स्वनिगलय् मेलम्ची लः हयेत पुनः परीक्षण यायेगु तयारी जुयाच्वंगु इलय् लः वितरणया लागि माःगु तयारी लिपागु चरणय् थ्यःगु दु। मेलम्ची खानेपानी विकास समितिं लः पुनः परीक्षणया तयारी जुयाच्वंगु इलय् आयोजना कार्यान्वयन निर्देशनाल न अधिकांश थासय् न्हुगु व गुलि न पुलागु थासय् पुलागु पाइपपाखे वितरणया लागि तयारी न्ह्याके धुकगु दु।

निर्देशनालयया जिम्मेवारी सुन्दरीजलय् लः वयेवं स्वनिगलय् समानुपातिक वितरण यायेत पूर्वाधार तयार यायेगु ज्इा जुगु दु धका निर्देशनालयया सूचना अधिकारीं धाःगु दु। वयकःयाः कथं यक्को ज्या सीधगु दु सा भचा ज्या ल्यदुगु दु। पाइप निर्माण जुगु थासय् न्हुगु व मजुगु थासय् पुलागु पाइप हे लः वितरण यायेगु योजना दु धका धाःगु दु। लः वितरणया लागि माःगु पूर्वाधार निर्माण क्वचाये धुकुगु थासय् परीक्षण (टेस्टिङ एण्ड कमिसनिङ) जुया च्वगु दु धका धयादीसे न्हुगु निर्माण जुगु पाइपं लः ज्वःगु व वा मज्वः स्वयेगु ल्यःदनी धका धाःगु दु।

समितिं न्हापागु चरणय् मेलम्ची खुसिइ न्हि १७ करोड लिटर लः हइगु जुगु दु सा निगु चरणमा याङ्ग्री व लार्के खुसिइ थप १७, १७ करोड यासे ५१ करोड लिटर स्वनिगलय् हये त्यःगु खः। न्हापागु चरणय् वइगु लः न्हि १७ करोड लिटर लःया वितरण यायेगु लागि पूर्वाधार निर्माण जुइ धुकुगु दु धका निर्देशनालयं धाःगु दु। थुगु लः चक्रपथ दुनेया थासय् वितरण याये त्यःगु खः।

न्हापागु चरणया लः मध्यपुर, किपू तक वितरण याये त्यःगु खः चक्रपथ दुने न्हुगु पाइप लाइन मदुगु थासय् स्वयम्भू, ताहचल, पानीपोखरी लगायतया थाय् खः। मेलम्ची खुसिइया सुरुङ जुया सुन्दरीजलया प्रशोधन केन्द्रतक लः क्वकायेत माःगु संरचना निर्माणया ज्या समिति याःगु खः। सुन्दरीजलं प्रशोधित लः छेँय् छेँय् थ्यकिइगु ज्या निर्देशनालय याःगु खःसा काठमाडौँ उपत्यका खानेपानी लिमिटेड (केयुकेएल) न लः पानी वितरण यायेगु याइ ।

थौं येँ म्हिगः स्वया अप्वो ख्वाःगु अप्वो जुगु दु ।

थौं सुथय् येँया तापक्रम ४ डिग्री सेल्सियस मापन जुगु दु। म्हिगः सुथय् येँया तापक्रम ५ दशमलव ५ डिग्री सेल्सियस मापन जुगु खः ।

न्हिनय् हाकन क्वहा वया ५ दशमलव ३ डिग्री सेल्सियस मापन जुगु खः ।

सुपाँय् हटे जुया आकाश खुले जुगुलि ख्वाःगु अप्वो जुगु धका मौसमविद् पिन्स धाःगु खः।

भारतपाखे खा, दाना, खेँ व ला आयात यायेत रोके याःगु दु।

भारतय् थीथी थासय् फैलै जुगु बर्ड फ्लु नेपालय् दुहा वयेके मबिइत सरकारं तत्कालया लागि आयातय् रोके याःगु दु। कृषि तथा पशुपंक्षी विकास मन्त्रालय अन्तर्गतया पशुसेवा विभागं देय् या च्याःगु कार्यालयय् पत्र छ्वया आयातय् रोके यायेत निर्देशन बिःगु दु।

बर्ड फ्लु दुहा वके मबिइत काँकडभिट्टा, विराटनगर, जनकपुर, वीरगञ्ज, येँ, भैरहवा, नेपालगञ्ज व गड्डाचौकीया पशु क्वरेण्टीन कार्यालयय् जाँच याये धुकुगु दु धका मन्त्रालयं धाःगु दु। भारतया झारखण्ड, हिमाञ्चल, गुजरात, केरला, मध्यप्रदेश, राजस्थान, महाराष्ट्र लगायतया थासय् बर्ड फ्लुया सङ्क्रमण पिहावःगुलि नेपालय् न जोखिम जुइ फइगुलि कडा याःगु खः।

मन्त्रालयं भारतपाखे खा आयात याइपि व्यवसायीपन्त तक बालाक्क बिचाः यायेत इनाप याःगु दु।

स्वनिगः दुने थौं २३३ म्हेसित कोरोना संक्रमितपि थपे जुगु दु।

वःगु २४ घण्टाय् जक संक्रमित जूपि मिसापि ७२ म्ह व १६१ म्ह मिजंपि खः।

अथेहे येँ जक १५९,म्ह यलय् ५० म्ह व ख्वपय् २४ म्हेसित कोरोना संक्रमित पुष्टि जूगु दु।

थौ देयन्यक ४०९म्हेसित कोरोना सक्रमित जुगु खः। 

अथेहे ४०५म्ह कोरोनामुत्त जुगु दु सा खुम्ह सी गु दु।