नेवाः देय् दबू स्वनिगः विशेष प्रदेश अन्तर्गत दुगु स्वंगू जिल्लाय् शनिवाः माघ १२ गते छन्हुं हे प्यंगू पालिकाया अधिवेशन क्वचाःगु दु।

देय् दबू स्वनिगः विशेष प्रदेशया नायः श्रीकृष्ण महर्जनं बियादीगु जानकारी कथं येँ जिल्लाया कागेश्वरी मनहरा नगरपालिकाय् न्हापांगु अधिवेशन, ख्वप जिल्लाया ख्वप नगरपालिकाय् निक्वःगु अधिवेशन व यल जिल्लाया यल महानगरपालिकाया निक्वःगु अधिवेशन व गोदावरी नगरपालिकाया निक्वःगु अधिवेशन याना प्यंगू हे पालिकाय् न्हूगु नेतृत्व ल्ययेगु ज्या जूगु दु।

यल जिल्लाया यल महानगरपालिकाया निक्वःगु अधिवेशनं विजयराज शाक्ययात नायः कथं सर्वसम्मतं ल्यःगु दु। अथे हे बरिष्ठ न्वकू शर्मिला महर्जन, न्वकूपिं किरण महर्जन, मिली महर्जन, छ्याञ्जेपिं सुरेन्द्र महर्जन, सुलक्ष्या महर्जन, दांभरी सवर्ण महर्जन अथे हे दुजलय् राम महर्जन, सुमित्रा श्रेष्ठ, भगवती महर्जन, धर्मलाल महर्जन, सनिष महर्जन, मिना महर्जन, समिकपुर महर्जन, दिनेश महर्जन व मित्र महर्जन सर्वसम्मतं ल्यःगु दु।

अथे हे यल जिल्लाया हे देय् दबू गोदावरी नगर समितिया निक्वःगु अधिवेशन नं शनिवाः हे क्वचाःगु दु। उगु अधिवेशनं न्हूगु नेतृत्व ल्यःगु दु। नायः राम डंगोल, बरिष्ठ न्वकू उमेश लाल श्रेष्ठ, न्वकूपिं गजेन्द्र महर्जन, रिना माली, छ्याञ्जे शानित डंगोल, दांभरी रामलाल महर्जन व दुजलय् राजेन्द्र देशार, रमण श्रेष्ठ, दशबहादुर महर्जन, शरण महर्जन, हरि महर्जन व राजन शाही सर्वसम्मतं ल्यःगु दु।

उगु हे कथं दय् दबूया येँ जिल्ला अन्तर्गत दुगु कागेश्वरी मनहरा नगर समितिया नं न्हापांगु अधिवेशन जूगु दु। अधिवेशनं सन्तोष श्रेष्ठयात नापं कथं झिंप्यम्हेसिया न्हूगु नेतृत्व ल्यःगु दु। बरिष्ठ न्वकू राजेन्द्र श्रेष्ठ, न्वकूपिं अनिल श्रेष्ठ, सम्झना श्रेष्ठ, छ्याञ्जे श्रीकुमारी श्रेष्ठ, सुशान्त श्रेष्ठ, दांभरी कृष्णमान श्रेष्ठ, दुजलय् कृष्ण श्रेष्ठ, सुदिप श्रेष्ठ, बालकृष्ण नगरकोटी, दिलबहादुर श्रेष्ठ, रोहन श्रेष्ठ, रंजित श्रेष्ठ व दिपेश श्रेष्ठयात ल्यःगु दु।

देय् दबू ख्वप नगर समितिया निक्वःगु अधिवेशनं नं न्हूगु नेतृत्व ल्ययेगु ज्या जूगु दु। न्हूगु नेतृत्व कथं नायः कृष्णप्रसद प्रजापति, बरिष्ठ न्वकू मिमला शर्मा नापं याना सकल ज्यासना पुचःया दुजःपिं सर्वसम्मत कथं ल्यःगु दु।

फेन्सी व्यवसायी संघ, नेपालं येँया खुसिबुँइ ‘फलफूल चोक (पहिको चोक) य् स्वक्वः सतक महोत्सव’ तःजिक याःगु दु।

फेन्सी व्यवसायी संघ, नेपालया अध्यक्ष रोशन श्रेष्ठया सभाध्यक्षताय् जुगु उगु ज्याझ्वलय् मूपाहाँ कथं येँ महानगरपालिकाया उपमेयर सुनिता डंगोलं ब्बति कयादीगु खः। मूपाहाँ उपमेयर डंगोलं थज्यागु सतक महोत्सवं व्यवसायी दथुइ छप्प जुइगु भावना ब्बलनिगु नाप ग्राहकपि तक लाभान्वित जुइ धका धयादीगु खः।

संघया सल्लाहाकार चित्र भुजेल न्ह्याकादीगु उगु ज्याझ्वलय् संस्थाया उपाध्यक्ष निरेश शाहीं लशकुस यानादीगुलि संस्थाया संरक्षक नाप संस्थापक सचिव राजेन्द्र श्रेष्ठं संघ स्थापनाया मर्म व महत्वबारे खँ तयादीसे संघया स्थापना जुगु महत्वया विषय जुगु व संघं प्रभावकारी ज्याया निरन्तरता याना वनेमाः धका धयादीगु खः।

उगु ज्याझ्वलय् संघयात मदिक्क ग्वहालि याना वयाच्वंगुलि सनिरकुमार महर्जन व ‘पहिको युवा क्लव’ या सानुराजा महर्जनयात हने ज्या याःगु खः।

ताप्लेजुङया फुङलिङ नगरपालिका– ११ पाथीभरा क्षेत्रय् केबलकार निर्माण यानाच्वंगुलि विरोध प्रदर्शन यायेगु झ्वलय् ल्वापू जुगुलि प्यम्ह प्रदर्शनकारी घाःपा जूगु दु।

प्रदर्शनयापिन्त नियन्त्रण कायेगु झ्वलय् प्रहरीं कयकू गोलीं प्यम्ह प्रदर्शनकारी घाःपाः जुगु खःसा प्रहरी न घाःपाः जुगु दु। गोली लाःपि स्वम्हेसिगु अवस्था गम्भीर जूगु दु।

प्रहरी नाप ल्वापू जुगुलि यामबहादुर लिम्बू, सगुन लावती, धर्मान पालुङ्वा व मंगल लावती घाःपा जुगु खः। यामबहादुर, धर्मान व सगुन लावतीयात गोली लागू खः।

ताप्लेजुङ पाथिभरा क्षेत्रय् केबलकारया विरोध यायेगुलि पहिचान पक्षधर व प्रहरी दथुइ ल्वापू जुगु दु।

ताप्लेजुङया फुङलिङ नगरपालिका– ११ काफ्ले पार्टी स्वया च्वय् पाथिभरा द्यःया थाय् वनेगु लँय् प्रहरी व केबलकारया विरोध यानाच्वपि दथुइ ल्वापू जुगु खः।

उगु स्थितियात नियन्त्रण कायेगु झ्वलय् प्रहरीं १२ सेल अश्रूग्यास क्यकूगु खः। अथे ल्वापू जुइवं पाथीभरा द्यःया दर्शन यायेत वःपि यात्रु तयेत लँय् पनेमाःगु खः।

पाथीभरा वनेत केबलकारया ज्या मंगलवाः सुरु जुगु खः। डीएसपी रावलं पहिचान पक्षधर तय्त तितरबितर यायेत नेपाल प्रहरीं न्यागु व सशस्त्र प्रहरीं न्ह्यय्गू सेल अश्रुग्यास प्रहार याःगु खः।

प्रधानमन्त्री केपी शर्मा ओलीं ‘भर्चुअल’ माध्यमं सिद्धबाबा सुरुङमार्गया मू सुरुङया थौ ‘ब्रेक थ्रु’ यानादीगु दु।

‘ब्रेक थ्रु’ जुइवं राष्ट्रिय गौरवया ग्वसाः कथं सिद्धार्थ राजमार्ग अन्तर्गत बुटवल–तानसेन सडकया च्वय् याःगु सिद्धबाबा द्यःया थासं १ हजार १ सय २६ मिटर सुरुङमार्ग पिचाकेगु ज्या जुइ धुकुगु दु।

प्रधानमन्त्री ओलीया विशेष उपस्थितिइ थौ सुरुङमार्गया ‘ब्रेक थ्रु’ जुगुलि थौ वयकःया स्वास्थ्य प्रतिकूलताया कारण प्रधानमन्त्रीनिवास, बालुवाटारं भर्चुअल माध्यमपाखे उगु ज्याझ्वलय् ब्बति कयादीगु खः।

उगु ज्याझ्वलय् उपप्रधानमन्त्रीपि प्रकाशमान सिंह व विष्णुप्रसाद पौडेल, भौतिक यातायात लिसे पूर्वाधारमन्त्री देवेन्द्र दाहाल, लुम्बिनी प्रदेशया मुख्यमन्त्री चेतनारायण आचार्य, नेपाःया निति चीनया राजदूत चेन सोङ पिनिगु ब्बति दुगु खः।