स्वनिगः दुने २४ घण्टाय् ३३७ म्हेसित कोरोना संक्रमण पुष्टि जुगु दु।

वःगु २४ घण्टाय ११ हजार ६९६ म्हेसिगु स्वाब नमुना परीक्षण यागुलि देयन्यक २ हजार ४०१ म्हेसित संक्रमण खनेदुगु दु।

उकि मध्ये स्वनिगलय् जक ३३७ म्ह संक्रमितपि थपे जुगु दु। वंगु २४ घण्टाय् येँ जक २०१ म्हेसित सक्रमण पुष्ट जुगु दु।

अथेहे, यलय् ९२ म्ह व ख्वपय् ४४ म्ह संक्रमितपि थपे जुगु दु।

वंगु २४ घण्टा दुने थप २ हजार ४०१ म्ह कोरोना संक्रमण पुष्टि जुगु दु।

अथेहे थप ३४ म्ह सीगु दु धका स्वास्थ्य तथा जनसंख्या मन्त्रालयं धागु दु।

वंगु २४ घण्टाय् ३ हजार ६६० म्ह कोरोना संक्रमणमुक्त जुगु दु।

विश्व स्वास्थ्य संगठन (डब्ल्यूएचओ)या महानिर्देशक डा. टेड्रोस एडहानोम गेहब्रेयसं मुस्ताङय् नेपाली स्वास्थ्यकर्मीपिन्स कोरोना खोप खुसिइ छिला भिडियो ट्वीट यागुलि प्रशंसा यानादीगु दु।

वंगु असार १ गते मुस्ताङया छापताङ खुसिइ खोप चुकिइ धका स्वास्थ्यकर्मीपिन्स कठ्ठीया ग्वाहालि खुसिइ छिगु सामाजिक सञ्जालय् नेपाली प्रयोगकर्तापिनिगु न्ह्यने भाइरल जुगु दृश्यय् डब्ल्यूएचओया महानिर्देशकं ट्वीट यासे प्रशंसा यानादीगु खः।

स्वास्थ्यकर्मीपि जीवनरक्षाया लागि गुलि तक तापाक वनाच्वंगु दु,’ महानिर्देशक टेड्रोसं धागु दु, खोपया समान वितरणया वकालत यानावाच्वम्ह टेड्रोसं खोपया समान वितरणया लागि झीगु शक्ति व कर्तव्य कथं गुलि फु उलि यायेमा आः मयासा गुवलय् यायेगु ?

कोभिड–१९ संक्रमण आः घटे जुयावंगुलि देयन्यकया अस्पतालय् आईसीयू व भेन्टिलेटरय् बिरामीपि न घटे जुयावंगु दु।

म्हिगः शुक्रवाः १३०३७ नमुना परीक्षणय् २७६८ म्हेसित संक्रमण पुष्टि जुगु खः।शुक्रवाः अस्पतालय् आईसीयूलय् ८७२ म्ह व भेन्टिलेटरय् २४६ म्ह संक्रमित उपचार याना च्वंगु खः।

संक्रमण भचा घटे जुगुलि अस्पतालय् आईसीयू व भेन्टिलेटरय् न बिरामीपि घटे जुयावंगु दु धका स्वास्थ्य तथा जनसंख्या मन्त्रालयया तथ्यांकय् उल्लेख दु। जेठ २२ निसे २८ गते तक न्ह्यन्हुया दुने मूल्यांकन याये वलय आईसीयूलय् दकलय् अप्वो १४५१ म्ह संक्रमित उपचार यानाच्वंगु खने दुगु खःसा भेन्टिलेटरय् ३९७ म्ह उपचार यानाच्वंगु खः।

थुगु वाःया लिपागु दिं जेठ २८ गते तक आईसीयूलय् ११८९ व ३६६ म्ह भेन्टिलेटरय् तया उपचार यानाच्वंगु दु।

किपुलिइ क्रियाशील न्ह्यगु संगठनं मंकाः कथं किपू नगरपालिकायात वइगु नगरसभां सांस्कृतिक संरक्षित क्षेत्र घोषणा यायेगु नीति पारित यानाः कार्यान्वय यायेगु नितिं माग याःगु दु।

किपू नगरपालिकाया उपमेयर सरस्वती खड्का रिजालयात हलिं नेवाः गुथि केन्द्र, नेवाः देय् दबू किपू नगर समिति, आदिवासी नेवाः जागरण अभियान किपू, हलिं नेवाः गुथि किपू, नेवाः विद्यार्थी युनियन, हलिं नेवाः गुथि अमल्सि व हलिं नेवाः गुथि गःछेँ कचां माग याःगु खः। किपू नगरपालिकां निस्वंगु सांस्कृतिक संरक्षित क्षेत्र घोषणा यानाः कार्यदलया प्रतिवेदन व प्रस्तावित ऐनयात वइगु नगरसभां पारित यानाः कार्यान्वय यायेगु नितिं माग यासें उगु पौ लःल्हाःगु खः।

किपू नगरया उपमेयर खड्कां नगरसभाय् सांस्कृतिक संरक्षित क्षेत्र घोषणाया प्रस्ताव यंकेगु प्रतिबद्धता प्वंकूगु खः। उगु पतिइ, ‘किपू नगरपालिकां नीस्वंगु किपू सांस्कृतिक संरक्षित क्षेत्र घोषणा अध्ययन कार्यदलं जेठ ११ गते पेस याःगु प्रतिवेदन व किपू नगर सांस्कृतिक संरक्षित क्षेत्र सम्बन्धी व्यवस्था यायेत दयेकूगु ऐन २०७८ सम्बन्धय् जिपिं आबद्ध तपशिल संघ संस्थाया सरोकार सम्बन्ध दूगुलिं उगु ऐन किपू नगर समुदायया बृहत्तर हित अनूकुल खनेदूगुलिं उगु ऐन वइगु नगरसभा नगर परिषदय् पेश यानाः पारित यायेगु व कार्यान्वयन यायेत दुनुगलंनिसें इनाप यानाच्वना ।’