Display Style:
Column Style
नेप्से परिसूचक १.०१ अंक थहावन
लहानान्युज | दिल्लाथ्व चतुर्थी ११४१,असार ३० बुधवाः
सेयर बजाः परिसूचक नेप्से भचा कुहावंगु दु। न्हुगु सरकार गठन नाप बजेट व मौद्रिक नीतिबारे अप्वो लगानीकर्तापि अलमल जुया नेप्से परिसूचक १.०१ अंक जक थहावंगु दु।
बुधबाः निगुगु बजारय् २१४ कम्पनीया चार करोड ४७ लाख ३६ हजार ५३० कित्ता सेयर ५० हजार ५९१ पटक खरिद बिक्री जुया कारोबार रकम धास ५ अर्ब ६५ करोड ४५ लाख रुपैयाँ थ्यंगु दु। थ्व धइगु वंगु दिं स्वया झण्डै १ अर्ब स्वया अप्वो खः।
थौं कारोबार जुगु १३ उपसमूह मध्ये च्यांगु उपसमूह घटे जुगु दुसा जलविद्युत, फाइनान्स, होटल, म्युचल फण्ड व लगानी उपसमूह धासा भचा कुहावंगु दु।
हिमालयन पावर पार्टनर, नेपाल फाइनान्स, कालिका पावर कम्पनी व रसुवागढी हाईड्रोपावर कम्पनीया सेयर भाः ५ प्रतिशतं थहावःगु दु। निगुगु बजाः थौं बुधबाः हिमालयन पावर पार्टनरया सेयर भाः ८.१० प्रतिशतं थहा वंगु दु। उगु कम्पनीया लगानीकर्तापिन्स तसक नाफा कमेयागु दु सा नबिल ब्यालेन्स फण्ड लगायतया लगानी कर्तापिन्स बजारपाखे २ प्रतिशत घाटा जुगु दु ।
निर्वाचन आयोगं कार्यतालिका रद्द यात
लहानान्युज | दिल्लाथ्व चतुर्थी ११४१,असार ३० बुधवाः
निर्वाचन आयोगं मध्यावधि निर्वाचनया लागि सार्वजनिक यागु निर्वाचन कार्यतालिका रद्द यागु दु।
सर्वोच्च अदालतं प्रतिनिधिसभा पुनस्र्थापना यागुलि आयोगं मध्यावधि निर्वाचन तयारीया लागि सार्वजनिक यागु कार्यतालिका रद्द यागु दु। सर्वोच्चया आदेश कथं निर्वाचन कार्यतालिका रद्द जुगु दु धका प्रवक्ता राजकुमार श्रेष्ठं जानकारी बिगु दु।
वंगु जेठ ७ गते मन्त्रिपरिषदया सिफारिसय् राष्ट्रपति विद्यादेवी भण्डारीं प्रतिनिधिसभा विघटन याना कात्तिक २६ व मंसिर ३ गतेया लागि निर्वाचन घोषणा यागु खः।
उकिया लागि आयोगं असार २१ गते निर्वाचन कार्यतालिका सार्वजनिक यागु खः।
जग्गा प्रकरणया भ्रष्टाचार मुद्दाय् लाःम्ह गच्छदार अदालतय् हाजिर
लहनान्यूज | दिल्लाथ्व चतुर्थी ११४१,असार ३० बुधवाः
ललिता निवास जग्गा प्रकरणया भ्रष्टाचार मुद्दाय् लाःम्ह नेपाली काग्रेसया नेता विजयकुमार गच्छदार अदालतय् हाजिर जूगु दु ।
गच्छेदार थांै अदालतय् हाजिर जुयादिगु विशेष अदालतया सूचं अधिकारी नारद प्रसाद भट्टराईं जानकारी बियादिल । अदालतय् वय्कया न्हापांखुसी बयान जुई । वयां लिपाः थुनछेक बहस न्ह्याइगु धाःगु दु ।
थ्वयांन्ह्यः अदालतं सःतुबलय् उपस्थित मजुइवं वय्कयात फरार अभियुक्तया धलखय् तःगु खः । प्रहरीं वय्कया थाय्बाय् मलूगु धाःगु खः । अख्तियार दुरुपयोग अनुसन्धान आयागं ललिता निवास जग्गा प्रकरण् वंग २२ माघय् १७५म्ह विरुद्ध विशेष अदालतय् मुद्दा दायर याःगु खः । गच्छेदारविरुद्ध ९ क्वःति ६५लखः विगो जरिवाना माग याःगु दु ।
२०६६ सालय् माधवकुमार नेपाल प्रधानमन्त्री कार्यकालय् प्रधानमन्त्री निवासं चर्चे याःगु सच्छि व १४गू रोपनी सरकारी जग्गा नक्कली म्हेय हया व्यक्तिको नामय् न्ह्याकुगु प्रकरणय् अख्तियारं मुद्धा दायर याःगु खः ।
मुद्धा दायर जुगुलिइ दकले अप्वः शोभाकान्त ढकालं ४९ क्वःति ज्वलिंज्वया जरिवाना माग याःगु दु । ११०म्ह पाखें जग्गा लिप्mयाना कारबाही यायेगु व ६५म्हसिके जग्गा लिछ्याय्त अख्तियारं माग याःग्ु दु ।
उगु हे प्रहरणय् एमाले नेता विष्णु पौडेलयात धाःसा उन्मुक्ति बिउगु धासें केपी ओली सरकारयात तच्वंक कुख्यंगु खः ।
माथिल्लो तामाकोसीया निगूगु युनिट प्रसारण प्रणालीइ स्वात
दिल्लाथ्व चतुर्थी ११४१,असार ३० बुधवाः
माथिल्लो तामाकोसी जलविद्युत् आयोजनाया निगूगु युनिट राष्ट्रिय प्रसारण प्रणालीइ स्वागु दु ।
दोलखाया विगू गाउँपालिका लामाबगरय् निर्माण जूगु ४ सः व ५६गू मेगावाट क्षमताया आयोजनाया ७६ गू मेगावाट विद्युत् राष्ट्रिय प्रसारण प्रणालीइ स्वागु खः । निगूगु युनिट प्रणालीइ स्वायेधुंका आयोजनापाखें सच्छि व ५२गू मेगावाट विद्युत् उत्पादन जुयाच्वंगु अप्पर तामाकोसी हाइड्रो पावर कम्पनीं न्ह्यथंगु दु ।
आः हरेक १५न्हू दुने मेगु युनिटपाखें ल्यं दूगु ४गू युनिट छसिकथं उत्पादन यानावनेगु योजना दूगु कम्पनीं न्ह्यथंगु दु । आयोजनां उत्पादन याःगु विद्युत् गोंगरस्थित विद्युत् गृहनिसें ४७ गू किलोमिटर ताहाकःगु २सः व २०गू केभी डबल सर्किट प्रसारण लाइनपाखें न्यू खिम्ती सबस्टेसन थ्यंकुगु दु ।
अनपाखें खिम्ती–ढल्केबर प्रसारण लाइनं ढल्केबरस्थित ४००–२२० केभी सवस्टेसनय् थ्यंकुगु दु । न्यू खिम्ती सवस्टेशनय् माथिल्लो तामाकोसी लिसें ५४गू मेगावाटया लिखु खोलाया विद्युत तकं स्वागु दु ।
एमालेया अध्यक्ष ओलीं सरकारी निवास बालुवाटार त्वतल
लहानान्युज | दिल्लाथ्व चतुर्थी ११४१,असार ३० बुधवाः
नेकपा एमालेया अध्यक्ष नाप निवर्तमान प्रधानमन्त्री केपी शर्मा ओलीं सरकारी निवास बालुवाटार त्वतूगु दु।
ओलीया विदाईलय् दर्जनौं मोटर व मोटरसाइकल ज्वना एमाले कार्यकर्तापि बालुवाटारपाखे स्कर्टिङ यागु दु । तर वाः वःगुलि ओलीया लसकुस ¥यालीइ पंगः वःगु दु।
एमाले नेता महेश बस्नेतं ओलीया लसकुस यायेगु लागि बालुवाटारय् भेला जुइत कार्यकर्तापिन्त आह्वान यागु खः।
२८ असारय् सर्वोच्च अदालतं प्रतिनिधिसभा पुनःस्थापित यो प्रधानमन्त्रीइ शेरबहादुर देउवायार्त नियुक्त यायेत परमादेश बिया ओलीयात पदमुक्त यागु खः।
