बुधवाः सेयर कारोबार मापक नेप्से परिसूचक दोहोरो अंक क्वहावंगु दु।

लघुवित्त वित्तइि संस्था व विकास बैंकया सेयर भाः थहावंगु दु। नेपाल स्टक एक्सचेञ्ज कारोबार जुगु मेगु दक्को समूहगत सवइन्डेक्स क्वहावंगु दु सा विकास बेंक व माइक्रोफाइनान्स समूहया सवइन्डेक्स धासा थहावंगु दु।

विकास बैंक ११ दशमलव ०६ अंक व लघुवित्त समूह १९ दशमलव १९ अंक थहावंगु दु। दकवलय् अप्वो उत्पादनमूलक व होटल नाप पर्यटन २ प्रतिशत स्वया अप्वो क्वहावःगु दु। नेप्से परिसूचक १६ दशमलव ९७ अंक क्वहावया २ हजार ८०१ अंकय् थ्यंगु दु।

बुधवाः ५ अर्ब ५८ करोड ५८ लाख रुपैयाँ अप्वो कारोबार जुगु खः। दकलय् अप्वो सिभिल लघुवित्तया लघुवित्तं कमे यागु दु सा दकलय् अप्वो माथिल्लो तामाकोशी कम्पनीया लगानीकर्तापिन्स गुमे यागु दु।

स्वास्थ्य तथा जनसंख्या मन्त्रालयया निगु जानकारी कथं स्वनिगलय् ५४३ म्हेसित कोरोना सक्रमित जुगु दु।

अथेहे येँ जक ३९०म्हेसित कोरोना सक्रमित जुगु दु। यलय ८६ म्ह व ख्वपय् ६७ म्हेसित पुष्टि जुगु दु। अथेहे मन्त्रालयया कथं कास्कीइ २१०म्ह, चितवनय् २०६म्ह, झापाय् १६९म्ह, सुनसरीइ १२४ म्ह व मोरङय् १२३ म्हेसित कोरोना संक्रमण खनेदुगु खः।

नवलपरासी पूर्वय् ७२म्ह, मकवानपुरय् ६८म्ह, काभ्रेपलाञ्चोकय् ६५म्ह, कैलालीइ ५१म्ह, रुपन्देहीइ ४२ म्ह कोरोना संक्रमित थपे जुगु दु।

नुवाकोटय् ३७म्ह, तनहँुइ ३५म्ह, पाल्पाय् २६म्ह, बर्दियाय् २१म्ह, सिन्धुपाल्चोक व स्याङजाय् २०÷२० म्ह, जुम्लाय् १९ म्ह, धनकुटाय् १७म्ह, गोरखाय् १५म्ह, दाङय् १३म्ह, धादिङय् १२म्ह, कञ्चनपुरय् ११ म्हेसित कोरोना संक्रमण पुष्टि जुगु दु धका मन्त्रालयं धागु दु।

वंगु २४ घण्टाया दुन थप २९७९ म्हेसित कोरोना संक्रमण पुष्टि जुगु दु।

अथेहे २८ म्ह कोरोना संक्रमितपि सीगु दु। स्वास्थ्य तथा जनसंख्या मन्त्रालयया कथं देयन्यक ७८३५ म्हेसिगु पीसीआर टेष्ट यागुलि २०७७ म्ह संक्रमण पुष्टि जुगु खः।

देयन्यक ४०६३ म्हेसिगु एन्टिजेन परीक्षण यागुलि ९०२ म्हेसित संक्रमण पुष्टि जुगु खः।

नेवाः देय् दबुया संस्थापक प्राध्यापक जीवेश्वर लाखे ८४ दँया बैशय् मन्त।

गल ब्लाडरय् इन्फेक्सन जुया वंगु असार १३ गते येँया मोडल हस्पिटलय् वासः याना च्वनादिम्ह खः।

वयकलं प्यंगु दशकं न्ह्यः  पत्रकारीता यानादीम्ह खःसा बिराटनगर प्रेस क्लबया पूर्व अध्यक्ष, मदर ल्याण्ड अंग्रेजी दैनिक व समाज दैनिकया संबाददाता प्रतिनिधि जुया ज्या याना कानून ब्यबसायीलिसें प्राध्यापक तक जुयादिइम्ह खः।

नेकपा (एमाले)या कार्यदल यागु बैठक थौ न च्वनेत्यंगु दु।

थौं च्वनेत्यंगु बैठकय् सर्वोच्च अदालतया फैसला लिपा पुनर्जीवित एमालेया संगठनात्मक प्रणालीया विषय छलफल जुगु दु।

थ्व स्वया न्ह्यः म्हिगः मंगलवाः च्वंगु बैठकय् पार्टी खने दुगु समस्या गये याना समाधान याये फइगु धइगु विषय कार्यदल सदस्यपिन्स धारणा तःगु खः।

थौंया बैठकय् उगु बिषय छलफल जुइत्यंगु खः।