बलात्कार याना हत्या याःगु १७ गु दिं लिपा डोटीया भागरथी भट्टया थैं अन्तिम संस्कार यायेगु तयारी याःगु दु ।

गोठलापानीपाखे शवयात्रा सुरु याना सेरास्थित महाकाली घाटय् अन्तिम संस्कार यायेगु तयारी दु । बैतडीया दोगडाकेदार गाउँपालिका–७ चडेपानीया १७ दँ दुम्ह भट्टयात वःगु माघ २१ गते बलात्कार लिपा हत्या याःगु खः ।

छेँ जःपिन्स दोषी पत्ता लगे मजुतले व माःगु कानुनी कारवाही याये माःगु माग शव उठे याये माने मजुगु खः । प्रहरीं बुधवाः चडेपानीयाम्ह दिनेश भट्टयात आरोपित धाःसे सार्वजनिक याःगु खः ।

दिनेशं न भागरथीया छेँ जःपिन्त थःपिन्स हे हत्या यानागु स्वीकार यायेवं भागरथीया परिवार दाहसंस्कार यायेत सकारात्मक जुगु खः ।

थौं येँ थीथी थासय् मत मवइगु जुगु दु ।

फुटुङ, पद्मसाल, चिम्बर पोखरी, साङ्लाफाँट, जरङ्खु, काभ्रेस्थली, देवीस्थान, ठूलो इनार, खुलालटार, थापागाउँ, नागपोखरी, संगमफाँट लगायतया थासय् सुथय् १० बजेनिसे १२ बजे तक मत मवइगु धका नेपाल विद्युत प्राधिकरणं धाःगु दु।

बालाजु वितरण केन्द्रं लागु धर्मस्थली फिडर मर्मत याये माःगुलि उगु फिडरपाखे मत सप्लाइ जुइगु थासय् मत मवइगु धका धाःगु दु । तोके याःगु इलय् ज्या सिधःगु अवस्थाय् न्हिनय् १२ बज न्ह्यः हे मत वइ धका प्राधिकरणं धाःगु दु।

नागरिक समाजं थौं शुक्रवाः टुनिख्यः घेरे याइगु ज्याझ्वः दु ।

बृहत् नागरिक आन्दोलनं टुनिख्यः घेरे याना घोषणापत्र जारी याइगु ज्याझ्वः दु । बृहत् नागरिक आन्दोलन घोषणापत्र २०७७ नां बिया घोषणापत्र टुनिख्यलय् जुइगु आन्दोलनपाखे सार्वजनिक यायेत्यःगु खः ।

अथेहे समाजं टुनिख्यलय् जुइगु मार्चय् सहभागी जुइत सकसित इनाप याःगु दु । नागरिक आन्दोलन रत्नपार्क सुरु जुया भद्रकाली सहिदगेट जुया मार्च पश्चिम गेटपाखे टुनिख्यलय् दुहावनिइ ।

वया लिपा ज्याझ्वलय् मन्तव्य व चिनाखँ ब्बनान्यकिइ धका समाजं धाःगु दु।

येँ महानगरपालिका १८ वडाया ग्वसालय् प्रचलित नेपाल लिपि स्यनेज्या जुगु दु । लच्छि यक जुगु उगु कक्षाय् पबित्र कसाः न स्यना दीगु खः।

उगु कक्षाय् मुक्कल ३५ म्हेसिया ब्बति काःगु खः। थौं छगु ज्याझ्वः दथुइ येँ महानगरपालिकाया मेयर बिद्यासुन्दर शाक्य ब्बति कयादीपिन्त दसीपौ लल्हानादीगु खः।

ज्याझ्वलय् थःगु नुँगः खँ तयेगु झ्वलय् येँ महानगरपालिकाया मेयर शाक्यं येँ महानगरं संस्कृति, सम्पदा नाप भाषा ब्बकेगु व लिपि बिकास यायेगुलि माःगु कथं बजेत तया वयाच्वनगु दु । येँ महानगर थःगु मातहतय् लागु स्कूलय् नेपालभासं हे ब्बकेय्गु ब्यवस्था याये त्यनागु दु । उगु पाठक्रम ब्बकेगु लागि येँ महानगर ब्बकेगु निति शिक्षक तक माग याये धुकगु दु धका धयादीगु दु ।

येँ महानगरपालिका १८ वडा अधक्ष्य न्हुच्छेकाजी महर्जनया सभाधक्ष्यताय् जुगु खः। लच्छि यकं जुगु ज्याझ्वःया ब्यवस्थापन नेपालं याःगु खः।