कोरोना रोकथामया लागि अक्सिजनया माग अप्वोया च्वंगु इलय् ‘हाम्रो अक्सिजन उद्योग’ नं नुवाकोटया त्रिशूली अस्पतालया लागि १२०० सिलिण्डर अक्सिजन ग्वाहालि यागु दु।

राष्ट्रिय उद्योग व्यवसायी महाससंघ, नुवाकोटया अध्यक्ष गोपीप्रसाद कँडेल व व्यवसायी दिनेश ढकालं वागमती प्रदेशया आन्तरिक मामिला तथा कानूनमन्त्री केशवराज पाण्डे, नेकपा (एमाले) नुवाकोटया सचिव काशीराज अधिकारीपि नाप सहलह लिपा उगु सिलिण्डर हस्तान्तरण सुरु यागु खः।

मन्त्री पाण्डे न महामारीया इलय् थुगु ग्वाहालिया निति यक्को यक्को सुभाय् दु धासे उद्योगी व्यवसायीया लागि ज्यायेगु सहज वातावरण तयार यायेगु धका धयादीगु खः ।

नुवाकोटया ककनीस्थित उद्योगं नेपालया हे दकलय् अप्वो न्हि ७०० निसे ७५० सिलिण्डर तक अक्सिजन उत्पादन याइ।

सेयर कारोबार मापक नेप्से परिसूचकं आःतक हे दकलय् ऐतिहासिक रेकर्ड तःगु दु ।

नेप्से परिसूचक थौं आइतवाः २८ सय २० च्वय् थ्यगु न्हुगु रेकर्ड तःगु दु। नेपाल स्टक एक्सचेञ्जया प्रवक्ता मुराहरी पराजुलीं आइतवाः न्हुगु रेकर्ड कायम जुगु धका पुष्टि यागु दु।

संसद विघटन जुइवं आः राजनीतिक अस्थिरता जुइफु धइगु कारण बजाः घटे जुइ धका अनुमान यागु खः। आइतवाः कारोबार खुले जुगु १० मिनेटय् हे करिब ५० अंकं नेप्से परिसूचक घटे जुगु खः।

वया लिपा परिसूचक कारोबार बन्द जुगु इलय् तक ३२ दशमलव ८१ अंक थहावना २ हजार ८ सय २० थ्यंगु खः। थ्व आःतक हे दकलय् अप्वो खः।

२२० कम्पनीया सेयर न्यायेगु मिइगु जुगुलि कारोबार रकम ११ अर्ब ६५ करोड ५८ लाख रूपैयाँ थ्यंगु खः।

कोरोना भाइरसया महामारीया निगगु लहरय् अस्पतालय् बेड, अक्सिजन, आइसीयु, भेन्टिलेटरया ब्यवस्थाय् ध्यान वनेमाःगुपाखें थीथी क्षेत्रया विज्ञतयसं ध्यानाकर्षण याकादीगु दु ।

नेवाः पत्रकार राष्ट्रिय दबु सचेतना (अनलाइन) ज्याझ्वः कमिटीया ग्वसालय् शनिबार बहनी थुगु ज्याझ्वःया ५० ब्वः थ्यंगु लसताय् जुगु लसता हना अन्तक्र्रियाय् सांसद जीवनराम श्रेष्ठं कोरोना महामारीं स्वास्थ्य क्षेत्रय् नेपाःया अवस्था यक्वः कमजोर धकाः छर्लङ्ग यागु दु, धयादिल । ‘कोरोनाया निगुगु लहरय् स्वनिगलय् भेन्टिलेटर व आइसीयु मदया हाहाकारया स्थिति जुयाच्वंगु दु । थुकियात याकन हे सुधार याये मालेधुंकल । थ्वः पक्षय् सुधारया निंति संसदया कोभिड १९ अध्ययन व अनुगमन उपसमितिपाखें सरकारयात १९ बुँदाय् सुझाव बियागु खँ वय्कलं कनादिल । सांसद श्रेष्ठ थुगु उपसमितिया संयोजक नं खः । उगु सुझाव पत्रय् अस्पतालयात अपडेट याय्गु, कोभिडयात ध्यानय् तया आइसीयु, भेन्टिलेर बृद्धि याय्गु, पर्याप्त अक्सिजन प्लान्ट जडान याय्गु थेंजाःगु खँ दुथ्याःगु खः । वयकलं संघीय सरकार, प्रदेश सरकार व स्थानीय सरकारया समन्वय मदया नं समस्या जुयाच्वंगु जानकारी बियादिल ।

त्रिवि शिक्षण अस्पतालया जनरल प्राक्टिस व इमर्जेन्सी मेडिसिन विभागया प्रमुख प्रो. डा. योगेन्द्रमान शाक्यं अन्तक्र्रिया ज्याझ्वलय् त्रिवि शिक्षण अस्पतालनापं देयन्यंक बेड, आइसीयु व भेन्टिलेटर अभाव जुगु स्थितिया जानकारी बियादिल । वयकलं धयादिल– थ्वः कोरोना इलय् थःत माःबलय् बेड मालेथाकुगु अनुभव याना, झन सर्वसावधारणतयगु हालत गथे जुइ अनुमान याय्फु । अथेखसां ग्यानाः मखु सतर्क जुया थ्वः महामारीया सामना यायेमा धकाः सल्लाह बियादिल । थ्वः महामारींइ म्हमफुपि दथुइ १०–१५ प्रतिशतयात जक जटिल शारिरीक अवस्थाय् थ्यंकाबीगु जूगु दु ।

समाजसेवी व सकारात्मक सोचया अभियन्ता कर्ण शाक्यया धापूकथं नं सरकारं ब्यूगु प्रोटोकलत पालना यायेगु व सतर्क जुइगु थ्वः ईया आवश्यता खः । वयकलं कोरोना रोग स्वयां मानसिक तनावं अप्वः प्रभावित जुयाच्वंगु दु धयादिल । ‘जटिल अवस्थाय् थ्यंकूगु अनुभव यानावये धुंका तसकं धन्दा काय्गु परिस्थिति अप्वः खनेदया वःगुलिं कोरोनां अझ अप्वः मनुत प्रभावित जुया च्वंगु दु । वासःया थःगु हे महत्व दु तर अप्वः मन हे बःलाकेमाल । कोरोनाबारे सकलें धैथें विज्ञ थें जुइ धुंकल । अथेखःसां नियमय् मच्वंगु हुनिं समस्या जुयाच्वंगु खः । झीसं मेपिन्सं यायेमाःगु ज्याः फुक्क स्यू तर थःम्हेस्या यायेमाःगु ज्या मस्यु । अथे हे ‘राज्य गैरजिम्मेवारी जुल धाःसा झी झनं अप्वः जिम्मेवार जुइमा’ च्वमि शाक्यं कनादिल ।

अथेहे सिविन नेपालया निर्देशक सुम्निमा तुलाधरं कोरोनाया निुगूगु लहर ग्यानापुया च्वंगु दु धासें  पब्लिक हेल्थ सिस्टम कमजोर जुगुलिं सर्वसाधारणतयसं दुःख सियाच्वंगु खँ तयादिल । वयकलं कोरोना इलय् फुक्क छेँ दुने लानाच्वंबलय् घरेलु हिंसा व मस्तयत जुइगु दुव्र्यवहार अप्वः जुयाच्वंगु पक्षय् इकित नं यानादिल । थ्वः इलय् मस्त व मिसापिन्त जुयाच्वंगु घरेलु हिंसा ल्वमंके मज्यू । कोरोनां सुरक्षित जुइत छेँ दुने च्वनेमाः तर लकडाउनबलय् छेँ दुने जुइगु हिंसां मस्त, मिसात सुरक्षित जूला ? – वयकल न्हयसः तयादिला । निर्देशक तुलाधरया सिविनया बाल हेल्पलाइनय् जक ४८ गू यौन हिंसाया उजुरी दर्ता जुगु दु । निर्देशक तुलाधरं थ्वः लकडाउनया इलं समाजया वास्तविकता उजागर याःगु दु । सकसिया अधिकार प्रत्याभूति यायेगु नितिं सरकारया ध्यानाकर्षण याकूगु दु धयादिल ।

वरिष्ठ सिने पत्रकार व नेवाः पत्रकार राष्ट्रिय दबूया सल्लाहकार विजयरत्न तुलाधरं लकडाउनं कलाक्षेत्रया सिर्जना कुण्ठित जुयाच्वन तर थुकियात हाथ्याकथं कयाः वैकल्पिक माध्यमं कलाकारिताया प्रवद्र्धन यायेगु अवसर नं दु धयादिल । ‘नेवाः संकिपा ख्यः संकुचित जुयाच्वंगु अवस्था खःसां डिजटल माध्यमं विकास जुयाच्वंगु दु । थ्वः माध्यमं तत्काल लवः मब्यूसां भविष्यय् आर्थिक रुपं निर्भर जुइगु प्लाटफर्म तयार जुइ’ वयकल धयादिल ।

नेवाः पत्रकार राष्ट्रिय दबूया सचेतना ज्याझ्वः दबूया फेसबुकपाखें प्रशारण जूगु ५० ब्वः थ्यंगु लसताय् जुगु थुगु अन्तक्र्रिया ज्याझ्वलय् नेवाःपत्रकार राष्ट्रिय दबूया नायः सुरजवीर वज्राचार्यं ज्याझ्वः न्ह्याकादीगु खः ।

थगुने हलिंयात आक्रान्त याःगु कोरोना भाइरसया संक्रमण अप्वयावःगुलिं नेवाः पत्रकार राष्ट्रिय दबूपाखेँ थ्वः महामारीबारे सर्वसाधारणतय्त सुचं बीगु लिसें सचेत यायेत प्रजित शाक्यया संयोजकत्वय् सचेतना कवः गठन जुगु खः । थुगु कमिटीइ दुजःपिं रचना श्रेष्ठ, मिना वज्राचार्य, तेजनाराण महर्जन, अनूप प्रधान व हसना लवजू खः ।

 

संसद विघटन यागु विरोधय् नेपाल विद्यार्थी संघं राष्ट्रपति कार्यालय शीतलनिवास पिने प्रदर्शन यागु दु।

मन्त्रिपरिषदया सिफारिसय् राष्ट्रपति विद्यादेवी भण्डारीें संसद विघटन सदर याना निर्वाचन मिति घोषणा यागुलि नेपाल विद्यार्थी संघं शीतल निवासि पिने सतकय् प्रदर्शन यागु खः ।

प्रदर्शनय् प्रहरीं हस्तक्षेप याना प्रदर्शनकारीपिन्त ज्वंगु खः ।

कोरोना भाइरसया महामारीया निगुगु लहर व्यापक जुया च्वंगु इलय् अस्पतालय् बेड, अक्सिजन, आइसीयु, भेन्टिलेटरया अभाव जुया च्वंगुपाखे थीथी क्षेत्रया विज्ञतयसं चिन्ता प्वंकूगु दु।

नेवाः पत्रकार राष्ट्रिय दबु सचेतना पुचःया ग्वसालय् शनिबार फेसबुक लाइभ ज्याझ्वःया ५० ब्वः थ्यंगु लसताय् जुगु अन्तक्र्रिया ज्याझ्वलय् पुर्वसांसद जीवनराम श्रेष्ठं कोरोना महामारीं स्वास्थ्य क्षेत्रय् नेपालया   अवस्था यक्वः कमजोर धकाः धयादीगु दु। अथेहे त्रिवि शिक्षण अस्पतालया जनरल प्राक्टिस व इमर्जेन्सी मेडिसिन विभागया प्रमुख डा.प्रो. योगेन्द्रमान शाक्यं उगु अन्तक्र्रिया ज्याझ्वलय् थः कार्यरत् देशभरया अस्पतालय् बेड, आइसीयु व भेन्टिलेटर अपुग जुगु स्थितिया जानकारी बियादिगु खः।

वयकलं कोरोना इलय् थःत मागु इलय् बेड माले थाकुगु अनुभव याना, झन सर्वसावधारण तय्गु हालत गथे जुइ अनुमान याय्फु तर अथे खःसां ग्याना मखु सतर्कजुया थ्वः महामारीया सामना यायेमा धका सल्लाह बियादिगु खः। समाजसेवी व सकारात्मक सोचया अभियन्ता कर्ण शाक्यं सरकार ब्यूगु प्रोटोकलत पालना यायेगु व सतर्क जुईगु थ्वः ईया आवश्यता खः । वयकलं कोरोना रोगंसिबें मानसिक रोगं अप्वः प्रभावित जुयाच्वंगु दु धयादिल ।

अथेहे सिविन नेपालया निर्देशक सुम्निमा तुलाधरं कोरोनाया निगुगु लहर ग्यानापुगु हिसाबं न्ह्या वया च्वंगु दु धासेँ पब्लिक हेल्थ सिस्टम कमजोर जुगुलिं सर्वसाधारण तयसं दुःख सिया च्वंगु खँ तयादिल । वयकलं कोरोना इलय् सकलें छेँ दुने च्वना च्वंबलय् घरेलु हिंसा व मस्तयत जुइगु दुर्व्यवहार अप्वः जुया च्वंगु पक्षयात इङ्गति नं याना दिल ।

वरिष्ठ सिनेपत्रकार व पत्रकार दबुया सल्लाहकार विजयरत्न तुलाधर असंबरें लकडाउनं कलाक्षेत्रया सिर्जना कुण्ठित जुया च्वन तर थुकियात हाथ्या कथं कया वैकल्पिक माध्यमपाखेँ कलाकारिताया प्रवर्द्धन यायेगु अवसर नं दु धयादिल । वयकलं  नेवाः संकिपा ख्यःदिना च्वंगु अवस्था खःसां नेवाःं संगीत ख्यः डिजटल माध्यमं विकास जुया च्वंगु दु अले  थजागु ह्युपा आवश्यक नं खः ।

थ्वः माध्यमं तत्काल लबः मब्यूसां भविष्यय् आर्थिक रुपं निर्भर जुइगु प्लेटफर्म जुइधका  धयादिल । पत्रकार दबु सचेतना कमिटीया ५० ब्वः थ्यंगु लसताय् जुगु लसता हना अन्तर्क्रिरया ज्याझ्वः नेवाःपत्रकार राष्ट्रिय दबूया नायः सुरजबीर बज्राचार्य नं ज्याझ्व न्ह्याकामीया जिम्मवारी काया दिगु खः ।

थगुने हलिंयात आक्रान्त यागु कोरोना भाइरसया संक्रमण तब्यानां वंगुलिं पत्रकार दबूपाखेँ थ्वः महामारीबारे सर्वसाधारणतय्त सूचं बिइगु लिसेँ, सचेत यायेत प्रजित शाक्यया संयोजकत्वय् सचेतना कवः गठन जुगु खः । थ्वः कमिटीया दुजःलय् रचना श्रेष्ठ, मीना बज्राचार्य, तेजनाराण महर्जन, अनूप प्रधान व हसना लवजू दु ।