शाक्य वज्राचार्य जाति दुने जुइगु प्रव्रज्या संवर विषययात कयाः छगू प्रवचन ज्याझ्वः जुगु दु  ।

उगु जाति दुने जुइगु प्रव्रज्या संवरय् परम्परगत ज्ञानया म्हो जुया वंगुलि व थुकिंयात चुनौति वयाच्वंगु खँय् सरोकारवालापिन्स चिउताः काःगु दु । जिसि आजु गुथि, रत्नकेतु महाविहार झ्वाःबहाःया ग्वसालय् बरे छुइगु अर्थात प्रव्रज्या संवर धइगु छु ? छाय् याइ ? गुकथं याइ ?

लुम्बिनी बौद्ध विश्वविद्यालयया पुलांम्ह उपकुलपति तकं जुयादीम्ह बौद्ध विद्वान प्रा. डा. नरेशमान वज्राचार्यं आजीवन जिम्मेवारी बहन यायेगु प्रतिवद्धतालिसें सदस्यता प्राप्त यायेगु हे ‘बरे छुइगु’ परम्परा खः धयादिल । लिसें वय्कलं झिगू शील पालना यायेगु समाधी (ध्यान) यायेगु व प्राप्त ज्ञानया चिन्तन मनन यानाः साक्षात्कार यायेगु नापं बौद्ध विद्यार्थी जीवन यापनया अभ्यास शुरु यायेगु हे प्रव्रज्य संवर खः धयादिल ।

धइगु विषयय् जूगु प्रवचन ज्याझ्वलय् थःगु खँ तयादिसें प्रा.डा. वज्राचार्यं परम्परागत ज्ञानया म्हो जुया वनाच्वंगुलिं परम्परायात निरन्तरता बीगुलिइ चुनौति नं वयाच्वंगु खः धयादिल । नेपाल सरकारया पुलांम्ह सहसचिव लिसें समितिया सह संयोजक आनन्दरत्न वज्राचार्यं प्रव्रज्या संवर बारे शैक्षिक ज्याझ्वःया अभाव महसुस यासें थुकथंया ज्याझ्वः यानागु जानकारी बियािदल ।

उगु ज्याझ्वलय् प्रा. डा. गौतमरत्न वज्राचार्यं लसकुस यानादीगुलि गुथिया न्याम्ह थाकुलि अशोकरत्न वज्राचार्य, प्रा. डा. गौतमरत्न वज्राचार्य, मोहनमानन्द वज्राचार्य, सानुराजा वज्राचार्य व नरेन्द्र वज्राचार्य लगायतया उपस्थिति दुगु खः ।

येँ थौं न्हिनय् वाः वइगु सम्भावना दु । न्हिनय् १ बजेलिपा मौसमय् ह्यूपाः वया नँ न्याःया भचा वाः वयेफु धका मौसमविदपिन्स जानकारी बिःगु दु।

थौं सुथय् स्वनगिःया न्यूनतम तापक्रम ५.८ डिग्री सेन्टिग्रेड मापन जुगु दु । न्हिनया तापक्रम अप्वो जुया २२–२४ डिग्री तक थ्यनिइगु  सम्भावना दु ।

सुथय् देय् या पहाडी व हिमाली भू–भागय् आंशिक बदली जुगुु दु सा मेमे थाय् मौसम सामान्यतया सफा जुगु दु।

माघ ३० गतेपाखे खुले जुगु महिला लघुवित्तया साधारण सेयर (आईपीओ)य् १५ लाख ८० हजार स्वया अप्वोसियो आवेदन बिःगु दु । आईपीओ बिक्रीया लिपागु दिं बुधवाः  बहनिया ५ बज तक १५ लाख ८० हजार ७८१ म्हेसिया २ अर्ब ४६ करोड ६६ लाख १७ हजार रूपैयाँ बराबरया २ करोड ४६ लाख ६६ हजार १७० कित्ता सेयरया लागि आवेदन वःगु खः ।

कम्पनीं माघ ३० गतेनिसे जारी पुँजी १० करोडया ४० प्रतिशत जुइगु कथं ४ करोड रुपैयाँ बराबरया आईपीओ बिक्री खुला याःगु खः । कम्पनीं छगु कित्ता १०० रुपैयाँ अंकित मूल्यया ४ करोड रुपैयाँ बराबरया ४ लाख कित्ता आईपीओ बिक्री खुला याःगु खः। उकि मध्ये ५ प्रतिशत अथे धइगु २० हजार कित्ता सामूहिक लगानी कोष व ५ हजार कित्ता कर्मचारीया लागि छुटे याना ल्यःदनिइगु ३ लाख ७५ हजार कित्ता सेयर धाःसा सर्वसाधारणया लागि बिक्री खुला याःगु खः। लघुवित्तया आईपीओ निष्कासन व बिक्री प्रबन्धक नेपाल एसबीआई मर्चेन्ट बैंकिङ याःगु खः ।

आईपीओ निष्कासनया लागि याःगु रेटिङय् इक्रा नेपालं लघुवित्तयात ‘इक्राएनपी इस्यअर रेटिङ डबल बी’ प्रदान याःगु खः । थुकिइ वित्तीय दायित्व पूरा याये फइगु सम्बन्धय् मध्यम जोखिम दुगु संकेत खने दु । गुकिइ  सर्वसाधारणया लागि निष्कासन याःगु ३ लाख ७५ हजार कित्ताया ६५.७ गुणा अप्वो खः ।

गृहमन्त्री रामबहादुर थापा बादलं बैतडीकी १७ दँ दुम्ह भागरथी भट्टया हत्या आरोपीयात ज्वने सफल जुगुलि नेपाल प्रहरीया टिमयात सुभाय् बिःगु दु ।

गृहमन्त्री थापां सामाजिक सञ्जाल फेसबुकपाखे घटनाया सफल अनुसन्धान यागु धाःसे अभियुक्त ज्वनेत सफल जुगुलि नेपाल प्रहरीया टिमयात सुभाय् बिःगु खः । गृहमन्त्री थापां फेसबुकय् च्वंगु दु ‘बैतडीया भागरथी भट्ट हत्याय् संलग्न अभियुक्त कानुनी कारबाहीया दायरा वःगु दु ।

तसक संवेदनशील जुगु थुगु घटनाया सफल अनुसन्धान यासे अभियुक्त ज्वनेत सफल नेपाल प्रहरीया टिमयात सुभाय् । दक्को प्रकारया मिसा हिंसाया घटना नियन्त्रण यायेत गृह मन्त्रालय संवेदनशील दुगु थज्यागु घटनाय् संलग्नयात कारबाहीया दायराय् हयेगु प्रतिवद्ध दुगु धका लिसा कया धाये चाहे जु।’

वःगु २४ घण्टाया दुने थप १२५ म्हेसित कोरोना भाइरस (कोभिड १९) संक्रमणया पुष्टि जूगु दु ।

देयन्यकया प्रयोगशालाय् ३ हजार ८३८ म्हेसिगु नमुना परीक्षण यागुलि ४८ म्ह मिसा व मिजंपि ७७ म्ह याना १२५ म्हेसित संक्रमण पुष्टि जूगु दु ।

थ्व नाप आःतक कुल संक्रमित ल्याः २ लाख ७३ हजार ७० म्ह थ्यःगु दु। उकि मध्ये २ लाख ६९ हजार ३९४ म्ह संक्रमणमुक्त जूगु दु ।

अथेहे २०५५ म्ह सी धुकुगु दु धका स्वास्थ्य तथा जनसंख्या मन्त्रालयं धाःगु दु । आःतक देयन्यक १ हजार ६२१ म्ह सक्रिय संक्रमितपि दु ।

उकि मध्ये ९९१ म्ह होम आइसोलेसनय्, ६१ म्ह आईसीयूय् व १३ म्ह भेन्टिलेटरय् उपचार जुया वयाच्वंगु दु धका मन्त्रालयं धाःगु दु ।