वाःया लिपागु दिं बिहीवा सेयर बजाःया भाः थहावंगु दु।

सेयर करोबार मापक नेप्से परिसूचक दोहोरो अंकं थहावगु व्यापार व ‘मेगु’ बाहेकया दक्को थहावंगु दु। नेप्से परिसूचक २३ दशमलव ७६ अंक थहावना २ हजार ८२४ दशमलव ८९ अंक थ्यंगु दु।

‘क’ वर्गया कम्पनीया कारोबार मापन याइगु सेन्सेटिभ इन्डेक्स न ४ दशमलव ४१ अंक थहावंगु दु। कारोबार रकम धासा ५ अर्ब मथ्यं। न्हिच्छियकं जुगु १ हजार ८६८ कारोबारपाखे २२३ कम्पनीया १ करोड ३१ लाख ४३ हजार २४० कित्ता सेयर किनबेच जुगु दु। उकिपाखे कारोबार रकम ४ अर्ब ८१ करोड ५५ लाख २० हजार २९४ रुपैयाँ थ्यंगु दु।

बिहीवाः दकलय् अप्वो फाइनान्स कम्पनीया समूहगत सवइन्डेक्स थहावंगु दु। फाइनास ३ प्रतिशत स्वया अप्वो थहावंसा विकास बैंक २ प्रतिशत च्वय् व लघुवित्त समूह १ प्रतिशत थहावंगु दु। दकलय् अप्वो गुहेश्वरी मर्चेन्ट फाइनान्सया सेयर भाः करिब १० प्रतिशत थहावंगु दु। राष्ट्रिय बिमा कम्पनीया संस्थापक समूहपाखे सेयर भाः छगुकित्ता १ हजार ८४ रुपैयाँ थहावंगु दु।

स्वास्थ्य तथा जनसंख्या मन्त्रलयया कथं थौं दकलय् अप्वो येँ २८७ म्हेसित कोरोना संक्रमितपि थपे जुगु दु।

अथेहे सुनसरीइ ११८म्ह, कास्कीइ १०५म्ह, यलय् ८२म्ह, मोरङय् ६५म्ह, चितवनय् ६०म्ह व ख्वपय् ५८ म्ह कोरोना संक्रमण पुष्टि जुगु दु।

अथेहे रुपन्देहीइ ४७, नवलपरासी पूर्वय् ३९, काभ्रेपलाञ्चोकय् २९, झापा व मकवानपुरय् २८÷२८ म्ह, पाल्पाय् २३, नुवाकोटय् २२, स्याङजाय् २१ म्हेसित कोरोना संक्रमित थपे जुगु दु।

सुर्खेतय् १७, नवलपरासी पश्चिम व बर्दियाय् १४÷१४ म्ह, कैलालीइ १२ व बाँकेय् १० म्हेसित कोरोना संक्रमण खनेदुगु दु धका मन्त्रालयं धागु दु।

वंगु २४ घण्टाया दुने १ हजार ८७५ म्हेसित कोरोना भाइरस संक्रमण पुष्टि जुगु दु।

५ हजार ३७४ पीसीआर परीक्षण यागुलि १ हजार २१८ म्ह व ५ हजार १३० म्ह एन्टिजेन परीक्षणय् ६५७ याना १ हजार ८७५ म्हेसित कोरोना भाइरस संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

अथेहे वंगु २४ घण्टाय् कोरोना संक्रमणं २९ म्ह सीगु दु। १ हजार २८६ म्ह थौं कोरोनामुक्त जुगु दु। थ्व नाप आःतक नेपालय् कोरोना संक्रमित जूपि ६ लाख ५१ हजार ३८० म्ह थ्यंगु दु। उकि मध्ये ९ हजार ३२० म्ह सी धुकुगु दु सा ६ लाख १५ हजार ६१३ म्ह संक्रमणमुक्त जुगु दु।

मन्त्रालय बिगु जानकारी कथं देयन्यक सक्रिय संक्रमितपि २६ हजार ४४७ म्ह दु। उकि मध्ये २३ हजार ६९२ म्ह होम आइसोलेसनय् दु सा २ हजार ७५५ म्ह संस्थागत आइसोलेसनय् न दु।

चितवनया माडीइ बुधवाः चान्ह्यः निसे वाः वया खुसिइ बाः वगुलि अनया बस्ती डुबानय् जुगु दु।

खुसि बाः वया अनया ड्याम कटान याना माडी–३ मलाहीटोल डुबानय् जुगु दु धका इलाका प्रहरी कार्यालय माडीं धागु दु। अनया छेँ छेँय् न लः दुहावंगु दु।माडीया हे डांग्रे खुसिँ बाः बया बरुवा बजारय् सुकुमबासी बस्ती डुबानय् लागु दु।

माडी नगरपालिका–७ या परुई खुसिँ बाः वया चेपाङ बस्ती न डुबानय् जुगु दु।  रिउ खुसिइ लःया सतह थहावया गर्दी व सेरुवा गाउँ उच्च जोखिमय् लागु दु।