उच्चरक्त चाप व चिनि ल्वय् न मुटु ल्वःगिपि अप्वाया वःगुलि चिकित्सकपिन्स जीवनशैलीइ ह्यूपा हये माःगुलि बः बियादीगु दु ।

थौं शनिवाः यल महानगरपालिका १६ वडाया बुबहालय् जुगु बृहत निशुल्क स्वास्थ्य शिविरय् मुटु ल्वगिपिनिगु स्वास्थ्य परीक्षण यायेगु झ्वलय् अथे धयादीगु खः । यल महानगरपालिका– १६ वडा व अरनिको समाज नाप मिले जुया याःगु छगु स्वास्थ्य शिविर वःगु सनिवाःनिसे याना वयाच्वंगु खः । वःगु वाःय् नशा व हाडजोर्नी परीक्षण जुगु खःसा थुगु वाःय् मुटुया परीक्षण याःगु खः। ‘जीवनशैलीइ ह्यूपाः हया नयेगु त्वनेइलि नियन्त्रण नाप व्यायाम बः बियादिसे मुटुल्वय् पिनिगु ल्याः अप्वाया वःिगु दु।

’ स्वास्थ्य परीक्षण लिपा डा.दीपक मिश्रं धयादीगु दु चिनि ल्वय् व उच्चरक्त चाप हे मुटु ल्वगिपि जुपि थौं ८३ म्ह ल्वगि पिनिगु स्वास्थ्य परीक्षण याःगु खः।‘ एलडीएल कोलेस्टोरं याना मुटु ल्वय् समस्या जुपि बिरामीपिन्स स्वास्थ्य परीक्षण याःगु खः। स्वास्थ्य सम्बन्धी चेतना जगे याये मफुतकि मुटुल्वगिपि न्हिया न्हिं अप्वाया वनिइ धका डा. मिश्र, डा. कृृष्णगोपाल महर्जन, डा. उर्मिला शाक्यं महानगरपालिका व वडां चेतनामूलक ज्या याये माःगुलि बःबियादिगु दु ।

थौंया शिविरय् वासः सितिक बिःगु खःसा ईसीजी न सितिक बिःगु खः। उगु शिविरय् अरनिको समाजया महासचिव डा. सुशील प्रजापतिं शिविरमा स्वास्थ्य परीक्षण यापि बिरामीपिनिगु थप वासः यायेगु लागि यल सामुदायिक हदयरोग सेवा केन्द्र मणिडोलय् २० प्रतिशत छुट बिइगु घोषणा यानादीगु खः।

मेगु वाःया शनिवाः बालिफल (अशोक हलमा) मचा व मिखा रोग सम्बन्धी शिविर, फागुण ८ गते नागबहालय् स्त्री रोग सम्बन्धी शिविर, फागुण १५ गते दौबहालय् प्वा व स्येँ सम्बन्धी शिविर, फागुण २२ गते मंगलबजारय् ज्येष्ठ नागरिकपिनिगु लागि नशा, युरोलोजी, मधुमेह व जनरल सम्बन्धी शिविर जुइगु दु ।

येँ महानगरपालिकां भृकुटीमण्डप नाप च्वंगु बुद्ध विहार पुनःनिर्माणया लागि थप ७० लाख रुपैयाँ अनुदान बिःगु दु ।

वःगु आर्थिक वर्षमा १ करोड रुपैयाँ अनुदान बिःगु खः। थौं शनिवाः छगु ज्याझ्वः दथुइ विहारया सभाहलय् महानगरपालिकाया मेयर विद्यासुन्दर शाक्यं पुनःनिर्माण समितिया अध्यक्ष भिक्षु कौण्डन्य महास्थविर व कोषाध्यक्ष सुरेश महर्जनयात उगु रकमया चेक हस्तान्तरण यानादीगु दु। महानगरपालिकां वःगु असारया नगरसभां थुगु रकम उपलब्ध यायेगु प्रस्ताव पारित याःगु खः।

थौं जुगु उगु ज्याझ्वलय् महानगरया मेयर शाक्यं महानगरपालिका दुने जीर्ण, क्षतिग्रस्त फल्चा, सतः, बहाः बही, विहार, महाविहार, क्वापाद्यः, गुथि छेँ, आँगः छेँ लगायत दक्को सम्पदा थःगु कार्यकालय् पुनःनिर्माण यायेगु लक्ष्य कथं अनुदान उपलब्ध यानागु खँ धका धयादीगु खः । ‘महानगरपालिकां थःन मनूत संवेदनशीलता नाप स्वागु व नेपाःयात म्हसिकेगु संस्कृति, सम्पदा व विहार पुनःनिर्माणयात तधःगु प्राथमिकताय् तयाःगु दु। ’ आःतक जुयाच्वंगु बौद्ध विहार, फल्चाः, सतः व सम्पदाया पुनःनिर्माण उगु लक्ष्य कथं न्ह्या वनाच्वंगु दु। थुकिइ दक्को सरोकारवालापिनिगु ग्वाहालि महत्वपूर्ण उपलब्ध हासिल याइ । ’ मेयर शाक्यं धयादीगु खः।

मेयर शाक्यं संस्कृति, सम्पदा संरक्षणया लागि रकम जुल धका च्यूता कायेम्वाः योजना हयादीसँ महानगरपालिकां  सकसित माःगु ग्वाहालि यायेगु प्रतिबद्धता प्वकादीगु दु । महानगरपालिकाया हे ग्वाहालि आःतक नयाँ बानेश्वरय् अन्तर्राष्ट्रिय बौद्ध भावना केन्द्र, स्वयभ्भुइ आनन्द भुवन विहार पुननिर्माण जुइ धुकुगु दु धका धयादीसे वयकलं स्वयम्भुइ ऐतिहासिक आनन्दकुटी विहारया पुनःनिर्माणया लागि १ करोड रुपैयाँ उपलब्ध यानाबीइ धका धयादीगु खः।

उगु ज्याझ्वलय् महानगरपालिकाया उपमेयर हरिप्रभा श्रेष्ठ खड्गीं विहारया पुनःनिर्माणय् महानगरपालिकां ग्वाहालि याये धया तुसकं लय्ताग् दु धका धयादीसे थुकिइ महानगरपालिका प्रति अपनत्व व स्थानीय तह प्रति भरोसा अप्वइगु धका बिचाः तयादीगु खः ।

समितिया अध्यक्ष भिक्षु कौण्डन्य महास्थविरं सर्वसाधारण दातापिनिगु ग्वाहालिं जुयाच्वंगु पुनःनिर्माणया ज्या वःगु दँय् व थुगु दँया आर्थिक वर्षय् याना महानगरपालिकां उपलब्ध याःगु १ करोड ७० लाख रुपैयाँ नं पुनःनिर्माणय् तधःगु ग्वाहालि जुगु धका धयादीगु खः। महानगरपालिकाया ग्वाहालिं ढुक्क जुया विहार पुनःनिर्माण यायेत उत्साह व भलसा दुगु धका भिक्षु कौण्डन्य धयादीगु खः ।

समितिया सहसचिव सुनील महर्जनं संस्कृति, सम्पदा प्रतिया संवदेनशीलतायात स्वया महानगरपालिकां  थुगु ख्यलय् यानावया च्वंगु ग्वाहालि अनुदान ग्वाहालि, कयाच्वंगु निति व योजना उदाहरणीय जुगु धका बिचाः तयादीगु खः । महानगरपालिकां सरोकारवालापिन्त उत्साहित याना उच्च मनोबलया साथ संस्कृति व सम्पदा क्षेत्रय् याःगु ज्या स्थानीय तहया लागि न उदाहरणीय जुगु धका सहसचिव महर्जन धयादीगु खः ।

उगु ज्याझ्वलय् अखिल नेपाल भिक्षु महासंघया उपाध्यक्ष भिक्षु धर्ममूर्ति, महानगरपालिकाया प्रमुख प्रशासकीय अधिकृत राजेश्वर ज्ञवाली, वडाध्यक्ष व थीथी महाशाखाया प्रमुखपिनिगु उपस्थिति दुगु खः ।

रुकुम पश्चिमय् मलखं छम्ह मनू मन्त रुकुम पश्चिमय् मलखं कया छम्हेसिगु ज्यान वःगु दु गएको छ ।

मुसीकोट नगरपालिका ६, गवारीय् ४२ दँति दुम्ह भीमबहादुर बोहरा वःगु चान्ह्य मलखं कया ज्यान वःगु दु । मलखं कया बोहरा थःगु छेँय् मदुगु धका अनया प्रहरीं धाःगु दु ।

बोहराया शव पोष्टमार्टमया लागि जिल्ला अस्पताल सल्ले यकूगु दु धका जिल्ला प्रहरी कार्यालय रुकुमपश्चिमया सूचना अधिकारीं धाःगु दु।मलखं लाना बोहराया ३५ दँ दुम्ह जहान सीता न घाइते जुगु दु धका प्रहरी निरीक्षकं धाःगु दु।

घाःपाः जुम्ह जिल्ला अस्पताल सल्लेय् वासः याका वयाच्वंगु दु। सीताया जवः तुतिइ, देय्पाःगु ल्हाः नाप शरीरया जवय् चोट लागु दु।

नेपाल पत्रकार महासंघ काठमाडौं शाखां थौंं थःगु २२ क्वःगु साधारण सभाया दुगु बरिष्ठ पत्रकार राजेन्द्र स्थापितया नाप मेपि गुम्ह पत्रकारपिन्त सम्मान यायेत्यःगु दु।

वःगु प्यगु दशक निसे नेपाःया पत्रकारिता ख्यलय् निरन्तर योगदान बिया वयाच्वनादीम्ह बरिष्ठ पत्रकार स्थापितयात थौं छगु ज्याझ्वः दथुइ सम्मान यायेत्यःगु खः। नेपाल पत्रकार महासंघ काठमाडौं शाखाया पूर्वसभापति अशोक श्रेष्ठया नामय् स्थापित अशोक श्रेष्ठ स्मृति पत्रकारिता पुरस्कारपाखे पत्रकार स्थापितयात सम्मान यायेत्यःगु खः।

काठमाडौ शाखां स्थापित नाप मेपि शम्भु श्रेष्ठ, बलराम थापा, देवेन्द्र चुडाल, निर्मला शर्मा, विश्वराज किराँत, इन्द्र रिजाल, निरोधराज पाण्डे, ज्ञान उदास, ईश्वरीप्रसाद वाग्ले, मानध्वज लामा, टिबी विरही, गोपाल बुढाथोकी व दामोदर दवाडीयात सम्मान यायेत्यनागु धका शाखाया अध्यक्ष शन्तराम बिडारी छगु विज्ञप्तिइ उल्लेख यानादीगु खः।

वःगु २४ घण्टाया दुने देयन्यक १०५ म्हसित कोरोना भाइरस संक्रमण पुष्टि जूगु दु । स्वास्थ्य तथा जनसंख्या मन्त्रालयया कथं २७९९ म्हेसित याःगु परीक्षणय् १०५ म्ह संक्रमण पुष्टि जूगु दु ।

संक्रमितपि १०५ म्ह मध्ये वाग्मती प्रदेशय् ६५, लुम्बिनीइ २१, गण्डकीइ ११, प्रदेश १ य् ४, सुदूरपश्चिमय् २, कर्णाली व प्रदेश २ य् छम्ह छम्हेसित संक्रमित जूगु दु । उकि मध्ये येँ ४३, यलय् १२ व ख्वपय् स्वम्हेसित कोरोना सक्रमण जूग दु । अथेहे चितवनय् न्याम्ह, कास्कीइ गुम्ह, दाङय् न्ह्यम्ह व रुपन्देहीइ प्यम्ह संक्रमित जुगु दु धका मन्त्रालयं धाःगु दु ।

थौंतक नेपालय् कोरोना संक्रमितपि ल्याः २ लाख ७१ हजार ७०७ म्ह थ्यःगु दु । उकि मध्ये २ लाख ६७ हजार ५६४ म्ह कोरोनामुक्त जुइ धुकुगु दु सा २०३५ म्ह सी धुकुगु दु । वःगु २४ घण्टाय् कोरोना भाइरस संक्रमणमुक्त जूपि २७२ म्ह थ्यःगु दु सा निम्ह सीइगु दु।