बाँकेय् कोरोना संक्रमणं निम्ह मनू सीउगु दु। जिल्ला कोभिड–१९ संकट व्यवस्थापन केन्द्र बाँकेया कथं छम्ह होम आइसोलेसनय् व छम्ह भेरी अस्पतालय् सीउगु दु ।

नेपालगञ्ज उपमहानगरपालिका–१० या ७० दँ दुम्ह मिजंम्ह सोमवाः चान्ह्य ९ः३० बजे होम आइसोलेसनय् व नेपालगञ्ज उपमहानगरपालिका–१ धम्बोजीया ४९ दँ दुम्ह मिजंम्हे भेरी अस्पतालय् थौं मंगलवाः सुथय् ६ः१० बजे मदुगु खः।

७० दँ दुम्ह मिजंम्ह २६ पुसय् कोरोना संक्रमण पुष्टि जुगु खः । कोरोना पुष्टि जुइवं उम्ह मनू होम आइसोलेसनय् च्वंगु खः।  धम्बोजीया ४९ दँ दुम्ह मिजंम्ह भेरी अस्पतालय् भर्ना जुगु १० मिनेट लिपा हे अस्पतालय् मदुगु खः। कोरोना परीक्षण यागु इलय् २८ पुसय् वयागु रिपोर्ट पोजेटिभ वगु खः।

सोमवाः सुथय् अचानक बेहोस जुइवं वयात भेरी अस्पतालया कोभिड वार्डय् सुथय् ६ बजे भर्ना याःगु खः । वयागु बिहान ६ बजे जुया १० मिनेटय् मदुगु धका अस्पतालं धाःगु खः।

लुँया भाः थौं निसः थहावःगु दु ।

थौं तोला निसः थहावना ९२ हजार रुपैयाँ थ्यःगु दु धका नेपाल सुनचाँदी व्यवसायी महासङ्घ न धाःगु दु।

म्हिगः लुँ तोलां ९१ हजार ८ सय रुपैयाँ थ्यःगु खः ।

अथेहे, थौं वहः तोलाय् झीन्यातका थहावना १२४५ रुपैयाँ न कारोबार जूगु दु धका महासङ्घ धाःगु दु ।

नेपाल आयल निगमं पेट्रोल, डिजेल व मचिंकया भाः थकागु दु।

म्हिगः सोमबाः चान्हय् १२ निसें लागू जुइ कथं लिटरं नितका चिकंया भाः थकाःगु दु धका निगमया प्रवक्ता विनितमणि उपाध्ययं जानकारी बिःगु दु ।

आः न्हूगू भाः कथं पेट्रोल लिटरया ११० तका थ्यगु दुसाः डिजेल व मचिकंया ९३ तका थ्यगु दु।