Display Style:
Column Style
पेट्रोलया भाः हाकनं थकाल
शोभा श्रेष्ठ | बछलागा त्रयोदशी ११४१,असार २३ बुधवाः
नेपाल आयल निगमं हाकनं थौंनिसे इन्धनया भाः थकागु दु।
वंगु असार १० गते चान्ह्य १२ बजेनिसे लागू जुइ कथं निगमं पेट्रोलया भाः छगु लिटरय् १२७ रुपैयाँ थ्यंकूगु खः।
हाकनं छगु लिटरय् नितका थकान पेट्रोलया भाः १२९ रुपैयाँ थ्यकूगु दु। डिजेल व मचिकं न छगु लिटरय् नितका थकागु दु।
हवाई इन्धन आन्तरिकपाखे छगु लिटरय् नितका थकाया ८४ रुपैयाँ, हवाई इन्धन (अन्तर्राष्ट्रिय) य् छगु किलोलिटरय् १९ अमेरिकी डलर थकाया ७४५ डलर थ्यकूगु दु।
अथेहे ग्यास छगः सिलिण्डरय् २५ रुपैयाँया थकाया १४ सय २५ रुपैयाँ कायम यागु दु।
भेरोसेल खोपया निगूगु डोज थौंनिसें न्ह्यात
बछलागा द्धादशी ११४१, असार २२ मंगलवाः
कोरोनाविरुद्धया भेरोसेल खोपया न्हापांगु डोज तयेकेधुंकूपिन्त थौंनिसें निगूगु डोज काःगु दु ।
सरकारं जेठ २५ गतेनिसें २९ गतेतक देय्न्यंकं ६०दँनिसें ६४दँ वैंश पुचःया नागारिकतय्त भेरोसेलया न्हापांगु डोज तयेकूगु खः ।
न्हापांगु डोज काःपिं ३गू लख ७०द्वम्ह मनूतय्त थौं निगूगु डोजया खोप न्ह्याकागु स्वास्थ्य सेवा विभागया खोप शाखां जानकारी बिल ।
न्हापांगु खोप अभियानय् भेरोसेल खोपया निगूगु डोज त्वःफ्यूपिन्सं न थ्व ईलय् निगूगु डोज कायेफइगु यानाः व्यवस्था यानातःगु दु ।
खोप कायेत न्हापांगु डोज काःबलय् ब्यूगु म्हासुगु कार्ड अनिवार्य यानातःगु दु । न्हापांखुसि ६०दँनिसें ६४दँ वैंश पुचःया ज्याथःजिथिपिं नागरिकपिन्त भेरोसेल खोपया न्हापांगु डोज तयेकूगु खः ।
खोप अभियान देय्न्यंकं न्ह्यात । थ्वहेदथुइ येँया स्वास्थ्य ज्याकुथीं ३२गू थासय् खोप केन्द्र क्वःछ्यूना निगूगु डोन बियाच्वंगु दु ।
वल्र्ड नेवाः अर्गनाइजेसनया न्ह्यसः लिसः कासा जुइगु
बछलागा द्धादशी ११४१, असार २२ मंगलवाः
वल्र्ड नेवाः अर्गनाइजेसन, डब्लुएनओया ग्वसालय् न्ह्यसः लिसः कासा याइगु जूगु दु ।
हलिंन्यंकंया नेवाःतय्गु मंका संस्था, डब्लुएनओं विज्ञप्ति सार्वजनिक यानाः कासा जुइगु विषयलय् जानकारी ब्यूगु खः । हलिं नेवाः न्ह्यसः लिसः कासा ११४१या नामं जुइत्यंगु कासाय् नेपाःलिसें विदेशय् च्वनाच्वंपिं नेवाःनापं नेवाः भाय् सःपिं अले नेवाः भाय्यात मतिना याइपिं न्ह्याम्हेसिनं नं ब्वति काये फइगु धागु दु ।
कोरोना संक्रमणया जोखिमयात मध्यनजर यानाः भर्चुअल प्रविधिया माध्यमं कासा जुइगु धागु दु । नेपाःपाखें ब्वति कायेत द्वछि तका व विदेशय् च्वंपिंत २५तका अमेरिकी डलर पुलेमाः । कासाय् ब्वति कायेत डब्लुएनओया वेब पेजय् वनाः फाराम जायेके फइगु धागु दु ।
वइगु गुंलाथ्व षष्ठि अथेधइगु साउन ३० गतेनिसें न्ह्याइगु न्ह्यसः लिसः कासाय् ब्वति काइपिंसं दिल्लागा सप्तमी, साउन १७ गतेदुने नां दुथ्याकेत इनाप याःगु दु ।
कासाय् न्हापयात ६सः अमेरिकी डलर, लिउयात ४००सः, लियांलिउयात ३००सः अले हःपाःयात सत्या अमेरिकी डलर सिरपाः बीगु धागु दु ।
कासा मू ग्वसाः पुचलय् अमेरिका, क्यानाडा, बेलायत, आयरल्याण्ड, बेल्जियम, इस्टोनिया व न्यूजिल्याण्डपाखें नं प्रतिनिधित्व दु ।
निर्वाचन आयोगय् जसपाया निगु हे पक्षयात थौं छलफलया लागि सःतूगु दु
लहानान्युज | बछलागा द्धादशी ११४१,असार २२ मंगलवाः
निर्वाचन आयोगं जनता समाजवादी पार्टी (जसपा)या निगु हे पक्षयात थौं छलफलया लागि सःतुगु दु।
आयोगया प्रवक्ता राजकुमार श्रेष्ठं थौं सुथय् ११ बजे जसपाया नेतापिन्त सहमतिया लागि सःतूगु खः। लिपागु सहमतिया लागि सःतुगु छलफलय् निगु हे पक्ष सहभागी जुइगुलि आयोगं सहमतिया लागि कुतः व सहमति मजुसा निगु हे पक्षया दाबीया आधारय् निर्णयया प्रक्रिया सुरु जुइ धका प्रवक्ता श्रेष्ठं धागु दु।
निगु पक्षया नेतापि थःथःगु अडानय् कायम जुगुलि सहमतिया सम्भावना कम खनेदु। जसपाया उपेन्द्र यादव पक्ष व महन्थ ठाकुर पक्ष दथुइ आधिकारिकताया विवाद जुगु खः। उगु इलय् आयोगं थुगु विवाद दलया आधिकारिकता सम्बन्धी जुगु धासे राजनीतिक दलसम्बन्धी ऐनया दफा ४४ कथं निरुपणया लागि वयेत इनाप यागु खः।
एमाले एकता यायेगु कार्दलया बैठक थौं च्वनिइगु
लहानान्युज | बछलागा द्धादशी ११४१,असार २२ मंगलवाः
नेकपा (एमाले) एकता यायेगु निति गठन जुगु कार्दलया बैठक थौं मंगलवाः च्वने त्यंगु दु।
थौं न्हिनसियो १ बजे सिंहदरबार उगु बैठक च्वनेत्यंगु धका एमाले सचिव गोकर्ण विष्टं जानकारी बिगु दु। एमाले विवाद तच्वंयावंगुवि निस्क्रिय जुगु कार्यदल हाकन सक्रिय जुगु खः।
कार्यदलं सोमवाःनिसे औपचारिक कथं एमाले दुने समस्या समाधानया लागि ज्यान्ह्याकूगु दु। सोमवाः प्रधानमन्त्री तथा मन्त्रिपरिषद् कार्यालय, सिंहदरबार कार्यदलया बैठक च्वंगु खः
कार्यदलय् अध्यक्ष केपी शर्मा ओलीया पाखे सुवास नेम्वाङ संयोजकत्वय् सदस्यपि विष्णुप्रसाद पौडेल, प्रदीप ज्ञवाली, शंकर पोखरेल व विष्णु रिमालपि च्वंगु खः।
वरिष्ठ नेता माधवकुमार नेपालया पाखे भीम रावलया संयोजकत्वय् सदस्यपि सुरेन्द्र पाण्डे, घनश्याम भुसाल, गोकर्ण विष्ट व रघुजी पन्तपि च्वंगु खः।
