सरकारं कोरोना भाइरसया महामारी नियन्त्रणया लागि धका वंगु वैशाख निवाः निसे स्वनिगलय् निषेधाज्ञा जारी यागु खः ।

अय्न निषेधाज्ञाया इलय् कालीमाटी तरकारी व फलफूल बजारय् तरकारी न्याः वइपिनिगु तसक भीड खनेदु।

प्रहरी माइकिङ याः वइगु इलय् हुल तितरवितर जूसा वया लिपा हाकन अथेहे जुइगु याः।

कालीमाटी तरकारी बजारय् उखुन्हु तिनि १२ म्ह संक्रमितपि पिहावंगु खः तर अय्न सु न ग्यागु खनेमदु ।

निन्ह्यः कालीमाटी तरकारी बजारय् येँ  महानगरपालिकां झण्डै ४०० पीसीआर म्हेसिगु परीक्षणय् १२ म्हेसित संक्रमित पुष्टि जुगु खः।

 नेकपा (माओवादी केन्द्र) कपिलवस्तुया जिल्ला नेता दीपक पाण्डेयात गोली क्यकूगु दु।

तौलिहवा–जीतपुर सडकखण्डया सडवा धइगु थासय् पाण्डेयात म्हिगः चान्ह्य स्वम्हसिया पुचलं गोली क्यकूगु खः।

कपिलवस्तु नगरपालिका तौलिहवाया ३५ दँ दुम्ह पाण्डेयात प्वाथय् व जँय् याना पेस्तोलं निगः क्यकूगु खः। घाःपाः जुम्ह पाण्डेयात युनिभर्सल मेडिकल कलेज भैरहवाय् उपचार यानाच्वंगु दु।

पाण्डेयागु म्हय् छगः गोली लिकाय् धुकुगु दु सा मेगु छगः लिकाय् ल्यःदनिइ धका जिल्ला प्रहरी कार्यालय कपिलवस्तुया प्रवक्ता धर्मराज भण्डारीं धागु दु ।

निग्लिहवापाखे मोटरसाइकलय् वःपि स्वम्हेसिया पाण्डेयात गोली क्यकूगु धका डीएसपी भण्डारीं धागु दु।

लमजुङया भुलभुले जःखः केन्द्रबिन्दु जुया थौं सुथय् न भुखाय् ब्बगु दु।

उगु थासय् थौं सुथय् ५ बजे जुया ५१ मिनेटय् ३ दशमलव २ रेक्टर स्केलया भुखाय् ब्बगु दु धका राष्ट्रिय भूकम्प मापन केन्द्रं धागु दु।

म्हिगः सुथय् ५ बजे जुया ४२ मिनेटय् ५.८ रेक्टर स्केलया ब्बगु भुखाय् आःतक ८६ गु पटक ब्बय् धुकुुगु दु।

आः परकम्प बिस्तार कम जुया वनिइगु अनुमाने भूकम्पविद् पिन्स यागु दु।

५ दशमलव ८ रेक्टर स्केलया भुखाय् १२ घण्टाय् ५६ गु पटक ब्बये धुकुगु दु।

महानगरीय प्रहरी परिसर येँया डीएसपी राजकुमार केसी कोरोना संक्रमणं मन्त।

थौं बिहीवाः सुथय् नेपाल प्रहरी अस्पतालय् उपचारया झ्वलय् मदुगु धका नेपाल प्रहरी प्रधान कार्यालयं धागु दु।

मदुम्ह केसी कागेश्वरी मनोहरा नगरपालिका मूलपानी स्थायी छेँ दुम्ह खः । निवाः न्ह्यः संक्रमण पुष्टि जुगु खः।

स्वास्थ्यय् समस्या वयेवं वयकःयात प्रहरी अस्पतालय् भर्ना यागु खः।

राष्ट्रियसभाय् खाली जुगु पदया लागि वागमती प्रदेशमा थौं उपनिर्वाचन जुइत्यंगु दु ।

वागमती प्रदेशय् मेगु समूहपाखे खाली जुगु छगु पदया लागि उपनिर्वाचन जइत्यंगु खः ।

उपनिर्वाचनय् सत्तारुढ एमालेपाखे गृहमन्त्री रामबहादुर थापा (बादल) व विपक्षी गठबन्धनया समर्थन दुम्ह एमाले माधव नेपाल समूहया खिमलाल देवकोटा व नेमकिपाया कृष्णबहादुर तामाङ उम्मेदवार जुग दु।

मुख्य प्रतिस्पर्धी धासो बादल व देवकोटा खः। दलयात सूर्य निर्वाचन चिं व देवकोटायात कलम चुनाव चिं बिगु दु।

संघीयताविज्ञ देवकोटायात कांग्रेस, माओवादी, जसपा व एमालेया माधव नेपाल समूहया समर्थन दु।