नेकपा एमालेया सचिव प्रदीप ज्ञवालीं नेपाली कांग्रेसया सभापति शेरबहादुर देउवा श्रीमान ५ पाखे प्रधानमन्त्री नियुक्त जुगु धका टिप्पणी यागु खः।

विश्वासया मत कायेगु झ्वलय् प्रधानमन्त्री देउवाया प्रस्तावय् संसद जुगु छलफलय् ज्ञवालीं ०६१ य् श्री ५ पाखे प्रधानमन्त्री जुगु देउवा आः सर्वोच्च अदालतय् ५ म्ह न्यायाधीशपाखे प्रधानमन्त्री जुगु धका धागु दु।

२०५९ असोजय् असक्षम धका बर्खास्त जुम्ह देउवायात तत्कालीन जुजुं २०६१ प्रधानमन्त्री नियुक्त जुइवं जिं थौं श्री ५ पाखे न्याय दत धइगु खः लुमना धयादीगु दु ज्ञवालीं, ‘श्री ५ बिगु न्याय माघ १९ गन थ्यंगु झी सकसीया सिउगु खँ खः।

थौं ५ म्ह श्रीमानपाखे माननीय शेरबहादुर देउवा प्रधानमन्त्री जुगु धका धागु खः। उगु इलय् श्री ५, आः श्रीमान ५ ।’ 

स्वास्थ्य तथा जनसंख्या मन्त्रालयया कथं स्वनिगलय् ३३४ म्हेसित कोरोना सक्रमण जुगु दु।

उकि मध्ये येँ जक २३४म्हेसित कोरोना सक्रमित जुगु दु। अथेहे यलय् ६४ म्ह व ख्वपय् ३६ म्हेसित कोरोना सक्रमित जुगु दु।

अथेतु, चितवनय् १६१, कास्कीइ ११५, झापाय् ८९, मोरङय् ४७ व रुपन्देहीइ ४५ म्हेसित संक्रमण पुष्टि जुगु दु।

नवलपरासी पूर्वय् ३६, कैलालीइ ३१, बागलुङय् २९, नुवाकोटय् २५, धादिङय् २४ व स्याङ्जाय् २० म्हेसित कोराना संक्रमितपि थपे जुगु धका मन्त्रालयं धागु दु।

वंगु २४ घण्टाया दुने थप १ हजार ८०१ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ६ हजार ६२८ म्हेसित पीसीआर परीक्षणय् १ हजार २२३ म्ह व ३ हजार म्हेसित एन्टिजेन परीक्षणय् ५७८ म्ह याना १ हजार ८०१ म्हेसित कोरोना संक्रमण पुष्टि जुगु दु।

कोरोना संक्रमणया कारण वंगु २४ घण्टाय् २३ म्ह सीगु दु। अथेहे १ हजार ६६७ म्ह संक्रमणमुक्त जुगु दु। थ्व नाप नेपालय् कोरोना संक्रमितपि ७ लाख १६ हजार ४९ म्ह थ्यंगु दु।

उकि मध्ये ९ हजार ५५० म्ह सी धुकुगु दु सा ६ लाख ३२ हजार ७४ म्ह संक्रमणमुक्त जुइ धुकुगु दु।

मन्त्रालयया कथं वंगु २४ घण्टाय् प्रदेश १ य् १८५, प्रदेश २ य् ४२, प्रदेश ३ य् ५९२ म्ह संक्रमितपि थपे जुगु दु।

अथेहे गण्डकीइ २५७, लुम्बिनीइ ८७, कर्णालीइ २१ व सुदूरपश्चिम प्रदेशय् ३९ म्ह कोरोना भाइरस संक्रमण खनेदुगु खः।

नेकपा एमालेया उपाध्यक्ष भीम रावलं सांसद पदपाखे राजीनामाया घोषणा यानादीगु दु।

अछाम क्षेत्र नम्बर १ पाखे निर्वाचित जुयादीम्ह वयकलं थौं आइतबाः सिंहदरबारय् जुुगु माधव नेपाल पक्षया सांसदपिनिगु भेलाय् राजीनामा बिइगु घोषणा यागु दु।

नेपाली कांग्रेसया सभापति शेरबहादुर देउवां धारा ७६ (५) कथं प्रधानमन्त्रीया दावी पेश यागुलि भीम रावल नाप एमालेया २६ सांसदपिननिगु समर्थन यागु खः। नेकपा एमालेया उपाध्यक्ष भीम रावलं सांसद पदपाखे राजीनामाया घोषणा यागु खः।

अछाम क्षेत्र नम्बर १ पाखे निर्वाचित जुगुलि आइतबाः सिंहदरबारय् जुगुलि माधव नेपाल पक्षया सांसदपिनिगु भेलाय् वयकलं राजीनामा बिइगु घोषणा यागु खः।

नेपाली कांग्रेसया सभापति शेरबहादुर देउवां धारा ७६ (५) कथं प्रधानमन्त्रीया दावी पेश यागुलि भीम रावल नाप एमालेया २६ सांसदपिनिगु समर्थन यागु खः।

नेकपा एमाले नेता माधव नेपाल समूह न प्रधानमन्त्रीयात विश्वासया मत बिइगु सन्दर्भय् सांसदपिन्स स्वविवेक प्रयोग यायेत छलफल यागु दु।

माधव समूह हे निगु थरी बिचाः वंगु नेता नेपाल नाप अधिकांस सांसदपिन्स् मत बिइगु धागु दु। कार्यदलय् च्वंपि नेतापिन्स निर्णय याना शेरबहादुर देउवायात विश्वासया मत बिइगु इलय् एकताया लुँखा बन्द जुगु सन्देश वनेगु जुगुलि अथे मयायेत इामप यागु दु।

उमिसं १० बुँदे बमोजिम संस्थागत निर्णयया पक्ष न्ववागु दु। कार्यदलय् दुपि व मदुपि स्थायी कमिटी सदस्यपि नाप वरिष्ठ नेता नेपालं छलफल यागु खः। भीम आचार्य, गोकर्ण विष्ट लगायतया नेतापिन्स एमाले मिले जुइगु जुगुलि हथाय् चाना विश्वासया मत कायेत्यंगु धका धासे देउवा–प्रचण्डया नियत एमाले टछ्यागु प्रष्ट खनेदुगु धका धागु दु।

माधव नेपाल पक्षपाखे कार्यदल संयोजक तक जुयादीम्ह उपाध्यक्ष भीम रावल व सुरेन्द्र पाण्डे लगायतया नेतापि संस्थागत निर्णय याना १० बुँदे सहमतिया अःखः जुइ धका लिचिगु दु। तर, माधव नेपाल नाप मेटमणी चौधरी, झपट रावल, कृष्णलाल महर्जन, जीवनराम श्रेष्ठ, रामकुमारी झाँक्री, विरोध खतिवडा, यज्ञराज सुनुवार, निरा जैरु, सरला यादव, पुष्पा कर्ण कायस्थ, दीपकप्रकाश भट्ट, मुकुन्द न्यौपाने, कलिला खान, कल्याणी खड्का लगायतपिन्स विश्वासया मत बिइगु जुगु दु।