येँ महानगरपालिकां राहत व उद्दारया लागि सिन्धुपाल्चोकया निगु गाउँपालिका पाँचपोखरी थाङपाल व हेलम्बुयात ५०–५० लाख बिइगु घोषणा यागु दु।

येँ महानगरपालिकाया मेयर विद्यासुन्दर शाक्यं नगरसभाया गुक्वःगु अधिवेशन न्हापागु वैठकय् सम्वोधन यानादीसे येँ महानगरपाखे मेलम्ची नगरपालिकायात २ करोड ग्वाहालि यायेगु  घोषणा यानादी धुकुगु दु।

मेलम्ची खुसिइ बाःवया यक्को धन–जनको क्षति जुुगुलि राहत व उद्दारया लागि उगु रकम ग्वाहालि यायेगु घोषणा मेयर शाक्यं यायेगु जानकारी बियादीगु खः। मेलम्ची नगरपालिका येँ महानगरनाप भगिनी सम्वन्ध स्थापित नगर खः ।

उगु नगरयात थ्व स्वया न्ह्यः न नगर–नगर साझेदारी ज्याझ्वः कथ अन्तरगत महानगरपालिकां मेलम्ची नगरपालिका वडा नं.१० मेलम्चीबजारया नाप इन्द्रावती खुसिइ लःया फोहरा, हेलिप्याड, पर्यटक विश्रामस्थल, मचापिन्त खेलकुद कक्ष नाप रमणीय व पर्यटकीय मेलम्ची सिटी पार्क निर्माणया लागि १ करोड ५० लाख रकम अनुदान बिइगु सम्झौता–पत्रय् हस्ताक्षर याये धुकुगु खः।

वाङमय शताब्दी पुरूष डा.सत्यमोहन जोशी वासः याकाः थौं छेँय् लिहाँ झाःगु दु ।

गुन्हु तक यलया किष्ट अस्पतालय् वासः याकाः गुन्ु लिपा डिस्चार्ज जुगु खः।

सासः ल्हायेगु समस्या, छातीइ संक्रमण व मुटुया चालय् समस्या जुगुलिं उपचारया लागि वंगु जेठ २६ य् अस्पताल भर्ना जुयादीगु खः।

वाङमय शताब्दी पुरूष जोशीयागु किष्ट अस्पतालं निःशुल्क उपचार याना वयाच्वंगु दु।

लुँया भाः थौं न क्वहावंगु दु। थौं लुँया भाः तोलां  १ हजार २ सय रुपैयाँ क्वहावंगु खः।

लुँ तोलां ९० हजार आठ सय रुपैयाँ कायम जुगु दु धका नेपाल सुनचाँदी व्यवसायी महासङ्घं धागु दु। लुँ म्हिगः न तोलां ११०० रुपैयाँ तोलां क्वहावया ९२ हजार रुपैयाँ जुगु खः।

अथेहे वहः तोला न ३५ रुपैयाँ घटे जुगु दु। म्हिगः वहः तोलाया १३ सय ४० रुपैयाँ जुगु खःसाः थौं तोलाया १३ सय ५ रुपैयाँ कायम जुगु धका महासङ्घं धागु दु।

नेपाली कांग्रेसया पूर्वसांसद कृष्णसिंह परियार ७५ दँया उमेरय् थौं शुक्रवाः सुथय् मन्त।

मदुम्ह परियार जलास्यँ (किडनी), मधुमेह व उच्च रक्तचापपाखें पीडित जुयाच्वंम्ह बाँकेया नेपालगञ्जय् च्वंगु थःगु हे निवासय् मदुगु खः।

मदुम्ह परियार २०४८ सालय् सांसद निर्वाचित जुयादीगु खः ।

प्रतिबन्धितकालय् परियारं नेपाली कांग्रेस बाँकेया सचिव जुया ज्या याःगु खः ।