राष्ट्रपति कार्यालयं अस्वीकार यायेवं नवनियुक्त महान्यायाधिवक्ता खम्मबहादुर खातीयात सर्वोच्च अदालतय् शपथग्रहण याकूगु दु।

राष्ट्रपति कार्यालय प्रधानन्यायाधीशं शपथ ग्रहण याकेगु धइगु संवैधानिक पदाधिकारीया हकय् सर्वोच्च अदालतय् हे शपथ याकेगु धइगु निर्णय यायेवं शपथ ग्रहण याकेगु थाय्या परम्परागत ह्यूपाः वंगु दु। आःतक नियुक्त महान्यायाधिवक्तापिन्स राष्ट्रपति कार्यालय, शीतल निवासय् राष्ट्रपतिया उपस्थितिइ प्रधानन्यायाधीशपाखे शपथ ग्रहण याकेगु परम्परा दु।

निवर्तमान महान्यायाधिवक्ता रमेश बडालयात न वंगु चैतय् राष्ट्रपति कार्यालयय् शपथ याकूगु खः। नेपाःया संविधान यागु धारा १५७ य् प्रधानमन्त्रीया सिफारिसय् राष्ट्रपतिं महान्यायाधिवक्ता नियुक्त यायेगु व्यवस्था दु। तर शपथ धासा प्रधानन्यायाधीश नाप कायेगु कानूनी व्यवस्थाया कारण थ्व स्वया न्ह्यःया अभ्यासय् राष्ट्रपतिया उपस्थितिइ राष्ट्रपति कार्यालय शीतल निवासय् हे शपथ कायेगु प्रचलन दुगु खः।

राष्ट्रपति कार्यालयय् शपथ मयासा संवैधानिक व्यवस्थाया कारण महान्यायाधिवक्ता नियुक्तिपत्र कायेगु लागि राष्ट्रपति कार्यालय हे वनेमाः।

केपी ओलीया नेतृत्वय् वंगु जेठ १६ गते सरकारं हःगु बजेट अध्यादेश प्रतिनिधिसभाय् टेबुल जुइ धका धागु दु।

अर्थमन्त्री जनार्दन शर्मां पत्रकार सम्मेलन यासे अथे जानकारी बिगु खः। बजेट अध्यादेश आः संसदये बिजनेस जुगु धका धासे अर्थमन्त्रीं उगु अध्यादेश आः संसदय् बिजनेस जुइ धका धागु दु।

संसद बैठक साउन ३ गते सःतूगु दु। संसदं गुकथं चाहे जू अथे हे बजेट न्ह्यने वइ धका धागु दु। प्रतिस्थापन यायेगु वा न्हुगु बजेटया प्रक्रिया वनेगु धइगु विषय तक संसदं निर्णय जुइगु जानकारी बिगु दु।

अर्थ मन्त्रालय थौं शुक्रबाः ग्वसाः ग्वंगु म्हसिका ज्याझ्वलय् अथे जानकारी बिगु खः।

 नेपालया लागि चिनियाँ राजदूत होउ यान्छीं प्रधानमन्त्री शेरबहादुर देउवायात भिंतुना बिगु दु।

प्रधानमन्त्रीया सरकारी निवास वालुवाटारय् जुगु भेटवार्ताय् राजदूत होउ यान्छीं भिंतुना बिगु खः।

उगु ज्याझ्वलय् प्रधानमन्त्री देउवां थः न्ह्याबलय् न चीन नाप बालागु सम्बन्ध स्थापना याये चाहे जुगु धका धागु खः।

जुजु जयप्रकाश मल्लया पालंनिसें न्ह्नाच्वंगु येँयाः जात्राया जीवित देवी व देवता श्री कुमारी, श्री गणेश व श्री भैरवया म्हिगः संकल्प पूजा जूगु दु ।

संकल्प पूजाया नितिं श्री गणेश व श्री भैरवयात कुमारी छेँ बिज्याका स्वम्ह द्यःपिन्त पुज्यात । उगु संकल्प पूजाया नितिं दक्व पूजा ज्वलं राष्ट्पति भवन थ्यंका पूजा संकल्प याना हःगु खः । थथे संकल्प याना हःगु पूजा ज्वलपाखें गुरुजुं श्री कुमारी, श्री गणेश व श्री भैरवयात पुज्यानाबिज्यागु खः । परापूर्वकालंनिसें न्ह्यानाच्वंगु व सांस्कृतिक पर्वकथं नालातःगु येँयाःया झ्वलय् जात्रा यानातःपिं जीवित द्यः श्री गणेश (संवेग शाक्य) व श्री भैरव (रुजन शाक्य) उमेर हदया हुनिं नियमकथं विदाई याना वय्कया थासय् मेपिं नियुक्ती यायेत शाक्यपिनिगु १६गू विहारय् सूचं प्रवाह याना संकलन जूपिं शाक्य कुलपुत्रपिनिगु निवेदन व जातःया लिधंसाय् न्हूपिं द्यः ल्येगु चलन दु ।

उगु पंचाग निणर्ायक समितिया सिफारिस कथं देय्या अवस्थालिसे सुथांलाःगु गुणदोष, लक्षण व नक्षत्रया लिधँसाय् थुगुसी भाष्कर देव संस्कारित केशचन्द्र कृत पारावर्त महाविहार इतुंबहालया शाक्य कुलपुत्र रोदिन शाक्ययात न्हूम्ह गणेद्यःया रुपय् वि.सं. २०७७ पौष ३ गते व श्री भैरवया रुपय् कीर्तिपुण्य महाविहार क्वहिटी बहाःया शाक्य कुलपुत्र कर्सनव शाक्ययात वि.सं. २०७७ पौष ४ गतेया दिं विधिकथं प्रतिस्थापन याःगु खः ।

म्हिगःया उगु संकल्प पूजाय् आमन्त्रित्र जूपिं दक्वसित प्रसादकथं भ्वय् नकूगु खः । उगु वलय् पूर्व शिक्षा विज्ञात लिसें प्रविधि मन्त्री कृष्ण गोपाल श्रेष्ठ, येँ महानगरपालिका उपप्रमुख हरिप्रभा श्रेष्ठ खड्गी, बागमती सांसद राजेश शाक्य, अजय क्रान्ति शाक्य, शोभा शाक्यलिसें नेपाल सुनचाँदी व्यवसायी संघया मानिक शाक्य, तेजरतन शाक्यलिसें मेमेपिं गन्यमान्यपिनिगु ब्वति दूगु खः ।

स्रोतः सामाजिक सञ्जाल