Display Style:
Column Style
सार्वजनिक यातायातया भाडादर २८ प्रतिशत थकात
दिल्लाथ्व पंचमी ११४१,असार ३१ बिहीवाः
यातायात व्यवस्था विभागं सार्वजिनक सवारीया भाडादर तच्वकं थकाःगु दु ।
आः कायम दूगु भाःवय् २० गू निसें २८ गू प्रतिशत तक्क भाडादर थकाःगु खः । विभागया कथं यात्रुबाहक सवारीया भाडा दक्वःलय् आपा २८गू प्रतिशतं थाहाँवंगु दु ।
अथेहे , पहाडी लँपूइ सञ्चालन जुइगु मालवाहक सवारीया भाडा २०गू प्रतिशत थाहाँवंगु दु । तराईया लँपूइ सञ्चालन जुइगु मालवाहक सवारीया भाडा २६गू प्रतिशतं थहाँवंगु विभागं न्ह्यथंगु दु ।
सार्वजनिक यातायात सञ्चालन लिसें सम्बन्धित लगानी व खर्चया खँय् विभागं याःगु बजाः अध्ययन, विश्लेषण, सरोकारवाला पक्षलिसे जूगु परामर्शया लिधंसाय् भाडा समायोजन जूगु विभागया दाबी दु ।
श्रमिकया पारिश्रमिक, इन्धन, टायर, ब्याज, सञ्चालन खर्च, ह्रासकट्टी व सञ्चालन मुनाफा लिसेंया मू सूचकय् थहाँवंगु भाःया लिधंसाय् भाडाय् समायोजन जूगु विभागं न्ह्यथंगु दु ।
असार २७ गते थुगु ससम्बन्धी प्रस्तावय् भौतिक पूर्वाधार तथा यातायात मन्त्रालयं सहमति बिउगु खः ।
निषेधाज्ञाबारे छलफल थौं सहलह जुइगु
लहानान्युज | दिल्लाथ्व पंचमी ११४१,असार ३१ बिहीवाः
निषेधाज्ञाबारे छलफल यायेत स्वनिगःया प्रमुख जिल्ला अधिकारीपिनिगु बैठक थौं च्वनेत्यःगु दु।
उगु बैठक न्हिनसिया ४ बजे च्वनिइगु जुगु दु धका येँया प्रमुख जिल्ला अधिकारी कालीप्रसाद पराजुलीं जानकारी बिगु दु।
बैठकय् तापाक्क वनेगु सार्वजनिक यातायातया साधन सन्चालन सम्बन्धय् छलफल जुइ धका धागु दु ।
स्वनिगलय् वंगु वैशाख १६ गतेनिसे जारी जुगु निषेधाज्ञाया ई थौं चान्ह्य १२ क्वचाये त्यःगु दु।
पेट्रोलियम पदार्थया भाः छतका क्वहावल
शोभा श्रेष्ठ | दिल्लाथ्व पंचमी ११४१,असार ३१ बिहीवाः
नेपाल आयल निगम लिमिटेडं पेट्रोलियम पदार्थया भाः छतका क्वकागु दु।
नेपाल विद्यार्थी संघ, अनेरास्ववियु क्रान्तिकारी, अनेरास्ववियु, समाजवादी विद्यार्थी युनियन व अखिल छैटौं न भाः थकागुलि आन्दोलन यागु खः।
निगम सञ्चालक समितिया निर्णय कथं थौ चान्ह्य १२ बजेनिसे लागू जुइ कथं पेट्रोल व डिजल÷मचिकंया भाः लिटरं छतका क्वकागु खः।
आः पेट्रोल छगु लिटरया १२८ व डिजल नाप मचिकंया भाः १११ रुपैयाँ कायम यागु दु ।
गृह मन्त्रालयं एआईजीया सरुवा रोके यात
लहानान्युज | दिल्लाथ्व चतुर्थी ११४१,असार ३० बुधवाः
वंगु सरकारं यागु नेपाल प्रहरीया अतिरिक्त महानिरीक्षक (एआईजी) या सरुवा गृह मन्त्रालयं रोके यागु दु।
गृहमन्त्री बालकृष्ण खाँडं वंगु सरकारं यागु एआईजी सरुवा कार्यान्वयन मयायेत प्रहरी प्रधान कार्यालययात निर्देशन बिगु दु धका मन्त्रालयया स्रोतं धागु दु।
मन्त्रालयं एआईजीपिनिगु सरुवा मयायेत निर्देशन बिगु दु । केपी शर्मा ओली नेतृत्वया मन्त्रिपरिषदं असार २४ गते च्वंगु बैठकं एआईजीपिनिगु सरुवा यागु खः।
उपत्यका प्रहरी कार्यालय, रानीपोखरीया प्रमुख हरिबहादुर पाल कार्य विभागय् छ्वंगु दु। तर प्रहरी महानिरीक्षक शैलेश थापां थःम्हेसिया दयकूगु आचारसंहिता विपरित दँच्छि मदयक वयात सरूवा यागुलि आलोचना जुगु खः।
बालुवाटार पालं विपक्षी गठनबन्धनयात ग्वाहालि यागु आरोप बिगु खः । पालया थासय् वया हे ब्याची प्रद्युम्न कार्कीया सरूवा यागु खः । प्रशासन विभागया निरजबहादुर शाहीयात अपराध अनुसन्धान विभागया जिम्मा बिगु खः।
अपराध अनुसन्धान विभागय् एआईजी विश्वराज पोखरेल प्रहरी प्रशिक्षण प्रतिष्ठान छ्वःगु दु।
नेपाली कांग्रेसया उपसभापति विजयकुमार गच्छदार १० लाख धरौटी बुझे याना रिहा
लहानान्युज | दिल्लाथ्व चतुर्थी ११४१,असार ३० बुधवाः
बालुवाटार जग्गा प्रकरणय् भ्रष्टाचार मुद्दा लगे जुयाच्वम्ह नेपाली कांग्रेसया उपसभापति विजयकुमार गच्छदार धरौटी बुझे याना रिहा जुगु दु।
गच्छदार विशेष अदालतय् थौं बुधबाः १० लाख रुपैयाँ धरौटी बुझेयाना रिहा जुगु धका प्रवक्ता पुष्पराज पाण्डेय जानकारी बिगु खः।
ललिता निवास जग्गा मनूया नामय् दर्ता यागु द्धपंनय् गच्छदार ताः ईनिसे फरार जुयाच्वम्ह थौं बुधबाः विशेष अदालतय् हाजिर जुगु खः।
