यायेगु निर्णय यागु खः ।

निषेधाज्ञा इलय् छु छु याये दइ ?

इहिपा, कय्तापुजा लगायत इहिपालय् निगु परिवारपि १५, १५म्ह सहभागी जुइ दइ । निगु पक्षं इहिपाया ब्यानर ज्वना निगः गाडी प्रयोग याना वयेगु वने फइ। इहिपा, कय्तापुजाया लागि स्थानीय तहया सिफारिस कथं जिल्ला प्रशासन कार्यालयं पास उपलब्ध यानाबिइ।

अत्यावश्यक सामग्री क्वबिइगु ढुवानीया साधन, बिरामी नाप निम्ह कुरुवा ज्वना एम्बुलेन्स, स्वास्थ्यकर्मी नाप सुरक्षा निकायया सवारीसाधन सञ्चालन याये दइ। एम्बुलेन्स, लः, स्वास्थ्य, खाद्यान्न, तरकारी, फलफूल, दुरु नाप, कुरिअर नाप डाँक सेवा, बैंक व वित्तीय संस्था, दूरसञ्चार, इन्टरनेट, क्वारेन्टिन, आइसोलेसन, फोहोरमैला व्यवस्थापन लगायत ढुवानी नाप यातायतया साधन सञ्चालन याये दइ । सरकारी कार्यालय लगायत सार्वजनिक सेवा प्रदायक संस्थापिन्स सम्बन्धि मन्त्रालय वा विभागपाखे जारी पास कया सवारीसाधन प्रयोग याये दइ। डिपार्टमेन्टल स्टोर, खाद्य सामग्रीया पसः, व्यवसायपिन्स सुथय् १० बजे तक व बहनि ५ बजे निसे ७ बजे तक सन्चालन याये दइ ।

पत्रकारपिन्स विभागं जारी यागु प्रेस पासया आधारय् वयेगु वने फइ।

छु छु  याये दइ दइ मखु ?

छु न प्रकारया सभा, सम्मेलन, गोष्ठी, तालिम, सेमिनाटर, सिनेमा हल, पार्टी प्यालेस, स्विमिङ पुल, शपिङ मल, मनोरञ्जन थाय्, सैलुन, ब्यूटी पार्लर, जिमखाना, पुचः मुना म्हितिइगु कासा, पुस्तकालय, संग्रहालय, चिडियाखाना सञ्चालन यायेत निषेधाज्ञा इलय् रोक लगे यागु दु ।

अत्यावश्यक बाहेकया सार्वजनिक नाप निजी सवारीसाधन चले यायेगु व अत्यावश्यक बाहेकया मेगु सार्वजनिक सेवा सञ्चालन यायेत रोक लगे यागु दु । खाद्य सामग्री व वासः  नाप स्वास्थ्य सामग्री सम्बन्धी पसः, व्यवसाय बाहेक मेगु पसः, व्यवसाय सञ्चालन याये दइ मखु। उल्लंघन यातकि छु सजाय जुइ ? निषेधाज्ञा उल्लंघन यातकि कानुनबमोजिम कारबाही जुइ ।

संक्रामक रोग ऐन, २०२० कथं आदेश पालना मयातकि लच्छि तक कैद वा सच्छि तका जरिवाना अथवा निगुलि जुइ फु। संक्रामक रोग ऐनय् ज्याय् पंगः थनिइपिन्त खुला तक कैद वा ६०० रुपैयाँ जरिवाना वा निगुलि सजाय तक जुइगु व्यवस्था दु ।

वंगु २४ घण्टाय् थप ४८ सय ९७ म्हेसित कोरोना भाइरस संक्रमण पुष्टि जूगु दु । स्वास्थ्य तथा जनसंख्या मन्त्रालयया कथं १३८७९ पीसीआर परीक्षण व ४७ सय ७४ नाप ९५५ एन्टिजेन परीक्षणय् १७४ म्ह याना ४८ सय ९७ म्हेसित संक्रमण पुष्टि जुगु दु ।

अथेहे कोरोना संक्रमणं थप १७ म्ह सीउगु दु धका स्वास्थ्य मन्त्रालयं धागु दु। थ्व नाप कोरोनां सीपि ३ हजार २११ म्ह थ्यंगु दु । थ्व नाप देयन्यक कोरोना भाइरस सक्रिय संक्रमितपि ३० हजार २९० म्ह थ्यंगु दु ।

उकि मध्ये २३६४ म्ह संस्थागत आइसोलेसनय् व २७ हजार ८४५ म्ह होम आइसोलेसनय् च्वना च्वंगु दु।

थौं स्वनिगलय् २ हजार ४७ म्हेसित कोरोना संक्रमण पुष्टि जुगु दु।

अथेहे रुपन्देहीइ ४३४, बाँकेय् ३२८, कैलालीइ १९४, कास्कीइ १८२ म्ह, दाङय् १८०, चितवनय् १४७ म्ह, सुर्खेतय् १३२, मोरङय् १२८ म्ह व पर्साय् १२३ म्हेसित कोरोना संक्रमण पुष्टि जुगु दु। अथेहे गोरखाय् ६१, धनुषाय् ५३, काभ्रेपलाञ्चोकय् ५०, सुनसरीइ ४९, कपिलवस्तुइ ४७, बाराय् ४१ म्ह व झापाय् ४० म्हेसित कोरोना संक्रमण पुष्टि जुगु दु ।

अथेतु, नवलपरासी पश्चिम, पाल्पा, बर्दियाय् २८÷२८ म्ह, नुवाकोटय् २५ म्ह, कञ्चनपुरय् निम्ह, रौतहट व सप्तरीइ २३÷२३ म्ह, धादिङ व बैतडीइ २२÷२२ म्ह, लम्जुङ व स्याङ्जाय् २१÷२१ म्ह, अर्घाखाँचीइ २० म्ह, नवलपरासी पूर्व व गुल्मीइ १८÷१८ म्ह, महोत्तरी, सिरहा व सिन्धुपाल्चोकय् १७÷१७ म्ह, तनहुँइ १५, ताप्लेजुङ व म्याग्दीमा १३ जना, डडेल्धुरामा १२ जना, पर्वतमा ११ जना र सर्लाहीमा झीम्हेसित कोरोना संक्रमित जुगु दु।

अथेहे रोल्पाय् गुम्ह, रामेछाप, सिन्धुली, प्युठान, जाजरकोट व जुम्लाय् च्याम्ह च्याम्हेसित, दोलखाय् खुम्ह, रुकुम पुर्व, कालिकोट, दैलेख व सल्यानय् न्याम्ह न्याम्हेसित, मकवानपुरय् प्यम्ह, इलाम, भोजपुर व रुकुम पश्चिमय् स्वम्ह स्वम्ह, उदयपुर, खोटाङ, मुगु, अछाम, डोटी व बागलुङय् निम्ह निम्ह व ओखलढुंगा, धनकुटा, रसुवा, मुस्ताङ, लम्जुङ, डोल्पा, दार्चुला व बाजुराय् छम्ह छम्हेसित कोरोना संक्रमण पुष्टि जुगु दु धका मन्त्रालयं धागु दु ।

वंगु २४ घण्टाया दुने स्वनिगः दुने कोरोना संक्रमितपि २ हजार स्वया अप्वो जुगु दु।

स्वास्थ्य मन्त्रालयया कथं थौं स्वनिगलय् २ हजार ४७ म्हेसित कोरोना संक्रमण पुष्टि जुगु दु ।

उकि मध्ये येँ जक १४६४ म्हेसित कोरोना पुष्टि जुगु दु । अथेहे ख्वपय् २३२म्ह व यलय् ३५१ म्हेसित कोरोना पुष्टि जुगु दु धका मन्त्रालयं धागु दु। थौ

बुधवाः जक देयन्यक थप ४ हजार ८९७ म्हेसित कोरोना भाइरस संक्रमण पुष्टि जुगु दु ।