वंगु २४ घण्टाया दुने बाँके व रुपन्देहीइ याना न्याम्ह कोरोना संक्रमितपिनिगु ज्यान वंगु दु।

सीपि बाँकेया प्यम्ह व छम्ह रुपन्देहीइ च्वंम्ह खः। भेरी अस्पताल नेपालगन्जय् उपचार याना च्वंम्ह निम्ह मिसा व निम्ह मिजंपि खः ।

स्वास्थ्य कार्यालय बाँकेया कोरोना फोकल पर्सन तेज ओलीया कथं नेपालगन्ज–२ या ७५ दम्ह मिसा शुक्रबार बहनि ६ः१५ मदुगु खः ।

अथेहे नेपालगन्ज–५ या ८६ दँ दुम्ह मिजम्ह बहनि ७ बजे व नेपालगन्ज त्रिभुवन चोक च्वंम्ह ३५ दँ दुम्ह वंगु ९ः२३ बजे मदुगु खः ।

अथेतु, नेपालगन्ज–१० या ६१ दँ दुम्ह मिसा वंगु चान्ह्य मदुगु धका जानकारी बिगु दु। थ्व नाप बाँकेय् कोरोना संक्रमण मदुपिनिगु ल्याः ७६ म्ह थ्यःगु दु ।

अथेहे रुपन्देहीयाम्ह ३६ दँ दुम्ह छम्ह मिजं कोरोना संक्रमण मदुगु खः ।

निर्वाचन आयोगं जेठ ६ गते राष्ट्रिय सभा निर्वाचनया लागि कार्यतालिका सार्वजिनक यागु दु।

आयोगं बिहीवाः छगु विज्ञप्ति जारी यासे उपनिर्वाचनया लागि मतदान यायेगु ई सुथय् ९ बजे निसे न्हिनेसिया ३ बजे तक निर्धारण यागु दु।

वाग्मती प्रदेशय् निर्वाचनया लागि हेटौंडाय् प्रदेश निर्वाचन कार्यालय निर्वाचन अधिकृतया कार्यालय स्थापना यागु दु धका धाःगु दु ।

राष्ट्रिय सभा सदस्य निर्वाचन ऐन, २०७५ या दफा ७ बमोजिम निर्वाचन अधिकृतया पदय् नियुक्त यायेत जिल्ला न्यायाधीशया नां सरकारयात माग यागु दु।

गृहमन्त्री समेत तक जुयादीम्ह रामबहादुर थापा बादलं माओवादी परित्याग यागुलि उगु पदय् उपनिर्वाचन जुइ त्यःगु खः ।

वंगु २४ घण्टाया दुने थप २५५९ म्हेसित कोरोना भाइरस (कोभिड–१९) या संक्रमण पुष्टि जूगु दु ।

९६६४ नमूना परीक्षण यागुलि पीसीआरपाखे ८७९८म्ह व  एन्टीजेनपाखे ८६६ म्ह याना जम्मा २५५९ म्हेसित कोरोना संक्रमण पुष्टि जूगु दु।

स्वास्थ्य मन्त्रालयया कथं वंगु २४ घण्टाय् न्याम्हे सिगु ज्याना वंगु दु ।

लुँया भाः थौं न्यासः क्वहावःगु दु।

म्हिगः तोलाया ९२ हजार २ सय रुपैयाँ जुगु थौं न्यासः क्वहावया ९१७०० रुपैयाँ जूगु दु धका नेपाल सुनचाँदी व्यवसायी महासङ्घं धाःगु दु ।

अथेहे, थौं वहः तोलां झीन्यातका क्वहा वःगु दु।

म्हिगः तोलां १३३५ रुपैयाँ जूगु वहः थौं १३२० रुपैया कारोबार जुगु दु ।