सरकारयात थौं शुक्रवाः बहनि ५ बजे तक ई बिया न्हुगु सरकारया विकल्प बिया राष्ट्रपतिं यागु आह्वानविरुद्ध रिट दायर यासे अधिवक्तापि सर्वोच्च अदालत वंगु दु ।

अधिवक्ता सन्तोष भण्डारी, रामबहादुर शाही, शैलेन्द्र अम्बेडकर, वीरभद्र जोशीपिन्स बिस्क बिस्क सर्वोच्च अदालत वनेगु तयारी यानाच्वंगु दु ।

प्रधानमन्त्री पदमुक्त मजुइक राष्ट्रपति भण्डारीं न्हुगु सरकार गठनया लागि प्रतिनिधिसभा सदस्यपि शुक्रवाः बहनि ५ बजे तक ई बिगुलि थुगु बिषय आलोचना जुयाच्वंगु दु।

संविधानको धारा ७६ या उपधारा ३ बमोजिम प्रधानमन्त्री नियुक्त जुम्ह ओलीें विश्वासया मत कायेगु प्रक्रिया सुरू मयासे वा राजीनामा मबिगुलि संविधानया धारा ७६ (५) बमोजिम न्हुगु सरकार गठनया प्रक्रिया सुरु यागु असंवैधानिक कदम माने यागु दु। 

नेकपा एमालेया वरिष्ठ नेता माधवकुमार नेपाल समूहया सांसदपि सिंहदरबारय् भेला जुगु दु।

म्हिगः बिहीवाः राष्ट्रपति विद्यादेवी भण्डारीं धारा ७६ (५) को सरकार दयकेत आह्वान यायेवं नेपाल समूहया सांसदपि थौं भेला जुगु खः।

उगु छलफलय् नेता नेपाल, भीम रावल, जीवनराम श्रेष्ठ, रामकुमारी झाँक्री, विरोध खतिवडा, झपट रावल लगायत नाप २० म्ह स्वया अप्वो सांसदपि सिंहदरबार थ्यंगु खः।

राष्ट्रपति विद्यादेवी भण्डारीं थौं शुक्रवाः बहनि ५ बजे तक संविधानया धारा ७६ (५) कथं न्हुगु सरकार गठनया निम्ति ई बिगु खः।

ई न्ह्यने वयेवां दलपि एकपक्षीय व बहुपक्षीय छलफल याना च्वंगु दु।

वंगु २४ घण्टाय् स्वनिगः दुने ३ हजार २ सय ३२ म्हेसित कोरोना संक्रमण पुष्टि जूगु दु।

स्वास्थ्य मन्त्रालयया कथं थौं येँ जक २६०० म्हेसित कोरोना पुष्टि जूगु दु।

अथेहे ख्वपय् २२९ म्ह व यलय् ४०३ म्हेसित कोरोना संक्रमित पुष्टि जूगु दु।

बिहीवाः देयन्यकं थप ६५४३ म्हेसित कोरोना संक्रमण पुष्टि जुगु खः।

वंगु २४ घण्टाया दुने कोरोना संक्रमणं थप १९० म्ह मन्त। अथेहे ८३०५ म्हेसित कोरोना संक्रमित पुष्टि जुगु दु ।

अथेके थौं ६५४३ म्ह संक्रमणमुक्त जुगु दु । स्वास्थ्य तथा जनसंख्या मन्त्रालयया कथं २२ हजार ८७ म्हेसिगु नमुना परीक्षण यागुलि ८३०५ म्हेसित संक्रमण पुष्टि जुगु खः।

अथेहे संक्रिय संक्रमितपि १ लाख १५ हजार ८५२ म्ह थ्यंगु दु। उकि मध्ये १ लाख ८ हजार ३८ होम आइसोलसेसनय् च्वना च्वंगु दु। संस्थागत आइसोलेसनय् ७ हजार ८१४ म्हसंक्रमितपि दु।

कि मध्ये १७४८ म्ह आईसीयूलय् च्वना च्वंगु दु सा ४९२ म्ह भेल्टिलेटर सपोर्ट तयातःगु दु।

मन्त्रालयया कथं आःतक ४ लाख ८८ हजार ६४५ म्ह कोरोना संक्रमण पुष्टि जुइ धुकुगु दु। उकि मध्ये ५ हजार ८४७ म्ह सी धुकुगु दु ।

अथेहे ३ लाख ६६ हजार ९४६ म्ह संक्रमणमुक्त जुइ धुकुगु दु। वंगु २४ घण्टाय् जक ६५४३ म्ह संक्रमणमुक्त जूगु दु धका मन्त्रालयं धागु दु।

शेयर बजार कारोबार मापक नेप्से परिसूचक थौं बिहीवाः ६ अङ्क स्वया अप्वो थहावंगु दु।

नेप्से ६ दशमलव ३७ अङ्क थहावना २७८७ दशमलव १८ अङ्क थ्यंगु दु धका नेपाल स्टक एक्सचेन्ज लिमिटेडं धागु दु। थौं खुगु समूहया सूचक थहा वंगु दु सा च्यागु समूहया सूचक घटे जुगु दु।

दकलय् अप्वो विकास बैंक समूहया परिसूचक एक सय १३ दशमलव ४४ अङ्क थहा वंगु दु सा जीवन बीमा समूहया परिसूचक ७८ दशमलव ८५ अङ्क घटे जुगु दु ।

थौं नौ अर्ब ३० करोड रुपैयाँ स्वया अप्वो दुई करोड एक लाख कित्ता शेयर किनबेच जुगु खः।

नेपाल रिइन्स्योरेन्स लिमिटेडया थौं दकलय् अप्वो ३४ करोड ७० लाख रुपैयाँ बराबरया शेयर कारोबार जुगु खः।

थौं गुडविल फाइनान्स कम्पनी लिमिटेड व मन्जुश्री फाइनान्स लिमिटेडया शेयर मूल्य १० प्रतिशत बढे जुगु दु।

पाँचथर पावर कम्पनी लिमिटेडया शेयर भाः धासा क्वहावंगु दु।